شرح طريقة التقديم للسفارة الامريكية - المرحله التاسعة ( 9 )

المشكلة مارسلوا للحين الورقة الاولى من الاي توني طلبت منهم ارسلولي بالايميل شعار الجامعة وباركولي بالقبول وارسلو لي رقم السيفس ورقم سيسفس الجامعة وبعض الروابط الي تخص السكن بالجامعة او سكن بالعاىلة والاستقبال بس وقالوا ذي تكفي للحصول على الفيزا !!!

السلام عليكم

كتبت ان مدة بقائي بامريكا ١٤ شهر حسب ماهو مكتوب بالاي توني! للمعهد

بيعطوني فيزة خمس سنين او لا

ثاني مره اكتب هالسؤال

الي فهمته من الردود الاخوان الي قبل ان اذا شافوك مبتعث من الوزارة يعطونك اظن خمس سنين او ثلاث سنين وان شاء الله اكون ردي لك صح او احد من الاخوان يصحح لنا

ارسلهم قلهم ابي نسخه من الصفحه الاولى للايتوني

سبق وان جاوبك واحد من الاعضاء... الفيزه الامريكيه مدتها ٥ سنوات

صباح الخير
السفاره تأخذ إيصال سداد الفيزا حق سامبا هل ترجعه او لا

( تمت المشاركة باستخدام تطبيق مبتعث )

السلام عليكم ,,

اليوم رحت موعدي بالسفاره الأمريكيه بالرياض انا واخوي ,,.,

اول شي رحنا وطبعا صار التفتيش واخذو المويه اللي بشنطتي قالو ممنوعه والجوالات والعطر طبعا بالامانات .. وعند الشباك الاول قبل ماندخل طلبت مننا جوازات السفر وورقة نموذجds160

بعد كذا دخلنا واستقبلتنا موظفه بشوشه جدا وطيبه و اخذنا رقم ننتظر دورنا ,, رحنا بعد كذا لدورنا واقبلنا رجال اردني كان بصراحه ما ادري هو زعلان والا فرحان شوي يضحك وشوي يرفع صوته بس واضح انه جدي زياده عن اللزوم ,, طلب مننا وصل السيفيس والايتوني قال عادي صوره وجوازات السفر ونموذج ds160 طبعا انا نموذجي كاتبه الرياض واخوي جده فقال هذي مشكله لان ماراح يكون الظلب نازل على التظام عنده بالرياض .. قلت له انو انا كان جده كمان وعدلته للرياض وهو بما انه مرافق معاي دايركت النظام ينزله بالرياض قال ارجعو اجلسو شوي لين اخلص الشخص اللي وراكم يمكن يكون نازل اسم اخوك ,, لأن امس كان عنده2 نفس المشكله واحد الرياض والثاني الظهران واضطرو انهم ينتظرون 5 ساعات ,,, رحنا جلسنا ولما خلص المتقدم اللي عنده رجعنا له قال انتو محظوظين لان نزل بسرعه ع السيستم .. اخذ صورة الأيتوني حقتي وحقة اخوي وحطهم بجواز السفر لكل واحد وقال ارجعو اجلسو انتظرو دوركم للشباك الاخير اللي هو المقابله وقبل مانمشي قال لنا ترا البنات اشطر من الاولاد لأن نسبة البنات اللي يروحون يدرسون ومايقدرون يكملون دراسه بأمريكا 2% والشباب نسبة اللي يرجعون ومايكملون 70% وخلانا نبصم البصمه وقال بالتوفيق ومشينا ,, جلسنا انتظرنا تقريبا ثلث ساعه لين جا دورنا لأنه مره زحمه كان اليوم ,, نادو علينا ورحنا انا واخوي وقابلنا واحد امريكي كان جدا بشوش احسن من اللي قبله ويعطيك راحه نفسيه وانت تتكلم معاه سالني هاذا زوجك من الربكه قلت له يس بعدين قلت له لا هذا اخوي وهو كان يضحك كمان معنا ,, بعد كذا طلب مننا الايتوني والشهاده البنكيه لكل واحد مننا , انا اعطيته الضمان المالي واخوي اعطاه شهاده بنكيه بأسمه وقال له هذي بأسم ابوك قال اخوي لا بأسمي ,, وسالنا سافرتو قبل كذا لامريكا قلنا لا ,, طبعا كله كان انجليزي الكلام ,, اعطانا الأوراق وقال لنا مقبولين وانتظرو اسبوع وشكرناه ومشينا ,, الحمد لله يارب وعقبال البقيه ,, الموضوع مايخوف ابدا بس في شوية توتر طبيعي .. اهم شي الاوراق خليها كامله معاكم لأن كل موظف واسلوبه ,,

السفاره تاخذ الاصل وماترجعه .. عشان كذا لازم تحتفظون بنسخه مصوره منه عشان الملحقيه هناك .. ولو في احد سلمهم الأصل وماصور صوره اتوقع في ناس راحو البنك وقدرو يسحبون نسخه جديده منه بس ماهو دايم تضبط معاهم عشان كذا من الأساس ريح عمرك وصور نسخ منه ,, بالتوفيق

مقابلتي بالأمس كانت جدا سهله، قال لي انها مقبوله وبتاخد اسبوع

لكن الغريب بالموضوع انه ما أخدو صورة شخصية ولا ايصال سداد الفيزا!!
جيت بعطي موظف البصمات ايصال الفيزه قال لي بس يبغى ايصال السيفس

Sent from my SM-N9005 using مبتعث mobile app

أنا نفس الشي ما خذوا مني ايصال سامبا ولا طلبوا يشوفونه أصلا, أتوقع السبب لأنك ما تقدر تاخذ موعد في السفارة إلا بعد التسديد, وبالتالي ماله داعي يتأكدون إنك سددت لأن دام معك موعد معناها 100% مسدد.
طلبوا مني صورة ايصال سداد السيفيس بس, وما خذوها بعد, شافها ورجعها.