بالضببببط ..
انا قبل بداية التسجيل بـ شهر تقريباً ، رحت الوزاره ابي استفسر عن شغله الي هي " موظف ارامكو هل يتم رفضه بحجة انه موظف حكومي او وش وضعه بالضبط "
المهم دخلت قلت لـ الكاونتر عطني رقم وابي الدكتور ماجد الحربي ، عشان ابي اخذ العلم الاكيد لان الموضوع فيه استقاله من بكير قال لي سم امر انا اشتغل ف البرنامج ، المهم عطيته الاستفسار
وقالي ايه يعتبر موظف حكومي ولازم تستقيل قبل التقديم وفيه ناس تم رفضهم سابقاً لانهم اكتشفوا انهم موظفيين في ارامكو ..
المهم لما اخذت وعطيت معه ف الموضوع اخذني عند شخص ثاني وسأله هالسؤال وقال لا ارامكو تعتبر قطاع خاص واهم شي قبل التدقيق لازم تكون ورقة الاستقاله معه !
المهم عطاني رقم وقال رح لـ موظفيين البرنامج الي ف الزاويه ،
المهم رحت عند واحد والله استغفر الله مايدري وين الله حاطه واقوله يمين يقولي يسار ، واستفسرت منه كذآ استفسار غير ارامكو اجوبته مدري كيف لا والمضحك انه يقول ماضيعكم الا المنتدى ههههه :D واستفساراتي اصغر عضو ف المنتدى يقدر يجاوبها !
المهم انا ماعجبني كلامهم ثلاثتهم وكل واحد يقولي شي ، قلت ياحبيبي متى يداوم د. ماجد الحربي قال من 11 لـ 12 ..
المهم اجي اليوم الي بعده واحصل المستشار د.محفوظ الزهراني واسأله السؤال ويعني عطاني جوابي مقنع نوعاً ما بس حسيت انه ماش يعني مو 100% متأكد ،
وعاد من زود الحرص عندي كلمت المستشار الثاني د.محمد والمستشار الثالث والله مدري وش اسمه نسيت وكلهم تقريباً نفس الكلام ،
وحاولت اوصل للدكتور ماجد لكن ماحصلته هههههه
وعاد في النهايه اقتنعت وخلصت
مالكم ف الطويله مايستفاد ف الموضوع .. ان مع احترامي لا أ.غاده ولا أ.هيفا ولا بعض موظفين الوزاره يقدرون يفتون في موضوع دسم مثل هذآ يمس شريحه كبيره من المبعثين " تقريباً النصف "
الشي الثاني اذا انا موضوعي يعتبر سهل وحاولوا يفتون فيه ويخلوني استقيل قبل الموعد الي المفروض استقيل فيه وقبل ما اعرف وضع قبولي فـ انتم ضيقوا صدوركم قبل مايطلع القرار النهائي او القبول النهائي ! يعني الموظف الي ع الكاونتر لو اني اخذت كلامه ومشيت كان جاب فيني العيد !
انا موضوعي سهل جداً وبسيط جداً وما يمس تقريباً الا شخص واحد الي هو انا ومارضيت ولا قبلت ولا اقتنعت بـ جواب واحد وحرصت اني اتأكد ، فـ انتم موضوعكم اكبر ويمس شريحه اكبر فـ لاتاخذون على كلام شخص او شخصين خصوصاً اذا كانوا موظفيين عاديين !
وترا برنامج خادم الحرمين الشريفين قسم صغير جداً في وزارة التعليم العالي ، يعني موظف اتصالات الوزير الي يقولكم ادرسوا على حسابكم 4 شهو واستثناء ومدري ايش مع احترامي يا انه مافهم الموضوع صح او انه مثل باقي بعض الموظفيين مايدري وين الله حاطه !
ومثل ماقال استاذنا مراحل موضوعكم الي يبتّ ويفتي فيه هو د.ماجد وطالما الاخت عهود راحت لهم وقال بالحرف الواحد اهم شي انها قدمت وان فيه لجنه راح تبتّ ف الموضوع فـ هذآ هو الجواب وإن شاء الله اموركم طيبه