استفسارات الترشيح النهائي والملتقيات - المرحلة التاسعة ( 9 ) | آخر تحديث 2013/11/5

الأحد طبعاً ..!!

ي جماعة أنا مثل ما قلت اني حامل في شهوري اﻻخيرة وبأجل سفرتي لين بعد الوﻻدة ان شاء الله. . قمت سالت الملحقية وهيفاء العنقري ومسؤولين كلهم جاوبوني نفس اﻻجابة :ماتقدري تأجلي وﻻزم تلتزمي بموعد القبول وبدء الدراسة اللي راح يجيك...


وش السواة؟!:-(

( تمت المشاركة باستخدام تطبيق مبتعث )

أفضل حل لك من وجهة نظري

إنك تخاطبي المعهد و يغيرون لك موعد الدراسة و يكون بموعد متقدم

و ألف مبروك لك على الولادة و الله يوفقك إن شاء الله

( تمت المشاركة باستخدام تطبيق مبتعث )

يبارك فيك أخوي....
انا بكاليريوس طب وجراحة يعني مو بيدي القبول نهائيا ، كله بيد الملحقية ، واللي في الملحقية قالوا مانقدر نجيب لك قبول متأخر.. واصﻻ اذا رحت هناك بادرس شهرين وتجي وﻻدتي ويعطوني اجازة شهرين يعني ما كاني سويت ششي ..

الله يعين وبسس

( تمت المشاركة باستخدام تطبيق مبتعث )

ماعليك من احد..لو ماتروحين الا السنه الجايه..انتبهي تروحين وانتي حامل بالشهور الاخيره لاسباب كثيره من ضمنها انك راح تتعبين كثير ومحتاجه وجود اهلك جنبك+ انه الاجازه الشهرين بتكون محسوبه من بعثتك+ المولود بيشغلك كثير..علشان كذا مانصحك تصدرين قرارك الا بعد ولادتك بست اشهر او سنه..ولا تطقين خبر لاحد.هذي ناس تستغل جهل العالم بانظمه ولوائح الابتعاث.. دام تم ترشيحك ارقدي وأمني.حتى لو الملحقيه ارسلوا لك القبول ردي عليهم وقولي هالموعد مايناسبني وعطيهم الموعد الي يناسبك..واشرحي لهم ظروفك.


( تمت المشاركة باستخدام تطبيق مبتعث )

اضيف الى كلام سعودي ماجيك ان الوزارة للأسف تمارس أشد أنواع التهديد والضغط على المبتعثين دون مراعاة ظروفهم الصحية للأسف

نوف ماعليكي منهم انتي خلي عندك تقرير من الدكتور اللي مشرف على حملك ويكتبلك بالتقرير ان حالتك ما يسمح لها تسافر بالوقت الراهن
وارفقي هذا التقرير بعد ماتخلصين من الولادة في اصدار القرار

اعيد واكرر الوزارة مالها حق تلغي بعثة مرشح طالما يوجد معاه ظرف صحي يمنعه من السفر

( تمت المشاركة باستخدام تطبيق مبتعث )

للاسف اغلب الاعضاء يردد والله قالوا كذا بالملتقى..والله هيفاء قالت وقال الفوزان شدد وإلخ..للاسف هذي سلبيه بحق المبتعثين..فكره كلامي انه مرجعك الوحيد هي( لوائح الابتعاث) لا يلعب عليك احد ولايستخف فيك.. الي بينك وبين الوزاره او الملحقيه فيما بعد هي (اللوائح والانظمه) والدعوه مهيب ع كيف فلان او علان.. بعدين نقطه حطها في بالك..اي قرار موب رسمي وموقع عليه لايُعتد فيه ولاتعطيه اي اهتمام..زي كلامهم بالملتقى انه لازم تسافر خلال ٣ شهور. دام هالكلام مو مكتوب ع ورق ورسمي وموقع وموجه لك..اعرف انه كلام فاضي..ف اتمنى من الجميع يكونوا فطنين ولاينلعب عليهم بكلمه شفهيه او ايميل.. ارجع واقول الائحه الائحه الائحه فهي مابينك وبين الوزاره..أقراءها بتمعن وبدقه..


( تمت المشاركة باستخدام تطبيق مبتعث )

مشكورين أخوي سعودي ماجيك واحساس ناجح..طمنتوني شوية..

معناته اطلع تقرير طبي يفيد اني ما اقدر اسافر وانا بشهور حملي اﻻخيرة وارسله لهم لما يرسلوا لي قبول المعهد واقولهم ابغى اسافر بداية الكورس الجديد السنة الجاية ان شاء الله .. كذا تمام؟!
فكرت التحق بالدورة اﻻلكترونية لكن خايفة تصير لي ظروف وما اكملها واتورط اكثر...


( تمت المشاركة باستخدام تطبيق مبتعث )

الله يطمن قلبك

( تمت المشاركة باستخدام تطبيق مبتعث )

يب سوي التقرير وسجلي بالدورة ولكي الأمان 😊

( تمت المشاركة باستخدام تطبيق مبتعث )