شرح طريقة التقديم للسفارة الامريكية - المرحله التاسعة ( 9 )

حابة أختصر تجربتي خصوصا للبنات واللي معها مرافق .

1- تعبئة فورم DS لكل شخص بشكل منفصل، في حالة المرافق ذكر اسم الشخص المرافق لك في السفر. والعكس، المرافق برضه يذكر اسم المبتعثة برضه في خانة الاشخاص المسافرين معه، بعد ماتخلصون ارسلوا منه نسخه للايميل احتياط.

2- بعدها على هذا الرابط راح نعمل اسم مستخدم وندخل نعبي كل البيانات المطلوبة، في حالة وجود مرافقين إدراجهم بنفس الموعد أفضل كـ Family Member حتى ولو كان أخ أو زوج فيزته F1 وتحطين معلوماته المطلوبة.
3- بعدها راح يطلع لنا بيانات الدفع والمبلغ المطلوب، نروح للبنك ونعمل إيداع بالمبلغ ونحتفظ بأصل الوصل وضروري تعملون له سكان لانه بياخذونه السفاره وراح تحتاجون صورة منه بعدين في حال احتجتوا التعويض من الملحقية.

4- ننتظر يومين ثلاثة راح يجينا ايميل يقولنا لنا ان MRV RECEIPT ACTIVITED
وبمجرد مانفتح رابط الموعد راح نلقى الخانات تعبت اوتوماتيك وانحط فيها رقم الإيصال، الحين راح نقدر نحدد ونختار الموعد اللي نبيه، ارسلوا نسخه من تأكيد الموعد ع الايميل احتياط.

مـا قبــل الموعــد !!
احرصوا تكون اوراقكم كاملة كلها ،
- طباعة تأكيـد الموعد > هذا شي مهم جدا رتبت كل الورق ونسيت هذا بس تذكرته ع اخر لحظة هههه، ورقة تأكيد الموعد اللي فيها بيانات الموعد حقك وكل حاجة ولو معك مرافقين بتلاحظين انه فيه باركود لكل شخص انتي ضايفته بالموعد معك .

- السيفس وإثبات السداد > سألني عنه بالمقابله واخذه مني .

- إيصال تسديد الفيزا "وصل سامبا" > احتفظوا بصورة منه لكم قبل تروحون لانه بياخذونه منكم.

- الاي توني > اخذه مني بالمقابلة بس رجعوه لي وانا طالعه ورجعوا وصل السيفس برضه.

- الجوازات

- صور شخصية > مطلوبة بس ما اخذوها مني.

- نسيت والله وش بعد اخذت، اخذت اشياء واجد معاي احتياط من زود الحرص xD

5- يوم الموعد احرصوا انكم تكونون بدري قبل الموعد بنص ساعه ع الاقل لان فيه اجراءات عند الباب، البنات افضل ماتشيلون شناط معكم، الرجال بيشيل الحزام والبوك والمفاتيح بيحطونه له في كيس لين يعدي الأمن اللي برا بعدين يرجعونها له.
تدخلون داخل القنصلية بعدها على قسم الجوازات والتأشيرات راح تدخلون ويعطونكم رقم ، وبعدها ينادي عليك شخص برقمك يرتب اوراقك وترجع تستنى الرقم تبعك ع الشاشه، بعدها لما يجي رقمك ورقم الكاونتر ع الشاشه تقوم تدخل ع الشخص للمقابلة ( لو انتوا موعد واحد انتي والمرافق تدخلون كلكم سوا تعملون المقابلة ) المقابلة جدا سهلة وتافهه سألني وش اسم الجامعه بس واخوي سأله عن رقم جواله وبصمنا وبعدها بيقولك انتظر وراح ننادي عليك بعد شوي. ( الشوي هذي ممكن تطول حسب الزحمه يعني لا تقلقووون ابدا) بعدها بينادي عليك شخص ثاني بإسمك او باسمك واسم مرافقك والعايله بعضهم بعد، وبيسألكم سافرتوا العراق ايران بلا بلا بلا؟ تجاوبون وبيقولون لكم ان شاء الله فيزتكم مقبولة تستلمونها بعد كم يوم، انا قالت لي 5 ايام! مقابلتي الاثنين كانت! الخميس الصباح بدددري وصلني المسج موجودة بالارامكس!

حاجة مهمه: واحد منكم يشيل فلوس معه ههه لا تغلطون غلطتي ماشلنا بوك ومتنا جوع داخل ، فيه كافتيريا

6- ماراح يعطونكم شي الا في حالة ناقصك حاجة، بعدها تروحون بيتكم وتريحون لين تجيكم الفيزا.

كنت شايلة هم وقلقانه والوضع كان أسهل بكثيييير من اللي تخيلته، وهناك موظفين بو عرب كلهم يعني لا تقلقون ماراح تتوهون ابدا لو احتجتوا شي
( للي شايلين هم اللغه )

هذي تجربتي في القنصلية الظهران،
و بالتوفيق للجميع