تقارير وَ تجارب الطلاب في مراكز التدقيق - المرحلة التاسعة ( 9 )

السلام عليكم والرحمة

يسعد صباحكم / مسائكم يا اعضاء مبتعث الطموحين :)

الحمدلله تمت واخيرا مرحلة التدقيق بنجاح حدي مبسوطة الحمدلله وساوافيكم باللي حصل معي .
__________________________________________________ _________________________________

المرحلة : ماجستير
مقر التدقيق : الرياض / راديسون ساس = راديسون بلو
الوقت 11:30 صباحا
__________________________________________________ _________________________________

طبعا طلعت من البيت الساعة 9:30 صباحا , كعادتي احب اطلع قبل بوقت :)

ملف مرفق 28024
الملف الفوشي حطيت فيه الصور والاصل من :
-الوثيقة
-السجل الاكاديمي عربي وانجليزي
-صك الوكالة
-موافقه ولي الامر
-استمارة طلب الابتعاث
-صور من (جوازي + جواز محرمي + بطاقة احوالي + احوال المحرم + دفتر العائله )

والاصل من : جوازات وبطاقات في الشنطة يابنات افضل :)

اما انتم ايها الشباب في جيوبكم افضل :)
_________________
الوصول :

واخيرا وصلنا وصلت على ال 10 وربع
ملف مرفق 28025

ملف مرفق 28026

طبعا هو راديسون ساس

اول ما دخلت طلبوا عند الاستقبال جوازي وهويتي وبعدها اعطتني رقم وورقه موجود فيها المستندات المطلوبة ع اساس الترتيب يكون وفقها

اخذتها وجلست على الارض ارتب اوراقي واشيل الدبابيس (القاعه كبيره بس الكراسي المتوفرة جدا جدا جدا قليلة )

ملف مرفق 28027
طبعا رقمي صار 117 وانا وصلت قبل موعدي يعني مو مهم الوقت اهم شي ويهمهم انك بنفس يومك

ونادوا علي الساعة 11:35تقريبا (ومفروض يكون دوري متاخر اكثر بس فيه تقريبا 15 رقم قبلي طلعوا لان ما معاهم دفتر العائلة = بطاقة الاحوال لا تغني الطالبة لازم بطاقه العائله عشان يطابقوا جوازات المحارم :) ) وجلست عند الموظفة بس اتاخرت علي لانها ترتب اوراق البنات اللي كانوا قبلي واوراقهم ناقصة وكملوها من طباعة وغيره

وشيكت على اوراقي واخذت الاصول والصور ورجعت لي الاصول واعطتني ملف فيه الصور ورقم عشان اروح للمدققه على طول

ملف مرفق 28028

تقريبا دقيقه ونادتني ما امداني اصور لكم الملف :)
دققت اوراقي تقريبا في اقل من 5 دقايق وكانت تضحك على سجلي كانه مجلد مو سجل :P
وكتبت اسمي على الملف ورقم الطلب

واخذت منها الاصول وسند الاستلام وشكرتها واسعدتني بدعواتها بالتوفيق

ملف مرفق 28029
طبعا الرقم اخذته للذكرى :)

وتم الحمدلله

__________________________________________________ ____________________

ملاحظاتي للجميع:

ارجوا منكم مراجعة المستندات المطلوبة بدقة وعدة مرات , لتوفير وقتكم واوقات غيركم (لاني انتظرت كثير البنات اللي قبلي واوراقهم ناقصة)

