ديوانية المرحلة التاسعه ( 9 )

أخوي علي انا مرافق من المرحلة الخامسة
وموظف حكومي رحت لمديري وكتبت له معروض اجازة بدون راتب سنة
على طول قال لا
قلت ليه
قال فيه احتياج وطبعا مافيه احتياج ولا يدري اساسا كم الاحتياج.. قلت النظام يمنع ؟ ولا كذا؟
قال النظام يمنع
قلت هاك .. واعطيه برنت لنظام الإجازة
طبعا صار لونه برتقالي .. قال هذي من الخدمة المدنية قلت ايه
قال رح لفلان ( مدير ثاني)
وطبعا سوا نفس الحركة قال لا
وبعدين وريته البند وصار لونه فسفوري
طبعا بالله وش يسوون اذا جاهم واحد بالنظام الي علوا كبودنا به وهم اصلا يطبقونه غلط .. لازم يطبقونه ولا راح يتحاسبون
تدري وش الي قاهرني بالموضوع! إن أقل واحد فيهم خدمته 20 سنة
يعني سبب رفضهم مايطلع من حاجتين
يا إنه حسد وهذي مصيبة
أو إنه جهل بالنظام والمصيبة أعظم
فيه ناس ضاع مستقبلهم بسبب جهل هذولا أو حسدهم .. فيه ناس قدموا استقالاتهم وضيعوا وظايفهم وبيوتهم لأن مدرائهم رفضوا وفيه ناس تبددت أحلامهم وكنسلوا بعثاتهم لنفس السبب

الي أبي اقوله ( كل ذا وماقلت باقي خخخخ )
إن الواحد قبل يروح يطلب شي نظامي لازم يقرأ عنه ويحط جميع الاحتمالات ( رفض - قبول - قبول جزئي)
عشان يعرف يرد وياخذ ويعطي ومحد يضحك عليه