حوار تجمع طلاب و طالبات الماجستير ( ماستر - Master ) - المرحلة التاسعة - (9)

وقت الحج عندنا يكون شهرسبتمبر عندهم
جيب قبول لمعهد تبدا الدراسة فيه سبتمبر 2014

توضيح اكثر: السؤال ممكن يكون من جهتين ، الاولى هي بشكل عام وهذا ماجاوبتيه..ولو كان سؤاله عن كيف الوضع "مع الوزاره" فهذا موضوع انكتب العام الماضي عن موضوع تأخير استصدار قرار الابتعاث ، والعام اخو السنه


السلام عليكم .. وصباح الخير ع الجميع

تنبية: ( هالنصايح للي قلوبهم جامدة وماينصح للمرشحين الي كلمه توديهم وكلمة تجيبهم والموسوسين)

عادتنا وزي كل سنة وفي هذي الفتره بالذات انو الكثير يسألوا ( هل نقدر نأجل البعثة) لأن الكثير يشوف زحمة الطلاب تسافر وتبلش دراسة وهو لسا ماسوى شي ..والبعض من الاساس ناوي يطلع متأخر لغرض ما مخطط له او لظروف معينة زي الي تبغى تعرس او الي تنتظر محرمها يخلص دراسة او الي يبغوا يحضرو اختبارات القبول من هنا أو أو أو.. وعلشان كذا لازم الكل يكون على احاطة بالوضع وحقيقة الي يحصل...

اول هام لازم يتعرف انو مافي شي اسمو تأجيل البعثة (من حيث الاجراء) ولكن فيه التأخير في استصدار قرار الابتعاث والي بالنتيجة حيأخر موضوع السفر وتغيير حالتك من كونك مرشح للبعثة الى مبتعث (مختوم على قفاك ختم مبتعث).. ثاني هام أنو الوزارة وخلال الملتقيات وموقعها وتصريح مسؤوليها يحثوا كل الطلاب على اصدار قرار الابتعاث والسفر خلال الثلاث الى الخمس اشهر الاولى من 2013. هدف الوزارة انها تضمن سفر اكبر عدد من الطلاب خلال هذي الفترة لآسباب تنظيمية لااقل ولااكثر..وبالتالي هي "تهدد" وتصرح وتأكد من الوقت للثاني بضرورة السفر ع السريع لأنو هذا الي تقدر عليه وبــــــــــــس.. الي حاصل واقعاً أنو الطلاب وبإختلاف ظروفهم فيهم يصدرو على قرار الابتعاث ويسافرو على اواخر 2013..كلام ماجد الحربي أنو اي طالب يتأخر عن السفر الى بعد سبتمبر فوضعو يصعب ولو يبغى يصدر بعدها قرار ابتعاث فيه لجنة تدرس الوضع و مايوافقوا الا على الشديد القوي وهذا كلام مأخوذ خيره وحقك في البعثة هو هو ومافي اجراء عندهم يلغي احقيتك فيه..اللطيف برضك انو ماجد الحربي نفسة وفي مناسبة صرح أنو الطالب فيه يطلع حتى نهاية العام مو اكثر وهذا يشرح لنا انو ادارة البرنامج ماحطت من الاساس انظمة تخص هالاجراء ولكن هي فقط وفقط كلام وتصريحات تتعارض فيما بينها حتى.

طلاب من المرحلة السابعة لسا طلعت قرارات ابتعاثها في نهاية العام الماضي (ديسمبر2012) مع العلم أنهم مرشحين من مننصف 2011 وهذا دليل أنو مافي شي يخلي الوزارة تلغي احقية احد في البعثة الا (بتنازل) المرشح نفسه عنها.. الكثير عندهم ظروف وخطط وترتيبات ماتتحمل السفر قبل ماي 2013 مثلاُ ولهم نقول : خليكم متطمنين انو بعد ماي وحتى سبتمبر تقدرو تصدرو قرار الابتعاث وتسافرو وعين الله عليكم وانو كلام الوزارة مو اكثر من مجرد حث على السفر المبكر من غير صلاحية الغاء بعثة او ضراب الصخن..

قرار الابتعاث : هو اخر خطوة تأكد أحقيتكم للبعثة والنقطة الي تتحول منها من مرشح الى مبتعث بقرار رسمي. بعد اصدار القرار فيكم تكملوا اجرائيين صغننين , الاول استصدار أمر الاركاب الي بعدو ع طول فيكم تصدروا التذاكر ومافي شي اسمو أنكم تصدروا التذاكر بضمان مالي او غيرو. نجي للتفاصيل الخاصة بالقرار وهي واضحة من الاساس ولكن الكثير ستل يشوفها (معقده) .. اول هام هي مدة القرار وهي مقررة ب3 اشهر من الاصدار وهذا معناته أنو لازمكم تسافروا لبلد ابتعاثكم خلالها بحيث انكم تنسقوا موعد وصولكم ماخذين بالاعتبار انو مايكون قبل بداية الدراسة (بما فيها الاورينتيشن ) بأكثر من شهر.. موعد اصدار قرار الابتعاث فيه يكون قبل موعد دراستكم بكم يوم وفيه يكون قبلها ب30 يوم ماتفرق لما توصلوا لهناك وماحيتغير بالموضوع شي.. وصولكم لهناك واستكمال مستندات فتح الملف (تتطلب قرار الابتعاث) هو اول يوم محسوب في الصرف..

