ديوانية المرحلة التاسعه ( 9 )

السلام عليكم
صراحه مواضيعكم مرره حلو واهم ما في الامر انكم الحمدلله متفائلين

معليش ابي أسألكم :
انا ابي اغير محرمي من الوالد لاخوي ورح يكون وقت الملتقيات طبعا رح اجيب صك وكالة , بس اخوي موظف حكومي بالجامعه متى اخليه ياخد اجازة مادام هم قبلوني هل رح يعرفو ان اخوي موظف حتى لو ما اخد اجازة واذا لازم ياخد اجازة بخليه ياخذ اجازة بدون راتب ..!! الزبده هم كيف رح يعرفو انه موظف مادام اخدت الترشيح النهائي ...لاني ما ابي ياخد اجازة ويجلس كم شهر الى ما يصدر قرار الابتعاث ...فاهمين علي ...؟؟؟!!
معليش طولت عليكم بس الله يسعدكم جاوبوني ...اتمنى الفكرة وصلت

هلا وعليكم السلام اختي الله يووفقك ويسسهل لك ياررب
لا مايحتاج النموذج بس لدول الاوربيه والاسيويه فقط انا مثلك مقدمه ع امريكا واخذتها معي وقالت لي مايحتاج وحذفته وقت التدقيق
وبالنسسبه لتووصيات طبعا موولازم
لانها مالها علاقه بالتقديم راح يطلبونها الجامعات بامريكا ان شاء الله

لاياقلبي لاياخذ اجازه من الحين وقت صدور قرار الابتعاث يراجع الوزاره ويطلب منهم ورقه تثبت انك مبتعثه وهو محرمك ويقدمها لدوامه وهم يعطونه اجازه او اشتثناء وتبقى وضيفته محفوظه له

شكرا جزيلا و الله يوفقك يارب وييسر لك أمورك

يعني وقت تغييري للمحرم مارح يعرفو انه موظف ... من جد فرحتيني
الله يسعدك يااااارب ويفرجها عليك من اوسع ابوابه ....

السلام عليكم
تقريبا متى يجي القبول النهائي ..؟ ماعندي أي فكرررة


( تمت المشاركة باستخدام تطبيق مبتعث )

الوزارة المهم عندها ان المبتعث مو موظف حكومي وليس المرافق او المحرم

اللي يختص بالمرافق انه وقت طباعة قرار الابتعاث يهم الوزارة ان المرافق اذا كان موظف يقدم لها اثبات ( اجازة مثلا ) من مقر عمله تضمن فيه انه يكون معاك ومتفرغ بوقت سفرك
هذي كل السالفه .. فاخوك يقدر يكون على راس عمله الين ماتخلصين من كل مايخص اجراءات بعثتك ولما توصلي لطباعة القرار واصدار امر الاركاب هنا يقدم اجازة من مقر عمله وياخذ صورة من الخطاب وترفقيها مع مستندات اصدار قرار الابتعاث


بالتوفيق

- - - مشاركة محدثة - - -


وعليكم السلام

راح تعلن نتائج الترشيح للابتعاث بعد عيد الاضحى ان شاء الله ومن بعدها تتحدد الملتقيات على شهر محرم

شكرا على الاجابه..
ابي اخر شي السفر يعني.. متى ؟


( تمت المشاركة باستخدام تطبيق مبتعث )

ياليت اعرف متى وقت الاعتراض

بعد الترشيح النهائي ان شاء الله ..

بالتوفيق ..