عرض للطباعة
أنا مؤيده ومعارضه
مؤيده إذا كانت الجامعه بريطانية الاصل وهذه فرع لها وراح تسهل على كثير من البنات سالفة الابتعاث لأنه كثير من الأهالي يرفضون إبتعاث بناتهم
ومعارضه الفكره لانه بيكون صعب تعلم اللغه لأننا بنكون عايشين وسط مجتمعنا فماراح نمارس اللغه إلا داخل الكلاس ثانياً الابتعاث يعرفك على ثقافات وحاضرات مختلفه ولما يكون فيه عندنا جامعات هنا ماراح نتعرف على ثقافات الشعوب الآخرى ..
( تمت المشاركة باستخدام تطبيق مبتعث )
فكرة جيدة لكن إستحاله تطبق وإذا طبقت هل بتكون الرسوم مجانية إذا لا فـ للأسف محد بيدخل غير المقتدرين ماديًا والمميزين اللي ماعندهم ماده بيقعدون بجامعاتنا ..
ميزة الفكرة ان الجامعة بكاملها تكون تحت كادر بريطاني أو سعوديين لكن من مخرجات التعليم البريطاني حتى يتم الإستفادة بشكل أكبر،خاصة أن في طلاب وطالبات أصحاب درجات عالية لكن لم يتمكنوا من التقديم للبعثة لأنه هم من يعولوا عائلتهم فـهذه الفكره راح تفيدهم جدًا ..
Sent from my GT-I9500 using مبتعث mobile app
وعليكم السلام ورحمة الله وبركاته...اقتباس:
المشاركة الأصلية كتبت بواسطة مراحل الإبتعاث
صباح الورد ...
فكره رائعه ..وليش لا ..وخلال بحثي في جامعات اسبانيا سابقا شاهدت جامعات امريكيه في اسبانيا ..فالفكره جميله وخصوصاً ان فيه فئه كبير تطمح لمواصلة الدراسه وخصوصا من البنات و اسرهم ترفض الابتعاث ...
ولكن السؤال
ماهي الجامعات اللي بتفتح في السعوديه يعني كما قالت اختي هداية الرحمان هل ستكون جامعات جديده كليا او فروع لجامعات متقدمه ؟
واذا كان الهدف هوالارتقاء بالمستوى التعليمي للمملكه ..فمن باب اولى تطوير جامعاتنا السعوديه ؟؟
الا نستطيع مثلا اعتماد المناهج البريطانيه - او الامريكيه او الكنديه+ كادر تعليمي عالي
+ تطوير معاملنا وجامعاتنا بدلا من صرف ميزانيات طائله لفتح جامعات جديده انا مثلا تخرجت من قسم الكيمياء في 2011 ولا زلنا في معمل الكيمياء التحليليه نستخدم السحاحه والماصه والدورق وورقة تباع الشمس او لون الدليل فقط!!! اليس عيب ياوزارة التعليم العالي ؟؟ ايصعب على وزاره تريد فتح جامعات جديده تطوير معاملنا .؟؟
باختصار اذا كانت الجامعات هي فروع لجامعات متقدمه..ومحافظه على هويتنا الاسلاميه ..فاهلا وسهلا .. ولكن رسالتي لوزارة التعليم العالي ابدئي باصلاح مافسدته في جامعاتنا فمن الظلم ان يدرس السواد الاعظم في جامعات ذات مستوى متدني ... وفي النهايه يتم اختيار خريجي الجامعات البريطانيه ..والكنديه والامريكيه ويتكرر مسلسل التوظيف ......
شكراً لك استاذ مراحل . . :)
احنا محتاحين إعادة تاهيل للمحتمع عشان يتقبل وجود مثل هالجامعات ، وغير كذا مثل هالجامعات رح يكون عندها شروط ، واول شرط بيكون حرية التعليم !