وللبنات لا تنسون دفتر او سجل العائلة مطلوب وبطاقة الهوية لا تغني

وحشتوني ياملتقيات مبتعث والله يفرحنا بما نتمناه وخيرلنا ..........
كان موعد تدقيقي يوم 12\11 بجدة مساء الساعة 7 ونص
طبعا انا حاليا بالباحة ويازين جوك ياباحتنا :D
المهم مشيت من الباحة الساعة 9 الصباح انا والوالد الله يحفظة لي تعبتة معاي وينور دربة يارب ....
وصلنا الشميسي الساعة 1 الظهر الا السيارة تتعطل علينا ياعممممممممري وهنا كرهت شي اسمة ابتعاث االله لايذوقكم الي ذقتة قسم حوسة ومرمطة الحمدلله ع كل حال...
المهم الا ابوي مدري وش يسوي بالسيارة يشغل من هنا وهنا مافي حل الا تجي رافعة السيارات ويشوف وش صار شوي يقول الدانمو والبطارية انحرقت شكلها المهم شالتنا الرافعة للمحطة شوي غيرناا البطارية جديد والدانمو جديد وفرحت قلت الحمدلله عدت ع خير شوي اشتغلت السيارة وحمدت ربي الا طفت مرة ثانية وشيك عليها الكهربائي الا يقول التانكي حق البنزين خربان والتمس كل الاسلاك فية لولا لطف ربي كان انفجرت السيارة بس الحمدلله ع طول تعطلت البطارية والدانمو ....... شكرت ربي الله ينجينا من هالحوادث ويارب لاتفجعنا بغالي ..
المهم هنا وصلت الساعة 4ونص العصر وشايلة هم ابوي والسيارة وتدقيقي ياربي وادعي ربي يسهلها لنا طبعا هنا السيارة اخذت وقت عاد لازم يصفون الزيت من التانكي ومدري وش هاللخبطة الحمدلله ع كل حال .. االا ابوي يدق ع عمي بجدة وقال والله احنا تعطلنا وانا باقي بالورشة وبنتي اختبارها بالمغرب تعال خذها عاد عمي باقي ماخلص دوامة وارسل اولادة لين الورشة وجوني ورحت معهم وابوي ياقلبي يقول تبين اجي معك قلت لاتشيل همي خلك مع السيارة ووطمني .......... المهم وصلت بيت عمي وع طول تجهزت وخالتي تدعيلي وبنات عمي فديتهم يحسبونة اختبار الله يسعدهم <<<هههه ماعلمتهم انه تدقيق محد فاهم وش سالفة هالاختبار ....
خلصت تجهيزي الا عمي وولد عمي ينتظروني تحت بالسيارة طبعا نزلت 5 ونص لهم وعمي كل شوي يسالني وش هالاختبار وليش ههههه ياربي وانا تصريفات حق مشروع بحثي بما اني ادرس ماستر موازي . قال طيب وش اخترتي بحث ومن هالكلام وش فكني من تحقيقاتة هههههه وانا ماغير ارمي له كلمة ياربي ياحبيبي كنت مخططة محد يعرف الين اترشح ..
لكن طلع كل شي عكس .... المهم وصلنا الفندق ماشاءالله قبل المغرب بحكم ولد عمي ماهر بالخطوط كيف يدخل ويصرف نفسة من زحمة السيارات ...
المهم وصلت الفندق الا نشوف بنات قلت خلاص عند البنا ت وقف المهم وهنا بدات مشواري بدخولي للتدقيق ..........
وصلت الساعة تقريبا 6 و11دقيقة ونزلت من السيارة الا اوصل لبوابة القاعة كانت صغيرة البوابة واسال البنات الي واقفين قلت هنا تدقيق الاوراق ردت نعم وسميت بسم الله وتوكلت ع الله ودخلت ..
الا الاقي طاولة ع يميني من دخولي ثنتين جالسينن عليها وصلت لهم وقالولي طلعي الجواز والهوية وطلعتها قالتلي اوراقك مرتبة قلت اية اعطتني رقم وقالت تفضلي ادخلي ..
ودخلت الاشوي جلست بكررسي بعد طالبة تدقق اوراقها هم يمكن ست موظفات يدققون وقدام كل موظفة كرسين طبعا انا جلست عند الموظفة الثانية ع يميني المهم الا جلست شوي تقوم الي قدامي وع طول قعدت مكانها واعطيت الموظفة اوراقي الي رتبتها شوي تقولي مو مرتبتها هههههه هنا قلت لا ياقلبي مرتبتها مثل بالاستمارة المهم ماجادلتني قالت اعطيني جوازك وهويتك وعطيتهم ..
شوي قالت اعطيني جواز مرافقك واعطيتها وبعدين اخذت االاصول والصور وحطتها لي بملف واعطتني رقم ....
وبعدين قالتلي روحي انتظري لين تنتظري رقمك وانا رايحة وواقفة قدام الموظفات شوي قالتلي رقمك 87 قلتلها ايوة قالت تعالي ودققت عند الاستاذة عواطف المشاري المهم رجعتلي الاصول وحطتلي اوراقي بملف وقالت عبيها طبعا عبيتها وصلت لرقم الطلب وهي قاعده تنقلني الرقم ....
المهم هنا انتهيت واعطتني السند ......
شكرت ربي الحمدلله والشكر لك يارب انك سهلت لي التدقيق بعد المرمطة والله يفرحنا يارب.....
طبعا دخلت مافي ضيافة ...... استغربت قلت وش معنى لاننا بمسائي هههه طبعا ماهتميت بس كذا استغربت توقعت بنلاقي شي حماس بس الحمدلله تدقيقي ماخذ من وقتي الاخمس دقايق كل شي بسرعة
وخلصت الا ياذن المغرب ودقيت ع عمي وطلعت برة لقيت السيارة واقفة مافيها احد ..ورجعت سالت وحدة قلت ابغى اصلي قالت ادخلي جوة وصلي المهم صليت وخلصت .. شوي قلت بسال الي من الوزارة قلت انا ادرس ماستر موازي بغير تخصصي وبفلوسي قالت ممنوع تدرسي نفس الدرجة قلت طيب بغيرتخصصي وماحالفني ادرس بتخصصي قالت ممنوع بس اذ ماترشحتي سوي اخلاء طرف وقدمي باالاعتراض قلت طيب مشكورة ... شوي رجعتلها قلت بشوف بسالها عن الي يدرس تربوي قالت وين يدرسونة قلت الجامعة قالت اممممم مايصلح اذ هي مقدمة ابتعاث بس بعدين شوفوا اذ ماترشحتم قدموا اعتراض ......
الزبدة ؟؟؟؟؟؟؟
حسيت مايعطون الكلام عن تجربة يفكرون وبعدين يتكلمون بعدها قلت خليني اطلع احسن مافيني ازيد اسال شوي توكلت ع السيارة الا عمي يدخل ويقولي مبروك الف مبروك هههههههههههه
هنا مرة فرحت وتفشلت لاني ماقلتله ان دققت اوراقي عشان ابتعاث بس عادي ..
قال طيب وش سولك قلت ولاشي قال ماعطوك ورقة شي قلت ولاشي قام ولدة صرفة قال يابوي كل شي ع النت الحين ههههههه قلت اية صح ع النت ...........
انا ماحب اقول لاحد عن خصوصياتي لين يطلع كل شي مصرح ورسمي وبعدها عاد اعلم ...
المهم اتصلت ع امي بشرتها خلصت واتصلت ع ابوي ياقلبي باقي بالورشة ماخلصوة وماجاني ببيت عمي الا12 الليل مرة طول الله يحمية .. وع طول جاني واخذني ورحنا لبيت اختي ومشينا الظهر من جدة ..
الا تعطل سيارتنا بعقبة الطايف ياربي الحرارة زادت مرة ع السيارة اول مرة تصير معاي هالمرمطة بس عساه خير يارب لنا وشالتنا رافعة للطايف وهنا الحمدلله الحرارة رجعت ومشينا للباحة وصلنا العشاء وسجدة شكر لربي اننا رجعنا سالمين والله تعبت وتعبت ابوي ويارب نلاقي هالفرحة باكمال طموحنا وتعوضنا خير ....................
وهذي تجربتي من سفرومعاناة وتدقيق والله يوفقنا يارب .....
اتمنى لكم القبول النهائي يارب ....................موفقين

