ضاعت الوظيفة و لا حصلنا بعثة اي فوضى تحكمنا هنا !!

معليش أخالف أي أحد يقول هذا شرط ومتشددين عليه الوزارة لأن لو هم فعلاً متشددين بالقرار ومعتبرينه قرار فعلاً
ما قبلوا شخص تخصصه شريعة وكاتب بالإمتداد اقتصاد، ولا قبلوا بنت تخصصها دراسات إسلامية وحاطه إمتداد تسويق، ولا قبلوا شخص آخر تخصصه شريعة وامتداده بالتسجيل تسويق ليته حتى حاط قانون كان أقول أرحم! ولا رحبوا باللي تخصصه إدارة إعمال وطالع على تخصص حاسب آلي

^
والله هالأشخاص المقبولين ليسوا من نسج الخيال يشهد الله أنهم فعلاً مقبولين بالبرنامج بالتخصصات أعلاه.


بالمقابل هناك من له فعلا امتداد ببرنامجهم ولم يقبل كالحاسب الإلي وإدارة الأعمال (:


طابت نفسي من البعثة والله لكن أكافح وأعارض لأنه حقي فقط


( تمت المشاركة باستخدام تطبيق مبتعث )

اخي ولكن من ضمن البرامج رياضيات وتم رفضي
وماشاء الله الرياضيات كثيييير بالبلد

طبعا انا بكالوريس علوم وتربية تخصص رياضيات واكملت الماجستير بالتربية فلي الحق بذلك إما رياضيات وإما تربيه

والان يتم الرفض

والله ان ملفي كبيييير من كثر الشهادات والخبرات اللي جمعتها

حسبي الله ونعم الووكيل

( تمت المشاركة باستخدام تطبيق مبتعث )

هذا اللي يقهر واللي اعرفه انه صارت قبولات عشوائية ؟ طيب ليه الظلم ؟


( تمت المشاركة باستخدام تطبيق مبتعث )

الحين الشروط العامه من ضمنها ايضا العمر والمعدل وسنه التخصص ! صح كذا
طيب نجي للاهم والعام ليس اهم من الخاص زي ما تعلمنا وعرفنا
بمعنى ان كل شي عام ماله ذيك الاهميه زي الشرط الخاص
اوضح اكثر ..
ملف مرفق 28675
الحين ذاكرين في الشروط العامه العمر والسنه التخرج والمعدل والامتداد كذا اتضح فعلا ان الامتداد موجود
نجي نشوف الشروط الخاصه والي هي الاهم في الماجستير والخاص اهم زي ماقلتلك ودايم يكون مافيه مجال للنقاش
نطالع في الماستر مثلا ذكر شرط العمر والمعدل وسنه التخرج وتجاهل الشرط العام الي فيه الامتداد يعني ليس مهما كالشروط الثلاثه السابقه اذا كل من قدم ماستر وانطبقت عليه الشروط يحق له الترشيح ومستوفي الشروط
وبعد نفس الشروط في غيرها تلقى مزودين على الدكتوراه شروط وضايفين الشروط الثلاثه عدا الامتداد يعني مو لازم الامتداد ماله اهميه زي الشروط الثلاثه
يعني كل الي انرفض له حق في الابتعاث بما انه مستوفي الشروط👏😊
الا وهي العمر وسنه التخرج والمعدل الي انذكرت في كل من الماستر والدكتوراه والبكلريوس ✌️😊

( تمت المشاركة باستخدام تطبيق مبتعث )

لو كان كلام الاخت سمياء
صحيح وانه في عشوائية بالقبول
فهذا باذن الله خبر حلو
لان الوزاره راح تعيد النظر
وتقبل بعض الطلاب
عموما اوصي الجميع
بتقديم الاعتراض
ومتابعة الوزاره
وعدم اليأس

لو سمحتو ابي مساعدتكم انا تم ترشيحي للابتعاث في المرحله التاسعه ونسيت وين سجلت مكان الملتقى والحين ابي اعرف وين مكان تسجيلي ارجو المساعده


( تمت المشاركة باستخدام تطبيق مبتعث )

الشرط واضح وصريح ياختي
سواء كان عام او خاص
الشرط واضح
وكيل الوزاره الفوزان
أكد على هالشرط كذا مره
وكذلك المستشار محفوظ
ف بتكون حجتك ضعيفه
لكن لو كانت الحجه بناء على كلام الاخت سيماء
بانه في تخصصات تم قبولها بتخصصات غير امتداد تخصصها
فهالشي بيكون لصالحكم



- - - مشاركة محدثة - - -

راح يكون فيه ايقونه تقدرين من خلالها تعرفي بالضبط وين ملتقاك وبي يوم وبي ساعه
لكن لسه الايقونه مابعد تحدثت من الوزاره ممكن خلال هاليومين

الشروط كانت واضحه واللي سبب صدمه للكثير انهم في المراحل السابقه اقبلو التخصصات الادبيه بس السنه ذي لا
اتمنى تحاولون لااخر قطره وع قولتهم كثر الدق يفك اللحام

يا أخ سعودي ماجيك ؛ كلامي صحيح ومليار صحيح

معي صورة لترشيح من قبلت دراسات إسلامية وراح تطلع على تسويق (:


( تمت المشاركة باستخدام تطبيق مبتعث )

زهايمر اسمعي لما تدخلين تشيكي على الترشيح فيه من ضمن الخيارات اللي جنب طباعه طلب ومن خلالها تعرفي كل البيانات اللي دخلتيها وقت التسجيل