ضاعت الوظيفة و لا حصلنا بعثة اي فوضى تحكمنا هنا !!

السلام عليكم ورحمة الله وبركاته ..

المشرف حرف أو أي أحد من الإخوان مشكوراً ..
أرجوكم ثم أرجوكم ثم أرجوكم أن تجيبوا على هذا السؤال البسيط لأني لم أترك وسيلة اتصال ولا بحث إلا ولجأت لها للوصول لإجابة .

أنا تقدمت وجميع الشروط منطبقة علي إلا أنني رفضت لأني موظف حكومي .
سؤالي مباشرةً هو :

هل بإمكاني الاستفادة من فترة الاعتراض بحيث أني لو استقلت هذه الأيام وقدمت إخلاء خلال فترة الاعتراض هل ذلك يضمن لي الابتعاث ؟

أتمنى الإجابة وأنتظرها على أحر من الجمر .

وجزا لله الجميع خيراً .

قروبات البنات فين

ماني قادره اوصل لهم

اخي انا نصيحتي لك
بعدم الاستعجال بتقديم الاستقاله
اولا اذهب للوزاره
وقدم طلب اعتراض
واذا وافقوا على الطلب
وقالوا لك اوكيه
جيب لنا خطاب استقالتك وبعدها نرشحك
وقتها روح خلص اجراءات استقالتك وانت متطمن ومرتاح

الله يجزاك خير يا اخوي magic وينور دربك لجنات النعيم ..

ارحبي يالحقيقه مالبثت النتائج ان نزلت حتى انسل الجميع وتغيرت الاراء !!!

السلام عليكم ،
الله يعوض ّ عليكم أخواني الي ماتم قبولهم بـ أفضل منها ، وإن شاء الله ان البعثه مو نهاية المشوار ، هي غايه من غايات كثير للوصول للهدف
انا مقدر مشاعركم ومدى الصدمه الي تعرضتوا لها ،
لكن بعيداً عن العاطفه ونكون صريحين مع بعض فـ لازم نعرف بعض النقاط ، عشان نعرف نعترض ، لإن ف المحاماة يقولون لازم تعرف خصمك قبل ماتخاصمه ،
أول شي الي يقول ان الوزاره ما اعلنت عن إمتداد التخصص هذا كان يقرأ تصريحاتهم ويغض البصر عن الكلام الي مايعجبه ،
لإن اساساً ف الاعلان الرئيسي للبرنامج موجود من ضمن الشروط إعلان المرحله التاسعة
" وأوضح وكيل الوزارة لشؤون البعثات بأن الابتعاث في الدراسات العليا سيقتصر على امتداد التخصص أو في التخصصات ذات العلاقة بكل تخصص. "
وف كل تصريحاتهم كانوا يجيبون طاري امتداد التخصص ، لدرجة انهم ذكروا ف رسائل الإرشاديه " ( من شروط الإبتعاث في المرحلة التاسعة ان يكون التخصص المتقدم عليه من تخصصات البرنامج، أو من امتداد تلك التخصصات، وستلتزم الوزاره بذلك ) " ركزوا على ستلتزم
http://www.mohe.gov.sa/images/%D8%B1...9%8A%D8%A9.pdf

فـ لازم تعرفون هذي النقطه عشان ماتعترضون أن الوزاره ماقالت لكم وما اعلنت عن هالشرط الا متأخر ووووإلخ ، لإن ببساطه الوزاره عندها الاعلانات والتصريحات والحجه معهم ، لكن احنا ماكنا ماخذين تصريحاتهم بـ جديّه وانا واحد منكم لاني كنت اشوف ان اجراءات البعثه كـ السابق وكنت اتوقع مثلكم ان التصريحات كلام وف الاخير بيتم قبول الجميع والي ماعنده امتداد بيطلع ع تسويق ، كنا نعشم انفسنا كثير لكن بالنسبه لـ الوزاره فـ كانت تصريحاتها كلها جاده وكان كل من راح للفوزان ولمحفوظ قاله نفس الكلام ،

ثاني شي الي يقول المفروض إمتداد التخصص يرفضونه من الاول ، أنا اقولكم شغله ، طيب هل الموظف الحكومي يرفضونه من أول ؟ يعني هل معقول ان الوزاره بترسل اسم 20 ألف متقدم بعد الفرز الالكتروني لـ وزارة الخدمه المدنيه وناس يمكن مدخله معلوماتها بالخطأ ؟ او انها بتنتظر حتى يدققون اوراقهم ويتاكدون منها وانهم مستوفين الشروط المبدئيه وبعدين يدققون اسمائهم ف الخدمه المدنيه ؟
نفس الشي حصل مع امتداد التخصص ، امتداد التخصص كان عن طريق لجنه ويعرض ملف كل طالب عليها ، يعني شي يتم عن طريق الانسان مو عن طريق الكمبيوتر نفس المعدل وتاريخ التخرج والعمر
يعني مو معقول اخلي لجنه تشيك لي 20ألف متقدم وانا ما ادري هل هم مدخلين تخصصاتهم صح او لا ، او هل معدلهم صحيح ولا مدخله عشوائي ، لازم ادقق اوراقه قبل واتأكد ان معلوماته صحيحه
والورزاه قالت ف التدقيق ان امتداد التخصص بتكون له لجنه ، يعني اعطتنا جميعاً خبر ،