السلام عليكم...اتمنى ان يكون الجميع بخير وعافية..الحمدلله دققت اوراقي اليوم لانني بعيدة نوعا ما مشينا الساعه 4 وربع ووصلت سته لان الرياض زحمة شديدة كماتعرفون وخاصة الشارع الذي يقع عليه الفندق لوجود عدد من الوزارات وسكن العمال ..دخلت كان هناك 3 موظفات من الجنسية السورية وهن من يقمن بتوزيع الارقام وكانومشددين على بطاقة الهوية والجواز الاصل والا سوف تقوم الموظفات في الداخل بارجاعنا وما ان تاكدت حتى اعطتني انا واختي الارقام ...معنى ذلك يا اخوات ضرورة وجود الجواز الاصل وبطاقة العائلة وكذلك المحرم...اعطتني رقم كان 9 واختي 10 بعدها صورنا الاوراق غير الواضحة وكانت الات التصوير والطابعات متوفرة وكان الجو الهاديء للمكان فيه رهبة صراحة ....المهم نادتنا وجلسنا ننتظر على الجهة الاخرى وهذه الاثناء كان هناك موظفة تدور علينا ومعاها ورقة البيانات حيث طلبت من الجميع ترتيب الاوراق بدون ملف كما بالورقة والا سيتم ارجاعنا وترتيبها كما هو مطلوب ..المهم اخذت مني الاوراق وتاكدت منها الاصول والصور واعطتني رقم للكاونتر الثاني ذهبت هناك واعطتني ملف اكتب فيه بياناتي وما ان كتبت من الامام وهممت بسؤالها عن الجهه الخلفية حتى قالت لي"خلاص خلاص "قلت والجهة الاخرى قالت لا "ابي اريحك" مررررة خلوقاااات الموظفات الله يعطيهم الصحة والعافية المهم سالتني ما اذا كنت اريد تعديل اسم او حرف على الاستمارة بالنسبة للاحرف كاهاء والتاء المربوطة او ال- لم يركزوا عليها قالو مافي اشكاليه اهم شي مايكون التغيير مختلف تماما ..وانتهيت سلمتني سند تسليم الملفات والحمدلله عدت على خير من الفرحة طلبت عشا لاهلي كلهم من المطعم على حسابي خخخخ...
ملاحظات ونصائح:
1- الافضل ترتيب الاوراق كما هو موضح في الورقة الزرقاء ووضع الاصول على حدة كي لاتتوتري او تتلخبطي في الاوراق او تنسي مثلا .
2-الافضل تجنب اي استفسار يخص امتداد التخصص وصراحة لم اسمع بذلك وحاولت الا افعل لاني لن استفيد شي المهم اننا نفعل كما يطلب منا وامرنا الى الله ..
3-الحرص كل الحرص على التاكد من وجود الاصول قبل مغادرتك المكان.
4-العدد كان قليل تقريبا 70 ذلك الوقت اي 6 مساء لدرجة ان الاستاذة حصة (هي المشرفة كما يبدو لي) قالت اللي معاها ولي امرها ابوها او اخوها يدقق لها عن الرجال لانهم فاضين وسينتهي في دقائق معناها مافي زحمة كما توقعت.
5-لم يدقق احد من الموظفات على رسالة الموعد اللتي وصلت عن طريق الايميل او الجوال.
6-لم اسمع ولم ارى انه تم ارجاع متقدمة بسبب امتداد التخصص ولا حتى اقسام ادبية بالعكس الجميع كان فاهم وعارف الوضع فما في اي لخبطة او اشكالية الحمدلله.
7-موعدي في 7 ونص واختي 6 ونص واتينا 6 مع ذلك لم يدقق احد في الموعد اخذنا تقريباساعه والافضل ان تاخذوا وقتكم وعدم الاستعجال.
8-متفائلة جدا جدا بالقبول وان شاء الله الكل مقبول..
ختاما الله ييسر لنا ويوفق الجميع وباذن الله (نحن مقبولووووووووووون) وساذكركم بذلك باذن واحد احد:gap:

