لمن يرغب بالمساعده للحصول على قبول من معهد بامريكا يتفضل هنا - المرحلة التاسعة

يطرح الموضوع وشورك وهداية الله ..

السلام عليكم ورحمة الله وبركاته ..


انا شخص ببتعث لكندا ماجستير عما قريب اتمنى من الله انكم تفيدوني وتعطوني جواب كافي ..
بشرح لكم وضعي بالتفصيل الممل وابي منكم ( فضلا لا امرا ) جواب ملل , ندخل بالتفصيل :
1- انا بأذن الله راح ابتعث لكندا لا اعرف احد لا من قريب ولا من بعيد نهائيا ..

2- دائما يحيرني ويشغل بالي اول ما انزل من باب الطيارة لدولة كندا من يوجهني ومن يعلمني وين اروح ووين اجي باللحظه هذي لاني انا حصيلتي باللغة الانقليزيه بسيطه جدا

3- انا ابي اسكن عند عائلة عشان اكتسب اللغة بشكل سريع بمدة لا تتجاوز 6 اشهر لكن هل الملحقية تنسق لي مع عائلة اسكن معها ولا انا انسق مع عائلة وكيف ؟؟؟؟

4- يا اصدقائي الاعزاء ابي منكم تعلموني وش المدينه الي تناسب وضعي وحالتي .. ابي نصيحة منكم ولو كانت بسيطه

وصلى الله على نبينا محمد وعلى اله وصحبه اجمعين ..


ولكم دعوة خاصة بظهر الغيب بالثلث الاخير من الليل وشكرا

هنا رد للاخ الفاضل مبتعث ماليه يشرح طريقه التسجيل بالمعهد :


وفقك الله

اخي الفاضل مبتعث مالية ومبتعث مجتهد جميعكم السلام عليكم ورحمة الله انا راسلت معهد الانتو في كورفاليس عن طرق مكتب في الرياض وراح يجي القبول بعد اسبوعين اللي ابي اسألكم فيه وتساعدوني بصراحة لأني والله محتار حيرة شديدة وما قدرت اقرر حتى استشير انا مبتعث دكتوراه تسويق ويهمني كثيرا ان التحق بمعهد قوي لأن اللغه عندي ضعيفة وسمعت ان معهد الانتو فيه نظامين الاول جنلرال وهذا هو اللي مقدم لي عليه المكتب والثاني اكاديمك ما قدم لي المكتب عليه .. هل تنصحوني بإكمال التسجيل في هذا المعهد ام عندكم معهد آخر يتبع لجامعة ويوجد بها تخصصي اتمنى تردون عليه وتساعدوني بخبرتكم لأني تعبت من التفكير في هذا الجانب وجزاكم الله خيرا

أخوي البرنامج المطلوب منك أكاديمي ماهو جنرال
راح تدخل في مشاكل مع الملحقية بسبب أن هذا البرنامج مايأهل للدراسة الجامعية
راجع المكتب وخله يعدل لك الوضع الى برنامج أكاديمي

الملحقية راح تعارض ع هذا البرنامج
البرنامج هذا مو خاص لك
هذا للناس العامة اللي يبي يتعلم اللغه ويحصل ع الجنسية الامريكية كذلك برنامجه غير وعدد ساعات أقل وتركيزه يمكن يختلف ع البرنامج الاكاديمي
لا يغرك كلامك المكتب تراه مو فاهم شي ويبي بسسس الفلوس وانت اللي بتدخل في مشاااااكل
اقرأ تعليمات الملحقية في اختيار المعاهد
مالك حل الا تغير المعهد وتلاقي معاهد اكاديمية تقبل الطلاب المبتدئين او روح معهد تجاري وبعدها بفتره حول للمعهد للأكاديمي