تجمع المتضررين من شرط امتداد التخصص - المرحلة التاسعة ( 9 )

يارب ترزقنا على نياتنا

الرسالة وصلتك بنفس الصياغة هذي؟

:|

غير عن صياغة رسائلنا!، وش تخصصك؟

السلام عليكم*
حابه استفسر عن شغله
انا لم اقبل بالابتعاث والسبب امتداد التخصص
قبل يومين جاني بريد ب اسمي كامل نفس الوثيقه الجامعيه من معهد خارجي*
انه تم تسجيلي وانا بالاساس لم اسجل*
امس جاني بريد من الوزاره انه لازم اجيب قبول *
مع العلم ان قسمي اقتصاد منزلي عام*
وامس انقبلو قسم تغذيه و تربيه فنيه
والله ماني فاهمه وش الخلطه حقت الوزاره
ياليت احد يفيدني لو برقم ادق عليه واقوله الحاجات اللي جتني*
انا لقيت واحد بس اللي مثلي و هو مو نفس قسمي قسم ثاني وانقبلو علم النفس امس

اللي وصلتك مجرد إعلانات قبول للمعاهد والجامعات وصلهم اسمك من تسريب البيانات حقاتنا من الوزارة فمالهن علاقة بالقبول هالايميلات أبد وصلن لكذا شخص من كافة التخصصات

الصياغة كالتالي : تم تصحيح طلب وتم ترشيحك وسيطلب منك حضور الملتقى

التخصص : ادارة فندقية

ماشاء الله مبروك ^^

طيب متى وصلتك الرسالة؟ تخصصك غريب أول مره أسمع فيه

أكرر الشكر الكبير لـ حرف..!
للمجهودات مع طاقم مشرفين ومشرفات المراحل

اسأل الله لهم التوفيق .

الله يسعدكم ويوفق كل المرشحين

ابغى اسال انا دراسات اسلاميه جتني رساله على البريد
هذا محتواها

عليك الإسراع في احضار قبول جامعي مناسب لمؤهلك السابق في أحد تخصصات البرنامج

المتاحة في دول الابتعاث المحددة في المرحلة التاسعة من جامعة موصى بها في التخصص والدرجة , وغير موقفة بسبب التكدس وذلك خلال فترة المرحلة التاسعةسويلمفروض ا , حتى يتم استكمال إجراءاتك.

ايش المفروض اسوي اقدم قبول مشروط على اي تخصص (( قانون . تسويق ))

في هاشتاق #متضرري_المرحلة_التاسعة من وصلتهم نفس رسالتك سوف يجتمعون الأحد عند الوزير .. ماعليك مشاركتهم
وإحضار دليل مثبت لأحقيتك بالترشيح على إمتداد القانون أسوة بالشريعة من هذه الأدلة والإثباتات على سبيل المثال تصنيف
الوظائف في الخدمة المدنية.

أي ردود جانبية خارج الموضوع سوف تحذف
وأي إسائة لأي عضو إيقاف