الموعد السبت 22 في ابهاء عدد المبتعثين شخصين

المدينه جيزان

انتظرونا ,

ولكن كل من قدم على برنامج الابتعاث التاسع وانطبقت عليه الشروط سوف يتم ترشيحه لمرحلة الماستر ولكن ليس جميع التخصصات ( العلميه باكملها سوف يتم ترشيحهم من تنطبق عليه الشروط )
الادبيه ليس الكل ولكن ان شاء الله تستثناء من قبل وكيل الوزاره

بالتوفيق

السلام عليكم

اليوم كان موعدي بالرياض

وبالضبط نفس البنات اللي قالووو

بالعكس كلامهم وشرحهم السابق بالتفصيل.. خلاني اروح مرتاحة الأعصاب...
بارك الله في كل من ساهم ولو بحرف وجعله الله في مووازين حسناتهم

بس الشي اللي قهرني انهم ماأخذوو شهادة البكالوريس واكتفو بالماستر
طبعا راح تقولو انه مايحتاج

طيب انا دراستي الماستر في التربيه والبكالوريس رياضيات

وطالعه بإذن الله دكتوراه بالرياضيات
وش يعرفهم ؟؟؟؟؟


فااالكم القبووول جميعااا

( تمت المشاركة باستخدام تطبيق مبتعث )

شكرا لكل من شارك في هذا الموضوع
لاخلاء ولا عدم
وبانتظار الاستاذ مراحل
ليعلن اسماء الفائزين بالمسابقه
وجميعكم والله العظيم تستحقون الجائزه
فشكرأ مليووون