مثال : طالب-ه يبدأ او تبدأ الدراسة ب5-مايو مثلاً فيه انو يسافر الى هناك من 5-ابريل وطالع وفيه يصدر قرار الابتعاث من 5-جانيوري وطالع
مع العلم أنو السفر قبل الدراسة بشهر يعني انو هذا الشهر محسوب ضمن فترة بعثتكم لأنو الاصل انو عدد ايام البعثة هي عملياً الايام الي تصرف عليكم الوزارة ومو ايام الدراسة زي مايتصور البعض .. نقطة يغفلها الكثير انو قرار الابتعاث اذا تصدر وماسافرتوا خلال 3 اشهر فحتنتهي صلاحيته وفيكم تعيدوا الاصدار ل3شهور ثانية لمرة واحدة بس.

هذي زبدة المقال في موضوع تأخير السفر وصلى الله وبارك

المصدر: http://www.mbt3th.us/vb/forum163/thr...#ixzz2lOaIeDc0
حفاظاً على حقوق الكاتب نرجو عدم حذف المصدر مبتعث
Under Creative Commons License: Attribution Non-Commercial No Derivatives
Follow us: @mbt3th on Twitter | mbt3th on Facebook

السلام عليكم
أخ عبدالرؤوف الله يوفقك و يديك الف عافية
أشكرك من الاعماق على النصائح الواضحة الوافية

كلام سعادتكم يا د.عبدالرؤوف بما يخص التأجيل كان مطبق عند الوزارة إلى العام الماضي المرحلة 8

اختلف هذه السنة بـ لزوم السفر خلال ثلاث أشهر من إصدار أو وصول الضمان المالي أو على الأقل خلال هذه الأشهر تكون قد أصدرت قرار الابتعاث .

و تطبيق ما يترتب على تأجيل السفر بعد إصدار قرار الابتعاث من عرض الطلب على لجنة و غيرها كما في السنوات الماضية أصبح الان يطبق على من لم يسافر أو يصدر قرار الابتعاث بعد ثلاث أشهر من وصول الضمان المالي .

هذا كلام د.عبدالرحمن الداغري في ملتقى الرياض >> ما حبيته هذا الدكتور

ومين فال انو الكلام الي سمعكم اياه الداغري وغيرو جديد؟؟؟ هذا منوال كل سنه

الي علينا التوضيح وعليكم اتخاذ القرارات لأنكم اصحاب الشأن

و لنا في أصحاب امتداد التخصص عبره

موضوع امتداد التخصص حاله خاصة كونه اصبح "شرط شبه اساسي" زيه زي العمر وتاريخ التخرج مع انو مازال الجدل فيه قائم بترقيعات القبول المشروط وغيرها.. لكن موضوع اصدار قرار الابتعاث فإجراء من الاساس يختلف ظرفه من طالب لطالب كون الفيزا (على سبيل المثال) يختلف الحظ فيها مابين الجميع اضف لذلك قضية المحارم وتوفرهم ووووووو. على اي حال شروط استصدار قرار الابتعاث ماتحدد فيها شروط خاصه بالتوقيت وكل مافيها هو توفر مستندات والسلام وهذه تعتبر قرينه واضحه على انو مافي اطار زمني محدد.

السلام عليكم
انا طالب مبتعث في ايرلاندا لتكمله دراسه الماجستير ...عندي سؤالين
1/اصدار قرار الأبتعاث ممكن يكون عن طريق ارامكس أو فيدكس؟؟
2/هل بعد اصدار قرار الأبتعاث فتره بقاءك في السعوديه لا يتجاوز 3شهور؟؟
ارجو افادتي وشكرا.

بنسبة لسؤلك الأول ذكر في ملتقى الخبر في محضرات اجراءت الابتعاث انه اصدار قرار الابتعاث فيها طريقتين يا اما عن طريق حضورك المباشر الى صالة المبتعثين في وكالة وزارة التعليم العالي أما الطريقة ثانية عن طريق ارسال جميع الأوراق والمتطلبات بواسطة البريد الممتاز أو DHL لاصدار القرار ..

وبالتوفيق ..


( تمت المشاركة باستخدام تطبيق مبتعث )

جزاك الله خير وشكرا

السلام عليكم .
حابه اسال اذا احد تخصصه اقتصاد كلية ادارة والاعمال وحاب يكمل ماستر اي دولة اختار ؟؟
انا اخترت كندا بس موش عارفه اي جامعة تدعم تخصصي بشكل قوي ليت احد يفيدني بللللليز