ديوانية المرحلة التاسعه ( 9 )

سلمت استاذي وصلت الرسالة .
بس راح نترك الوزير بعد ما نمهل الدكتور وقت لان ما يصير نقفز بين المسؤولين .
و اتوقع والله اعلم لو الدكتور شاف الخطاب بيقول لنا خلاص اموركم تمام و " المهم انكم سجلتم ". و بكذا ما نحتاج اننا نكبر المشكلة و لا احد يركب راسه و لا يمشونا مثل اللي من قبلنا ، لان الدكتور ماجد و كلنا نعرف هو اللي ساعد المراحل اللي من قبلنا . وخلونا نمشي بسلاسه و اكثر مرونه .
و اذا كان الفوزان مثل ما قال للطامح " تخصصكم ماله امتداد " ياعمي اصلا السنه اللي راحت كان الطلاب مالهم امتداد و كنت انت موجود ولا صار لهم شي !!
و مثل ما وعدتك انا براسله و مثل ما قلتلي انت بالحرف الواحد بس لازم نتسلسل بين المسؤولين و محد يدري يمكن يروح له الطامح يوم الاحد و يقوله لا تخافون كل شي تمام و نفس المرحلة اللي قبل .
وقتها قسم انه العيد جد ، ماخلونا نستغل رمضان ولا نفرح في العيد .

..

عندي نقطه هالنقطه في بالي من مبطي .
الحين الشرط اللي خايفين منه كان من ضمن " الشروط العامة للابعاث " صح ولا انا غلطان ؟
طيب لو تلاحظون اخر شرط كان عبارة عن " الانتظام الكلي ، و التفرغ و الاقامة في بلد الابتعاث " صح ؟
طيب الحين لو ان التخصص مهم للترشيح لاي درجة علمية كان راح يضيفونه في الشروط المخصصه لكل درجة علمية ! عشان يعملون حسابهم و ما يتعبون انفسهم .
المغزى من ذا كله الوزارة كانها تقول " ترى من الشروط العامه ان يكون تخصصك مكمل للاول يعني يا طالب اذا بتجيب قبول جيبه ممتد لتخصصك لان هذا شرط من شروط هالمرحلة عشان ما تصير مشاكل في توضيفك و وقت المعادله "
و انتم ذكرتم ان هالشرط من اووووول موجود .

هذا اللي احس راح يصير و هذا هو الواقع .

انا الصراحة كنت متفائله بس من كثر ما زنو وتكلمو في موضوع امتداد التخصص الواحد صار يشك بحكم ان الاغلبية عارف ان موضوع الابتعاث متجه نحو التعقيد ومن الي سمعنا من الاخ الطامح بس الله يكتب الي فيه الخير

اخوي علي.. اقدر حرصك ع التحليل والتاويل .. الشرط هذا ماكان متواجد بالاعلان الرسمي للوزاره الا هالمرحله .. ممكن يكون بداية جس نبض لان البرنامج باقي فيه ٦ مراحل قادمه مؤكد جدا ان البرنامج بيرفع من معايير القبول والمنافسه..عموما ساعة الصفر قربت كثير باقي اسابيع معدوده ع مرحله التدقيق وبعدها تعلن النتائج يعني ك اقصى حد شهرين وراح تعلن النتائج النهائيه.. ف الصبر زين وانا اشوف ان نسبة قبولكم مرتفعه جدا .. لانه صعب جدا الوزاره ترفضكم بعد التدقيق ف اعتقد اذا جتك الدعوه للتدقيق ف باذن الله انت مقبول .. كل كلامي بناء ع توقعات شخصيه مني ممكن تصيب وممكن تخيب.. الواضح انكم عملتوا بجهد كبير وكان لكم مجهود كبير وواضح.. وصدقني بيكون التوفيق والنجاح من حليفكم باذن الله

علي لاتتوقع انك راح تسمع من الدكتور ماجد شي يريحك بيقولك نفس ماقال لعهود سجلت؟ والموضوع تحت الدراسه وممكن اذا شاف الخطاب والاسماء يأجلون تطبيق الشرط للمرحله الجايه ويمكن مايطبقونه غير اذا زاد العدد ف السنين الجايه
بالنسبه للوزير انا اقول ندق كل الابواب عشان لانندم
ترى ماكبرنا الموضوع هم قالوا بالحرف ماتتقبلوا وسافروا ع حسابكم
كل شخص فينا اجتهد سواء كتب هنا او كان متابع
وكلنا امرنا لله الله ان كان فيها شر الله يشيل الشر منها ويرزقنا البعثه<<<< متمسكه ف البعثه

الدكتور ماجد هو كان حل الطلاب للمراحل السابقه باذن الله يكون هو حلنا بعد .

الشي الوحيد الي مخلي عندنا امل ان الرفض مو الكتروني
اذا كان جميع تخصصات كليه الاداب مرفوضه موصعبه يخلونها من بدري
بسال اذا طالب ثانوي متخرج وكل معدلاته تمام الا انه شرعي او ادبي يرفضه النظام؟؟

البرنامج ما يقبل الا علمي .. ومحدد هذا الشيء بمعنى انه اجباري بالخيارات ما فيه الا علمي ..

بالتوفيق ان شاء الله ..

ياعلي انا خاطبة لكم الوزير بنفسه على الأمر طلب تواصل شخص منكم معاه
تواصل الله يعافيك مع الوزير بالمرسل خاص وخبرني واترك الأمر الباقي علي
ويتواصل الطامح مع الدكتور ماجد

الوزير يريد أمر معين ياعلي تواصل بحسب ماارسلت لك بالخاص وجزاك الله خير
اذا لا تستطيع اخبرني بالأمر .

ابشر طال عمرك ، يارب عسى الامور تنحل .
ارسله اليوم او لازم مع فترة الدوام ؟

اذا مستعجل انا ما عندي فاكس والله بس اذا عادي كم يوم مو مشكلة ؟ في اخواننا هنا عندهم فاكس و مستعد يكون باسمي مو مشكلة

صباح الأحد ان شاء الله وبعدها أعطيني خبر حتى أتأكد من باقي الأمر


والله الشيء الي رفع ضغطي ان في ناس كانت تقدر تطلع المراحل السابقة واعتمدوا أنها نفس الشروط وقدموا هالمرحلة
مالهم ذنب هذا ظلم لازم المرحلة التاسعه والعاشرة تستمر بنفس الشروط التغيير يبدأ من المرحلة ١١

لكن والله اعلم ماتغير شيء الشرط موجود من العام السابق حسب ماوصلت له

وبالله التوفيق مقبولين جميعا ان شاء الله