مساء التفاؤل .. مساءٌ أنيق يحمل امنياتنا الصغيره ويرفرف بها بعيداً الى السماء على اجنحة الدعاء:hbeat:

تجربتي للتدقيق في مركز أبها
اولاً
وأنا طالعه من البيت اتأكدت من الاوراق وشيكت عليها للمره الأخيره ... ورتبتها بنفس الترتيب المطلوب وطبعت الموعد احتياط وماطلبوه

طبعا مركز التدقيق في فندق قصر ابها ..(فندق ابها الجديده) عرفتوه ^_^

دخلت الفندق ... ومدخل قاعة النساء من البوابه الرئسيه للفندق...

اتجهت لصالة التدقيق أول مادخلت فيه موظفه ..اتأكدت ان أوراقي كامله ..وكان فيه طابعات وكل شي للي أوراقهم ناقصة ...وعادي تطلبين مساعدة الموظفه

وطلبت مني اتجه لأول كاونتر كان فيه موظفتين أخذت وحده أوراقي واتأكدت من الترتيب وشافت الأصول وجوازي وجوازات المرفقين وأعطتني رقم ...
ورحت الكاونتر الثاني وأعطتني رقم المدققه اللي اتوجه لها ...
واتجهت لمدققه 2..وأخذت أوراقي واتأكدت منها و وطابقتها بالصور..وأعطتني الملف اعبي بيانتي ..وعبيت من الأمام والخلف وفيه على ظهر الملف الدوله التي ترغب الابتعاث اليها
وقالت اكتبي رغبتك الاولى ...وأخذت الملف ..وطبعتلي سند وهي تطبع السند ظيفوني قهوه ... وبكذا استلمت السند وانتهيت من مرحلة التدقيق الحمدلله ....

كلمة حق ...
الموظفات جدا رائعات ..تعامل أكثر من راقي .. استقبولنا بابتسامه تشرح النفس وودعونا بدعوات وتمنيات بالتوفيق...
تنظيم أكثر من رائع .... وبالمناسبه كان فيه ضيافه وبوفيه بس للأمانه مارحت له ولاجربته...لوكان في تقييم اكثر من 5 نجوم يستاهلونه والله

قبل ما أمشي من عند الموظفه اتأكدت من كل الأصول .. وانها معي وأنا طالعه.... وبالمناسبه العدد جدا قليل يمكن كنا 10 بس أو أقل ..

شكر خاص لمبتعث ... اللي وضحلنا كل شي كان معانا خطوه بخطوه ..

]وبكذا الحمدلله انتهينا من التدقيق تجربة التدقيق تجربه لطيفه ورائعه ....
ملخصها إنك تكون مجهز نفسك وأوراقك من بدري...علشان ماترتبك في اللحضات الاخيره أوتكتشف عدم تطابق اسمك في الجواز والوثيقه ...وهذا مثال بسيط..
للعاشره باذن الله ...جهزو جوازتكم .. الوثيقه بالانجليزي والسجل من بدري اتاكدو من التطابق ومن كل شي....

النصيحه الثانيه
انا فكرت ماروح التدقيق .. عشان اجازة المرافق لسا فيها كلام ..وبعدين استخرت وقلت لنفسي انا مادري كيف تصير شروط المراحل القادمه فدام اني ضامنه ان شروط هذي المرحله منطبقه علي بكملها..
وباذن الله تتيسر اموري ...فأي شخص يشوف شروط مرحلته منطبقه عليه يكملها أفضل ... يعني عصفور في اليد افضل من 10 على الشجره

هذا ملخص تدقيقي......
[

مخرج......
مهما عظمت الأمنيات ...ووقفت في طريقها عقبات ..ثقو تماماً بان الدعوات الصادقه ستذلل كل العقبات في طريقنا ....فقط استودعو امنياتكم خالقها .. اعملو بجد.. وطوقوها بدعواتكم الصادقه :heart:

