تجمع مبتعثي أمريكا - المرحلة التاسعة ( 9 )

تقصد مالقيت منهم رد "سلبي" .. كيف بالله يقبل العقل بجامعة تقبل المقدم على شروط مقبول حتى ينهي لغة انجليزية وهو مقدم على تخصص من تخصصات اللغة!
لا ومرحلة مثل الماستر .. والكلام على جميع اللغويات,

عار في تاريخ أي جامعة ونقطة ضدها ان شئ مثل كذا يكون عندها, غلط والله يا جماعة مننا جميعاً اننا نطلع ونتغرب ونروح لجامعات ماتفرق كثير عن اللي عندنا هنا
لأن نوع الجامعات اللي تقبل قبول مشروط لتخصصات لغوية ماستر (لمتقدم لغوي) وبدون متطلبات للقبول المشروط ( 80 اقل شئ iBT Toefl) هذه جامعات مو بس ضعيفة إلا سيئة,

جنتل وومن ..

فرحت كثير والله يوم رحت شفت الجامعة اللي تطمحي فيها, يوم بالأخص رحت شفت متطلبات قبولها .. جامعتك قوية ومتطلباتها كومبتيتف بقوة, ومستعد اساعدك بأي شئ
حتى تدخليها, طالبين في التوفل iBT اكثر من 100 من أصل 120 .. وهذه الدرجة تعتبر جداً جداً عالية, وايضاً من المتطلبات سي في (وما اتوقع جامعة تطلب 100 في التوفل رح تنبسط
من سي في عادي أو كأضعف الايمان غايبة فيه التجربة العملية والخبرة الوظيفية - في نفس التخصص- ) بالاضافة إلى اسي او مقالة اكاديمية من كتابتك.. < ( وحطي في بالك انه بعد من المتطلبات يكون الجي بي ايه حقك 3 من 4 مش أقل)

نصيحتي لك ان كانت لغتك ممتازة انك تجربي وتختبي iBT توفل .. درجة 100 حقيقة شئ جداً صعب -وأعنيها- ان الواحد يجيبها من أول اختبار واول تجربة خصوصا في الانترنت بيسد تيست, لأنه
ثقيل ومررررررررة كثيف انتينسف, وطوري عندك الاكاديميك رايتنق, انا ماعرف صراحة عن تخصصك بالتفصيل بس عاشرت كثير من خريجي اللغة الانجليزية عندنا وغير ان أغلبهم للأسف غير أكفاء ابداً,
الكتابة الاكاديمية مادري كيف نظام جامعاتنا فيه لأني اشوفها ضعيفة عند كثييير من الخريجين,

بالنسبة لي أنا ولاني احسن واحد ولاني متقدم او متفوق على احد بأي شئ .. ف بفضل من الله تعديت مشوار كبير اختبرت التوفل وجبت درجة عالية وحصلت قبول في الجامعات اللي ابغاها -قبول نهائي- , لكني طالع معهد في البداية لأن للأسف تخصصي ماقدر اقدم قبوله كونه مو من تخصصات البرنامج لمرحلتي فرح اضطر اقضي كم شهر كذا, مع ذلك طموحي ما بيوقف ومارح اروح ألعب .. وكل هذا سويته بعد عون ربي وتوفيقه بنفسي بدون ما أسأل أي أحد او ارجع لأي شئ عربي وكله هنا في السعودية ولا عمري خرجت ولا عشت برة كله هنا في غرفتي وقدام جهازي, فاللي أبغى أوصله انه ترجموا اللي تريدونه إلى أفعال .. إذا عندك لغة حرام تدخل المنتدى وتسأل, مافي شئ صعب برة وفي الرسميات إذا مافهمت كلمة ياكثر المترجمات من البرامج والتطبيقات

أنتم خريجي اللغة اللي لغته طيبة (والمفروض كلكم لغتكم -ممتازة-) المفترض يمهد طريقه بنفسه, كل شئ واضح بكل مواقع الجامعات وإذا عندك اللغة فحرام اذا مو انت مخطط ومنهي عالأقل شئ كبير ..
طموحك لا يوقف وطاقتك الكامنة نزليها وخلها تترجم عالواقع, والأدوات اللي عطاها لك تخصصك استخدميها واستنفعي منها حرام تتركيها, النت ماخلى شئ خصوصاً دولة زي الولايات المتحدى كل شئ كل
تقييم معاهد جامعات مدن احوال اوضاع كل تفصيل صغير تحصليه بدقة متناهية ونتائج مهولة بس استخدمي الأدوات اللي بيدك

بإذن الله بدرس pharm.D- بكالوريوس .
والله يوفق الجميع ومقبولين يارب .

ما أختلف ولا كلامك يختلف مع كلامي حبيبي حروف متناثرة ,

أولاً كلامي ماكان خطاب للتعميم ولا قصدت فيه تعميم, هو رأي شخصي بحت < الآن تذكرت إني سهواً ما كتبت "بالغالب"


طيب هنا الجامعة فعلاً حققت اللي قلته بكلامي ((لأن نوع الجامعات اللي تقبل قبول مشروط لتخصصات لغوية ماستر (لمتقدم لغوي) وبدون متطلبات للقبول المشروط)) .. هنا هي كان لها متطلبات للقبول المشروط وهي المواد التكميلية!

