شرح [ محدّث ] استفسارات مرحلة التدقيق - المرحلة التاسعة ( 9 )

انا رتبتهم حسب بيان الوثائق المطلوبه


( تمت المشاركة باستخدام تطبيق مبتعث )

انا بعد رتبتهم كذا ~~ بس افكر فيه ترتيب اخر!

طيب الله يسعدك ما عندك خلفيه عن موعد تقديمها الي فهمته من كلامك اني اروح للتدقيق بعدين راح يكون فيه مهله لي عشان استقيل صح؟
لان كثير قالوا استقيل قبل التدقيق بس معليش هذي مجازفه اخاف اسويها ولا احصل بعثه ولا وظيفة

مواعيد التدقيق


اتمنى هالمشاركة تهدي من اعصاب الكثير وكلي رجاء ان حالة الوسوسة تخف عنكم بعد قراءتها

1 - تم ارسال مواعيد التدقيق موزعه حسب المناطق وبأوقات متفاوته مابين فترات صباحية ومسائية وخلافو لغرض التنظيم فقط وفقط..بمعنى انو من الطبيعي الوزارة ماحتدعو الخمسة الالاف متقدم انهم يجو لموقع التدقيق في الخبر من غير توزيع لأنو فيكم تتخيلو شكل المكان والبهدله.. وبالتالي الالتزام بالموعد المرسل لك وكأنه آيه منزله والخوف من الحضور بوقت غير المحدد لك غير مبرر ابداً .. منطقياً الكثير منكم ملتزم هنا او هناك بعمل او خلافو ومرتبط بأمور مايعلم فيها الا الله وحضوركم في الاوقات المحدده لكم فيه ضرر بشكل او بأخر وعلشان كذا الوزارة تسمح بحضورك لمركز التدقيق في غير وقتك متى مالظروف سمحت وحيكون وقتها مجرد اجراء شكلي انك تعبي طلب تغيير موعد ومكان مركز التدقيق.. العام الماضي حصلت لي بسبب ظروف عملي.. عديت عليهم المسا مع انو موعدي الصباح ، خلصنا نموذجهم وكملت لجوا القاعه وصلى الله وبارك.. نفس الكلام للاخوه والاخوات الي مش مستعدين يروحو بمستندات ناقصه او فيه مشكله تخص المستندات، خلصو ترتيبكم وتوجهو للمراكز ولو اقتضى الامر فيكم تروحو لمراكز التدقيق في المدن الثانيه..

2- الخوف من انو اصغر مشكله تخص التدقيق والمستندات وووو تتسبب في ضياع البعثة او البهدله شيلوه من راسكم .. الكل حيشوف انو فترة التدقيق حتكون ميسرة والوزارة حتكون متعاونه ومرنه .. حطو هالكلمتين في اذانيكم ( البعثة في جيوبكم متى ماحققتم الشروط) اياً كان نوع المشاكل او العوائق قدامكم .. والدليل انو الي طلع تدقيق الخبر اليوم جا بأخبار ساره لكل الي كان خايف من امتداد التخصص ( حرفياً ) تم الرد انو تحقيق الشروط الاساسية يعني القبول في البعثة بما فيهم اصحاب التخصصات الغير ممتده

3- الحرص جيد، لكن الوسوسة وعدم استيعاب الي يصدر من الوزارة بيأخركم عن حاجات ثانية اهم... كنت احذر من الانغماس في المشاكل (الصغيرة) وتناسي الاهم وفترة التدقيق كانت اول شاهد .. ثقو في انفسكم اكثر

علاوة ع كلامك اخي عبدالرؤف اعلان الابتعاث كان في شعبان الماضي والتسجيل كان في رمضان والان نحن في ذي القعده ونحن ك ادارة منتدى حرصا منذو يوم الاعلان بوضع مواضيع مخصصه للاستفسارت وذلك للاجابه ع اسئلة الاعضاء وتوضيح لهم متطلبات الابتعاث بشكل عام وفي الفتره الاخيره ركزنا ع متطلبات التدقيق بشكل خاص.. ولكن للاسف ومن شعبان حتى الان تنصدم لما تقراء مشاركة لعضو انه لسه مااستخرج وكالة المرافق من كتابة العدل،، لسه ماترجم السجل والوثيقه للانجلش..لسه مااستخرج جواز.. للامانه هذا قصور من العضو نفسه واهمال..يفترض انك متابع ومطلع ومجهز اوراقك بشكل كامل ..ف اتمنى انه اي مرشح يكون ع مستوى الحدث. يكون عنده مسؤولية كبيره.. فمتطلبات وشروط الابتعاث ليست معادلة رياضية او الالغاز.. هي شروط واضحه كوضوح الشمس..

يا اخوان .. السلام عليكم ورحمة الله وبركاته ،،،

انا مركز التدقيق في الرياض .. والتدقيق راح يكون يوم الاحد .. وابي اقدمه ليوم السبت .. لان عندي سفر لخارج المملكة يوم الاحد الصباح ... فـ وش الطريقة للتقديم ؟

مشكورين

ليت قومي يعلمون ياعزوز .. عموماً من هذي الاوقات فيك تعرف مين الي حيرتاح في ابتعاثه ومين الي حيتعبه اتكاليته وتقصيره .. شوف المشاركه الي بعدك ع طول مثلاً



# بعد اذنك ححط هذي المشاركة ٤ مرات في اليوم (زيها زي الادويه) علشان اضمن انو التذكير ينفع بخصوص الي كتبته

والله حنا نتمنى لهم الخير لكن لما نعلن ونوضح انه اي طالب مرشح للبكالوريوس (لازم) يسلم شهاده الاصل واخلاء الطرف بمركز التدقيق.. تتفاجا بانهم فيه منهم يقولك مااراح اسحب لين تجيني مسج..ويحط نفسه تحت ضغط عامل الوقت.. فعلا يااخوي عبدالروؤف دائما العضو المرتب اموره من بدري وعارف الي له وعليه بيرتاح كثيير..نسال الله لهم ولنا التوفيق..

دامك بالرياض انصحك بالتواصل مع ادارة البرنامج ومعرفة الالية لذالك

شكراً على ردك اخي الكريم ... لكن كيف طريقة التواصل معهم ؟