بسم الله الرحمن الرحيم
ماجستير /من الشمال (تبوك) الى المدينة
فندق موفنبيك
سوف اقول كل شي حصل معي من مشيت الى حد ماطلعت من التدقيق
طبعا مشينا بليل مااانتبهت أي ساعه بظبط واشترى ابوي قهوة من الكوفي حتى يصحصح الطريق قدامنا طووويل
اخذت لي ملابس وفراش
وطوول الطريق نسولف واعلم ابوي ببعض اللي كتبوا تجاربهم هنا وعلمته بسالفة اللي خربت سيارة ابوها وسالفة اللي مو قادر يطلع جواز بسبب عليه مخالفات ساهر
قال خله هذا من لعبه هههههههه
المهم يوم باقي عن المدينة تقريبا 200 كيلوا لف الجيب مع البر طبعا هذي عادة ابووي ينام بلبر قبل البلد اللي يبي يووصله اذا قرب لهم بليل
يبي يدخلها الصبح ,المهم مشينا شوي بلبر ووقف الجيب , ونزلت فراشه وفراشي , ومديت له بعيد شوي
واناا جنب الجيب (حسافة كنت برفع الصور بس ماعرفت او ماظبط معي )
ومن حطيت راسي على المخدة نمت ومن جت الساعه 6 الا ابوي يصحيني قومي قومي
واناا خلاص ابي اناام , يلا تاخرنا اصحي
واقوم واخذ الجركل واتوضأ واصلي واشيل فراشي وفراشه والبس عبايتي ونمشي
المهم وحنا ندخل المدينة ويسال ابوي عن فندق موفنبيك ويدلنا واحد على اللي عند الحرم
ونمشي الا حصلنا اشووء طرنا فرحة بلعاده بلمدن الكبيره يدوب نحصل الشي
وقال انزلي الحين اجيك
بس ابي اقدم الجيب واحطه بمكان
ورحت وشجعني عشتي بنتي الشجاعه الحين اجيك
طبعا من دخلت حسيت في غلط المكان كله اجناب
واروح لمصري على الكونتر لابس كرفته حمراء
قلت اناا جايه للبعثه وكذا قال اه انتي بتاع البرنامج مش الفندق ده
وقام يوصف مكان الفندق اللي فيه البعثه , لو وضحوا لنا ان فيه اثنين احنا ايش عرفنا ,
واطلع والاجانب ملي الشارع , وواحد مرتكي رايق يتصور , واتعدا من بينهم , ويطالعون لي , شكلهم سبوني بس طز هههههه
واتصل على ابوي واخبره , وواصف له مكان هو ضاع وانا ضعت , وكل شوي اكلم ورايحه جاي والشارع مليان عالم
والعالم بعضها تطالع لي
المهم بعد عناء حصلني ومشينا , ووصلنا واحد للفندق
ودخلت وسال الامن وين مكان النساء قال من هنا , يعني الاصنصير قدامه وهو حارس له , قال من هنا تروح
دخلت الاصنصير وابووي دخل معي , الا الامن يقوله لا لا بس هي ترووح , ممنوع رجال لا, قال ابوي بس اوصلها , قال لا بس تنزل تحصلهم
وادخل الاصنصير لحالي (طبعا اناا نهائي ماعرف للاصنصير )وسكر الباب واطالع بلمرايه اللي قدامي واستنه يتحرك
ماتحرك
الا شوي فتح الباب الا ابوي والامن واقفين هههههههه ماتحركت ابدا
قال الامن لازم تضغطين مدري ايش
قال ابوي انت اضغط لها
ودخل الامن وضغط لي , وابوي برا ووقف
الامن من جاء بيطلع سكر علينا الاصنصير ههههههه وابوي برا
ونزل معي وفتح الاصنصير الا احصل المكان وهو طلع
واتصل على ابوي ادري عقله طار الحين ,قلت يبه الا اللي بصالة الانتظار ومعهم ارقام يطالعون لي
شكلي صوتي عالي ههههههههه
قلت يبه اناا وصلت , قال زين
المهم
الكلام اللي قلتوه كله كله ماشفته الا شي واحد , ان معاملتهن عسل وبشوشات مره
يعني لا تنظيم لا اجهزه زي الناس ولا اكل الا شي بسيط , كنت ميته عطش ابي ماء ماحصلت
المهم من جيت مافي ولا بنت موعدها بلمدينه الا اناا ووحده والباقي مواعيدهم فاتت او ورقهم كان ناقص وجايين يكملوه
يمكن جو بعدي الله اعلم
والعدد قليل مره
عطوني رقم ومن جيت توهم يوزعون الارقام
وقالوا الاله خربانه حقت التصوير
ووحده تشتغل
المهم دجه ذا داخل ودا طالع
ورحت ادور مااء قالن مافي
وشوي ودخلت وسالت المشرفه الا طلعت هيفاء العنقري قسم بالله انصدمت من شكلها تخيلت شكلها شريره او مدري كيف
طلعت غيررر مره
سالتها عن تعديل الجواز قالت عادي الان يعدلون لك ب الاستماره , لاني عدلت جوازي
ورحت للمدققه الاولى قالت ماشاء الله ارواقك كاملة مراتبه
طبعل كله بفضل الله ثم بفضل هالمنتدى كنت متابعه كل يووم
بس طلعت لي ورقه ناقصة اللي هي موافقة ولي الامر
ماجبتها لان ابوي المرافق
قالت عادي اطبعيها الان
واجي عند الالات وحالتها حاله وحوسه وتجي وحده تساعدني ونرووح عند لاب توب ثاني واطبعها
واروح ل ابوي واطلع بلاصنصير (ابشركم صرت اعرف له ) ههههههه
ومن طلعت وفتح الا ذاك الامن بوجهي , قلت ابوي وينه ههههههه
قال شوفيه هناك
ورحت وحصلته ووقع لي ع الورقه وطلعت
ورحت للمدققه الثانيه ماتعرف شي , كل شوي تسال بجنبها , وكل شوي تبي تعطيني اوراقي الاصل تقول لحظه مادققت هذي
ومن حطت الاوراق بلملف واحصل قدامها ماء وكوبين واصب واشرررب
وعادي محد التفت لي
والمهم قلت الملف اعبي شي فيه , وراح تسال صديقتها , قالت عبيه من هنا وهنا
واعطتني السند واخذت اوراق وكل شي
ومن طلعت اخذت لي فنجنان قهوه مع حلا وطلعت , نزلت الا ابوي برا الفندق يشتري من محلات المدينه
قال اشتري قلت لا مابي شي
وركبنا السياره ورحنا بووفيه وافطرنا , وجلست اعلمه وش صار , طبعا حصلت احداث بس ماقتها كلها ,

