تجمع المتضررين من شرط امتداد التخصص - المرحلة التاسعة ( 9 )

الله يعين ويردوا بسرعه ع ايميل الاعتراض

انا ماردوا علي ابدا ..شي غريب


( تمت المشاركة باستخدام تطبيق مبتعث )

طيب هو الاعتراض كم مدته والى اي يوم ينتهي؟

اختي الكريمه
انا زوجتي نفس الحكايه
بسالك سوال بعدها بشرح لك اللي صار لي اليوم
هل مركز التدقيق اللي دقوو اوراقك فيه مركز بريده؟

طبعا من كم يوم تم مراسلة الاستاذه الهنوف وتم الرد اليوم ان البيانات غير مسجله بالسند
وهو ان زوجتي وقت التدقيق سلموها بالباركود على الملف ولكن لم تستلم من زوجتي صور من المستندات ولم تسلمها ورقة استلام وبالتالي جت الحاله نفس حالتك
طبعا رحت الوزاره اليوم وقابلت بعد عناء الدكتور محفوظ ورد علي رد مضحك جداااا وهو يمكن زوجتك هونت هههه طبعا قال قدم اعتراض واعرضه على الوكيل قلت له كثر خيرك عطني الاوراق انا بعرضها بنفسي
رحت للمستشار العام تواصل مع المركز ببريده وشوف مين المشرفه اللي كانت فيه وبعدين قدم اعتراض وشكوى وهذا مضحك اكثر من اللي قبله
وبعد عناء وانتظار وبعد محاولات من سكرتير الوكيل لمنعنا من مقابلة الوكيل بحجة انه اعتراضكم بسبب البرنامج قدمو اعتراض وخلاص وفجاه طلع الوكيل الدكتور ناصر الفوزان رجل مبتسم في قمة الذوق والتفهم وامر انه يقابل جميع المعترضين وبغد انتظار ولله الحمد جاء دوري وكلمت الدكتور عن الخطأ والسبب واللي صار واخذ اوراقي كلها وشرح عليها
وقال الكلام التالي ياشباب انا بشوف جميع الاعتراضات اعطونا مهله بس الى يوم الخميس واننا حريصين على ابتعاثكم .

هذا ماحصل
واسال الله رب العرش العظيم ان يوفقنا لما هو خير


( تمت المشاركة باستخدام تطبيق مبتعث )

السلام عليكم يااخوان احنا مو مشتركين في أي قروب

لكن انا زوجتي تقديرها ممتاز مع مرتبة الشرف الأولى

تخصصها دين وقدمت ماستر في القانون وتم رفضها بسبب امتداد التخصص بالرغم انه في بداية التسجيل في البرنامج قالو اللي تخصصة دراسات يقدم قانون

اش الحل !!!!!


( تمت المشاركة باستخدام تطبيق مبتعث )

بالله ساعدوني

ذحين وش الاوراق المطلوبه عشان ارسلها للوزارة غير نموذج الاعتراض

وفهموني وش يقصدون بورقة حالة الطلب


هل الورقة اللي اعطونا هيا بعد التدقيق مطلوبه؟؟؟؟؟ فهموني ارجوكم

واحد قابل الفوزان وقاله اطلع على حسابك. والثاني قاله نشوف لين يوم الخميس. يعني لحد ما تنتهي ايام الاعتراض! هل فعلاً بينظر في الأمر ولا يهدي الوضع؟ انا اشوف ان الصراحة في هذي الحالات افضل واسلم يعني لو رد على الجميع يطلعون على حسابهم أحسن من انه يقول اصبروا للخميس وبعدين ينصدمون. الله يكتب لكم البعثة ويجعلها بداية تفوق وتوفيق : )


( تمت المشاركة باستخدام تطبيق مبتعث )

طمنوني ياهو ايش سار ماني عارفه ومحتاره وملخبطه حسبي الله ونعم الوكيل في من كان السبب

^

لو سمحت أخوي أبو ديمه أنا تدقيقي كان في بريدة بس مو فاهمه عليك أيش مشكلة زوجتك بالضبط؟


( تمت المشاركة باستخدام تطبيق مبتعث )

لاتتحمسون مابيصير شي لو بيقبلون قبلونا من الاول بس بيصرفونكم
ولا هم دارسين الموضوع اساسا قبل ينزلون النتايج فخلاص