ديوانية المرحلة التاسعه ( 9 )

الله يصبحك بالنور وربي يسمع منك

( تمت المشاركة باستخدام تطبيق مبتعث )

بالنسبة اللي يقولون ليه التشاؤم وليه الأحباط !
هذا شي أقل من عادي لأن الفترة اللي إحنا ننتظرها طويلة جدا
وماهي شهر ولاشهرين !!
وكل ماسألنا أحد قال مرفوضين ولا يسكت ولايرد !!
ومحنا عارفين وضعنا ولا مستقبلنا كل شي يجي فجأة وبدون سابق إنذار !!

الحمد لله جاهزين للقبول فقط وحاطين هدفنا وين نبي نروح وليه إحنا رايحين
لكن أحط اهداف وخطط للرفض هذي اللي يبي لها معجزه !!
كيف أقدم واسجل إذا البعثة تتطلب التفرغ التام من أي شي رسمي !!
يعني أنا مُخيره ياإني ابتعث أو اكنسل وأقدم وانتظر رزقي
أما الثنتين ذي ماتجي مع بعض !!

هذا حق من حقوقي كطالبة للعلم وساعية له ومتسوفية وشاملة للشروط
اما بحجة التكدس والامتداد هذا ليس من حقهم يمنعون ولن نسكت
ونستسلم بحجة انهم أصحاب القرار ..

وكلنا لك أمرنا يالله في كل حين ..
أنت حسبي وخير ونعم وكيل ..

صباح الخيرر مدينتي الجميلة ملتقيات مبتعث... وحشتوني ... امممم ماعندي تعليق على آي شي بس بتكلم كفضفضة آيجابية لاخواني واخواتي .. اللي مشكلتي نفس مشكلتهم من ناحية امتداد التخصص .. بقولكم شي احنا الحين تقريبا صار لنا شهر ونص على هذي السالفة وطيلة فترة شهر رمضان كنا ومازلنا مجتهدين بالدعاء والاستغغفار غير المجهودات الاخرى اللي سويناها من ناحية المراسلات والخطابات وآشيآء ثانية..انا اول ماسجلت بالبعثة كنت مبسوطة وطايرة من الفرحه وحسيت الموضوع سهل وبيخلص لكن بعدين جاتني مشكلة امتداد التخصص وحزنت بالبداية وكنت مرة اتحطم ومرة آيأس ومرة نفسيتي تتعب واعصابي ..بعدين جلست افكر مع نفسي آنا ليش جالسة احرق دمي واعصابي وانا عارفة بالنهاية انه ربي ادا كاتب لي البعثة راح اروح حتى لو وقفت بوجهي ممليون عقبة..لقيت افضل حل اني اثق بالله وارمي حملي عليه وهو راح يختار لي الافضل حتى لو ماكتب لي البعثة آكيد فيها شر لي وبيبعدها عني ..ماهي البعثة؟البعثة مو بس دراسة .. الابتعاث اغتراب .. والغربة مثل مايقولوا مرّه ..واسالوا اللي مجربينها ..انا مقدمة على الابتعاث لانه حلمي وطموحي اكمل دراستي واكون شي مشرف في بلدي ولانه تخصصي انجليزي هذا الامر هو اللي جعلني اختار البعثة لاني ابي اروح للغة الام . لانب محتاجة بيئة امارس فيها اللغة .في حال انرفضت من الابتعاث قدمت على دراسة السنة التربوية وجاني القبول ويوم 5-10 رحت وطابقت اوراقي والحمدلله صحيح،مو من اهتماماتي اني اخذ التربوي بس عشان مااضيع على نفسي فرصة ممكن تكون هي السبب في فتح طرق آخرى لنجاحي بالحياة .. الحياة صعبة ومحتاجه مننا صبر وكفاح كثير عشان نوصل للي نبيه.. لاتعلقوا امالكم على الابتعاث ارسموا خطط بديلة وممكن تكون بسيطة توصلك للي تببه .. اممم كمان لاانسى انا متفائله جدا بقبولنا جميعا وراح نبارك لبعض قريب بباذن الله .. بابا مراحل وعمو مراحل والتفاؤل كله مراحل جزاك الله عنا خير الجزاء وربي يوفقك ويسعدك دنيا واخره انت وكل الاخوان اللي يساعدونا هنا سعودي ماجيك واخوي حرف .. وقفتوا معنا كثير ربي يسخر لكم كل ماهو خير .. ادري طولت بهذرتي عليكم بس مشتاقة اسولف معكم

Sent from my GT-I9300 using مبتعث mobile app

أولا اهدي اختنا ما فيه الا الخير ان شاء الله وما احد لام احد .. الجميع بمركب واحد .. وكلنا مطالبين بالصبر لأن ما فيه غيره ..

وبالعكس انا ممكن اقول لأي شخص بدل ما تتفائل تشائم الى ان يشاء الله ولكن بعدها تعال وقلي وش استفدت وايش اللي حصلت عليه ..!

الشيء الثاني .. التسجيل بجدارة ما يلغى الابتعاث .. التسجيل بالموارد البشريه ما يلغى الابتعاث ..

انك تكملي دبلوم عالي وتقدمي اوراقك وبعد ما يطلع لك قبول تسحبين اوراقك ايضا ما يلغي الابتعاث ..

المحصله وحده تفائلتي او تشائمتي .. ولكن الافضل للنفس هو التفائل ..!

بالتوفيق ..

أخي حرف معاك بكل شي قلته !
وانا محبطة فقط ولست متشائمة وموكلة امري لله ..
بالنسبة للخيارات اللي طرحتها كلها مجالها تدريس وانا تخصصي تابع للقطاع الصحي
ومتيقنة لو بقدم بالدبلوم التربوي راح يتم قبولي بإذن الله ولكن ليست رغبتي
وليس هدفي التدريس أو العمل بالشركات الخاصة

وانا متفائلة للحد اللي مجهزة كل شيء في حال تم قبولي بإذن الله
ومحبطة لأن كل واحد ووحدة راحت تسأل جاوبوهم بالرفض ومن شخص مسؤول !

الحمد لله دائما وابدا

لي كم يوم امر هنا ولا عندي كلام اقوله .. مستسلمه ومسلمه امري لله ومتيقنه بالخير يسعد صباحكم وكل اوقاتكم بخير ♥

Sent from my GT-N7100 using مبتعث mobile app

صباح الخير
فيه وظائف معيدين ومعيدات في جامعه جيزان

اختي اريج اذا للحين الوالد ما تكلم بالموضوع ! راح اشرحلك كل شي بالتفصيل حتى يكون رده علينا بالتفصيل و بدون متاهات

مافهمت!!!!!!


Sent from my C6602 using مبتعث mobile app

يسسعدك يا رب ....