أي تذكرت في وحده راحت قبلي للمشرفه , ومن جت سالتها قلت وين المشرفه , البنت تتصدد مابي تعلمني , يمه وش العالم ذي ويدوب علمتني , قلت لها عدلت لك , قال مدري , رووحي شوفي , اعوذ بالله منها
قسم عندنا بشمال مو متعوده كذا ابدا , تعلمك البنت بكل شي , يعني اول شي ساعديني حتى ربي يوفقك وييسر لك امورك
وين اللي تعلمتيه بلمدرسه مكارم الاخلاق
المؤمن للمؤمن كالبنيان يشد بعضه بعضا

المهم ماعلينا وهذي ملخص رحلتي كااااامله وحصلت احداث بعد لكن ماتفيد لو اذكرها
وملاحظه / اناا أي مكان اجيه لازم يكون دجه وفله , اياامي بلمدرسه وايامي بلجامعه هههههه
ف علشان كذا يومي تدققي دجه وفله :guitar3::jump1:
وسويت اللي علي وفوضت امري لله

السلام عليكم

انا كان تدقيقي قبل يومين بالمدينه ., الحمد لله كانت تجربه مره روعه من ناحية طيبة اهل المدينه وتعامل المدققات والناس بمركز التدقيق شي يثلج الصدر ويخفف الخوف والقلق اللي كنت حاسه فيه لأني جايه من الشمال ( القريات ) والحمد لله الامور عدت وانتهى على خير وأسال الله التوفيق لي وللجميع يارب .. وما ابغى انسى المكتب اللي ترجم لي شهاداتي الاستاذ ابو سلطان ربي يسعده وينور دربه والله انه ماقصر وجلس يسال ويتطمن حتى بعد ما انتهى شغلي عنده وانصحكم فيه هو يهتم بكل شي يخص الأبتعاث سواء ترجمه او غيره او استفسارات ,,

بس عندي سؤال ,, انا دققت وانتهى التدقيق لكن بالموقع حق التعليم العالي حالة الطالب مازالت تحت التدقيق ,, ليش ماكتبو تم التدقيق .. في مشكله كذا او وش السبب ؟

في نقطة انا طلبت استمارة تعديل يوم التدقيق رفضو يعطوني لااني كنت بعدل الدول قالو لي بي امكانك تعدلين وقت الملتقيات :)