انا كلامي هذا مو دفاع عن الوزاره ، صحيح اني انقبلت لكن تضررت من رفض اشخاص عزيزين علي جداً وكان ودي تكمل فرحتي بقبولهم / كلامي هذا عشان تكون عندكم معطيات إذا بترفعون موضوعكم إعلامياً او للجهات العليا يكون عندك حجه واضحه وقويه ، وانا صراحه أفضل يكون الاعتراض على حاجة البلد لـ دراسة بعض التخصصات خصوصاً الانجليزي ف بلد لغتها انجليزي وفرنسي ف فرنسا مثلاً ، وبعض التخصصات الي مالها دراسات عليا ف البلد مثل التربيه الخاصه مثلاَ ، ويكون على ظلم التخصصات الادبيه مقابل العلميه ، وهذي الاشياء ،

هذا تعليقي الوحيد ع الموضوع ، واسمحوا لي ماراح يكون لي اخذ وعطا مع احد في الي تطرقت له ، لإن مابي اقلب الموضوع سجال بينا ، الموضوع بين الطلاب المتضررين والوزاره وكلنا قلباً وقالباً معكم /

من كل قلبي اتمنى لكم التوفيق ،،

السلام عليكم انا تخصصي رياض اطفال ومن المتضررين من امتداد التخصص رسلت ايميلات اعتراض للوزارة مالخطوة التاليه ؟ وكيف ممكن نتواصل في الواتس لابد من تكاتف الجميع وتوحيد الرأي ليس من العدل ان جميع صديقاتي من المراحل السابقه انضموا بالبعثه وكان امتداد تخصص رياض اطفال تسويق والان يتم الرفض وهم اقل معدل مني كيف ممكن نوصل اصواتنا ادا في تجمع للبنات في جده الرجاء الاخبار اين ومتى وياريت اللي في الرياض يوصولوا اصواتنا للوزارة بنات واولاد وشكرا لجميع من قام بهذا المنتدى الاكثر من رائع

طيب و بخصوص جدول امتداد كل تخصص و اش يناسبه
فرضا معاك حق دققو على الامتداد و التخصص
خيار ( آخر ) اش الغرض منه إذا ناوين ما يعترفون بـ امتداد بعض التخصصات
و طلب كثير من الطلاب للتدقيق وهما مالهم امتداد و جايبينهم من كل مكان سواء بعيد ولا قريب
غير اللي تمرمط لين لقي وسيله توديه لمكان الملتقى
و اللي قدمو استقالتهم من وظايف حكوميه بعد رسايل التدقيق اللي احد الشباب اللي له صوت مسموع هنا
قال 99% اللي انطلبو للتدقيق مقبولين

اللي يده ف النار مو زي اللي يده ف الماء
قسمي التربيه الخاصه لا يقل اهميه عن باقي التخصصات و في معظم الدول العربيه
يعتبر ف الاهميه زي الاقسام العمليه ولا يقل عنهم

كون التحيز لـ اقسام معينه و كأنها بترقى ف البلد اللي الفساد ماليه ومالي الوزارات حقته
من البدايه يرفضونا ف رمضان زي ما رفضو كثير غيرنا
مو يعلقون آمالنا لا و ليت جات على كذا استدعونا
اذا من حقهم يمرمطون إحنا من حقنا نطالب ب أبسط حقوقنا

زي ما كثير من اللي انقبلو .. أخذو حقهم
إحنا مو عيال البطه السودا .. لنا حقوق و بإذن الله ناخذها

والله يجعل أي شخص كان سبب رفضنا بغير سبب .. يجعل مصير حياته بيد شخص ما يخاف ربي

غلطة الوزارة الوحيدة وكان عليها الحذر منها جدول توضح فيه التخصصات و امتدادها وبما انها لم تفعل ! وبما انها لم تكن بذلك الذكاء اوقات التدقيق فعليها تحمل المسؤوليه ! انا بنتظار اجابته من لديه معرفه لو قدمت قبول لغه جي ار اي وانا من مبتعثين السنوات الماضيه هل يحق لي الالتحاق بالبعثه قبل دخولي للجامعه ؟!

( تمت المشاركة باستخدام تطبيق مبتعث )

اخواني كلام اخوي ماجيك صحيح .. هذا كان توضيحي لشرط الامتداد وردا لأختنا خلود ..

على اي حال .. الله عز وجل حرم الظلم على نفسه .. فكيف لمواطن ان يظلم مجموعه كبيرة بلا سبب .. والله ما راح يضيع جهودكم ..

اتمنى لكم التوفيق ..