Sent from my GT-N7000 using مبتعث mobile app
ياجماعه كل اللي دققو بجده تغيرت حالة الطلب ... لان لسا حالتي تحت التدقيق؟؟؟؟
انا دققت في جدة و جلست 10 ايام تحت التدقيق و بعدها تغيرت الى تم التدقيقاقتباس:
المشاركة الأصلية كتبت بواسطة samar n
لا تشيلي هم مرة حتتغير في اليومين هذي ان شاء الله
صباح الخير ،
بالنسبه لـ فتح فروع لجامعات أجنبيه ف السعوديه فـ انا اشوف انها فكره مُـكمله وليست مُستبدله لـ الإبتعاث الخارجي ،
الإبتعاث الخارجي ليس مُقتصر على النواحي الأكاديمي ، الإبتعاث الخارجي اكاديمي ، تطويري ، تعرف على ثقافات اخرى ، إحتكاك مع خبرات سبقونا ف العلم ، اعتماد على النفس ، معايشة بيئات اخرى ، كسر حواجز بين الشعوب ، تعريف جيّد لـ الخلق والدين الإسلامي ، سفير دين ووطن وغيرها كثير من فوائد الإبتعاث الخارجي ،
لكن بنفس الوقت انا مع فكرة إنشاء فروع جامعات خارجيه عريقه ف ارض الوطن مثل فكرة Qater Foundation ، كـ مكمل لـ الإبتعاث الخارجي لـ الأشخاص الي عندهم ظروف ويصعب عليهم السفر
وفيها أيضاً تنافس مع الجامعات الاهليه المحليّه وايضاً الحكوميه ، تعدد خيارات الطالب ، تعاون جامعاتنا مع الجامعات العريقه والإستفاده من خبراتها ، تفعيل دور الأبحاث ف الوطن فـ انا ماشفت ولا جامعه حكوميه او اهليه مهتمه بهالجانب ، ولا شك ان استقطاب خبرات اكاديميه لـ ارض الوطن فيه عوائد وفوائد فكريه تنمويه لـ افراد المجتمع ،
مساء النور..
متابعة بصمت لكن شدني موضوع افتتاح جامعات أجنبية .. و أعجبني رأي هداية الرحمن
و أضيف رأيي الشخصي المتواضع انه لو فعلاً تم فتح جامعات أجنبية فهذا محزن و تهميش للمبتعثين القادمين بشهادات ترفع الرأس و كأنهم يقولو " صفو على جنب خلاص لقينا حل " << و ممكن يطلع نظام
جديد و هو كتابة رقم حافز في اخر الشهادة عشان لا يضيع المبتعث الخريج مع الغربة يمكن ما يعرف حافز لسا !!
رأي المجتمع خصوصاً الي يسوي الفاهم في خلف الكواليس للاحداث الجديدة حيقولك " بداية استعمار بس بطريقة غير مباشرة عشان ما قدروا سياسياًً فيرجعوا يحاولو فكرياً
كباقي الأحداث الفكرية الي نسمع فيها كل يوم ولاايش فائدة أبنائنا المبتعثين .... الخ الخ الخ " <<< و ركزو انو صحفنا معظمها تركز على التضخيم والتأليب للرأي العام بأي طريقة فسيفتح باب جديد
و على قول المثل باب يجيك منو ريح سدو و استريح
و عموماً اذا حصلت ستظهر نتائجها بعد ١٠ سنوات تقريباً و الي أتوقعها سلبية لنا خصوصا ناحية الوظائف و إحنا مو ناقصين
و أخيراً انا عن نفسي لا أعارض ولا أؤيد لكن اعشق التوقعات
و يارب ينكتب لنا الخير دائماً
( تمت المشاركة باستخدام تطبيق مبتعث )
بعدين بيني و بينكم الي يبغا التطوير يقدر من زمان مع الإمكانيات الي عندنا بس أي شئ وطني لسا غير معترف فيه للأسف .. و لا لو يدوني فرصة :) أخلي طلاب أمريكا و بريطانيا يبتعثو عندنا
<< معليش بس هيا خيالها واسع زيادة :)
قال يجيبولنا جامعات قال .. لسا جامعة المؤسس نصها عظم قاعدة تنبني يخلصوها و يستقطبو مبتعثينا أبنائنا و بناتنا يعبو الفراغ و يطلعو مواهبهم و دراستهم برا :)
طيب الي سعودي و عنده جنسية أمريكية يتوظف في الجامعات الأمريكية في السعودية ؟؟ << يعني الواحد لازم يزبط وضعوا من بدري كنا نقول لازم معدل عالي و دكتوراه و بحوث و خبرة عشان تسير دكتور
في جامعاتك بعدها حيزيد شرط جنسية الجامعة المراد التوظف فيها !!؟
<<<<< مجرد توقعاااات و اعتذر على التفكير بصوت عالي
( تمت المشاركة باستخدام تطبيق مبتعث )
من ناحية معارضة المجتمع لها ما أتوقع حتأثر لأنه في كاوست صح حيعارض في البداية بس بعد فترة يتقبلها. وما اتوقع وجودها او عدمه حيحسن من أداء الجامعات الحكومية اللي لها دعم مالي ثابت فماراح يكون بينهم تنافس ممكن الجامعات الأهلية تبدأ تحسن من وضعها لوجود منافس لها. ومن رأيي التركيز على جامعاتنا وتحسين برامجها الأكاديمية إلا اذا كانت دي الجامعات غير مشمولة بدعم الحكومة فهذا أفضل لأنها ماراح تتدخل في سياساتها التعليمية وماراح تكون زي جامعاتنا شغل واسطات ومحسوبيات.
- - - مشاركة محدثة - - -
طبعا لو كانت تابعة لجامعات عريقة حتخاف على سمعتها وماراح يكون فيها التفلت الحاصل في جامعاتنا