ومسألة ان كل قسم يضع مايخصه هذا حقيقة والدليل انك تجد في جامعات كثيرة لكل قسم شروطه ومتطلباته الخاصة, أصلاً مكتب القبول يوم تقدم انت ورقتك مارح ياخذها هو وعلى رأيه فقط تنقبل او لا انما رح تمر عليه وعلى الكلية المقدم عليه والقسم ولازم الجميع يحط اشارة الصح ..

ودام انه في تخصصه مؤهل فهو يستحق مكان, والقصص والتجارب اللي دخل اصحابها جامعات لها شأنها بدون حتى اختبار توفل ناهيك عن الدرجة الأقل من المتطلب, قصص كثيييرة واصحابها مننا وفينا وبيننا لكن لاحظ انت هنا بنفسك جيت وتكلمت عن كفاءة الخريج هذا والمختص , انا من نفس المنطلق والفكرة أتكلم, انه نسبة كبيرة (لاحظ اني ماحطيت كل شئ عليه) نسبة كبيرة من الحكم على كفاءة الخريج اللغوي انه يكون جاهز ويجي بدرجة اختبار اللغويات اللي تدخله نهائياً وبلا شروط .. ليش؟! ببساطة لأن هذه الاختبارات أصلاً وضعت واسست لتقيس هالشئ !

فالحين مثلاً لو ان صاحبك هذا او صاحب القصة اللي قابل البروفيسور مانجح في اختبار تخصصه او المعلومات العامة اللي قدمها فليش اقبله!! مثلها تماماً فكرة التوفل لأصحاب اللغة الانجليزية

..

مسألة الجامعات ولو اني ما تطرقت لها مثل تطرقك لكن الريحة فايحة زي مايقولوا .. تكلمت وقلت عن الكتابة الاكاديمية في جامعاتنا تكاد تخلو (مثل ما انت تكلمت عن القرامر كورسس)

ولهذا السبب ذكرت التالي:



قلت اللي لغته طيبة لأن جامعاتنا فعلاً سيئة .. واللي بين القوسين انا اصر انه مفروض, لأنه وان كان الخطأ الكبير على الجامعات واساليب تدريسها فمستحيل ان تتحمل الخطأ الكامل! انما جزء لا يتجزأ منه يتحمله الطالب, احنا بزمن انفتاح عصري تقني ماخلى شئ .. ان ابجديات (بعيداً عن اتقان تام وغيره) ماعندك في الشئ اللي انت تدرسه فهذه مشكلة شئت ام ابيت تتحمل جزء منها

كلامي كان حاد واعلم تماماً, ولا يعني اني مو مقدر الاشخاص والظروف والقدرات, ولا يلغي ابداً بحقيقة وعيي ان القدرات والظروف والفرص تختلف من شخص لآخر
لكن هو نابع من حرقة والله للسبب اللي انت قلته بنهاية ردك, وانت مشرف واكيد اكيد قابلت كثيييير من هالنوع لأننا للأسف نشئنا على ثقافة الاتكالية هذه فتلاقي الواحد متكل
حتى على اشياء شخصية بحتة ومستقبلية مصيرية مثل ما نتكلم عنه

ارجع واعيد واذكر ان الرسالة اللي بأوصلها هي ان الجامعة اللي ما تبحث عن الكفؤ وتكافئه بالغالب هي الجامعة اللي حرام تتغرب عشان تدرس فيها, ومثالي كان خاص وحكر لتخصصات اللغة الانجليزية فقط, والتوفل عشانه -وحتى ان اختلفنا- لدرجة ما يعتبر اختبار لكفائتهم .. مثل ما بالضبط امثلتك خضعوا اصحابها لاختبار لكفائتهم ونجحوا فدخلوا بغض النظر عن التوفل لأن التوفل مو حقهم اصلاً

وفي النهاية المفاهيم تختلف لكن قد تكون الطرق تؤدي إلى نفس الغاية
موفق حبيبي

^

ياللهول هههه يعني نضحك ولا نبكي .. معقولة ؟
طيب اش عذرهم يعني لمن يجيبون الكنديين حتى يدرسوا عربية !

..

هو فعلاً يضعونا بين نارين, وحتى اللي يبي فعلاً يحدث تغيير او ينجز ويتقدم يعرقلونه لين يخمدون ناره .. فصار البرنامج ملاذ ومفر للطامحين
المشكلة مو هنا الا المشكلة الحقيقية ان حتى البرنامج الحين يبغوا يستخدموا نفس العراقيل بشروط امتدادات التخصص, والله يعين صراحة على مارح تؤول اليه
الامور بعد الحج والنتايج

واياك يا غالي

السلام عليكم و رحمة الله و بركاته
حابه اسأل سوال
انتو ملاحظين انو اغلب المعاهد متكدسه و مقفله
على كذا ايش راح نسوي لما نقدم على المعاهد
كنت حاطه ببالي كم معهد مفتوحه اتفاجأت انها اتكدست