توضيح بشأن السفر خلال ثلاث شهور وبشان الدوره الاليكترونيه وحضور الملتقيات

بارك الله فيك ويسر امرك

يعطيك العافيه وكثر الله من امثالك والله يسر أمرك ويستر عليك
اقسم بالله كنت حايس الحين الواحد يضبط اموره بكل روقان

يعطيك العافيه ...والله يسهل الامور

طمنتن الله يطمنك

الله يعطيك العافيه
بس حبيت اسال متى بتبدا الدوره الانجليزيه لحد الحين ماوصلني شي !!!!!!!!!!!!!!!!
فيه احد مثلي

ياااادفع البلا اكثر ماشدني ف الموضوع سالفة البرد
ماتوقعت لدرجة افتح الشباك واسكره وجهي يتجمد من البرد
طيب وانتو كيف عايشين بذا الوضع ومشين اموركم الاطفال كيف يتحملو كل البروده ذي
شي مو معقول وانا بس اقرا جسمي وقف
احنا درجة الحراره ١٥ واحنا الدفايات شغاله والمشروبات الساخنه والملابس الشتويه
وتحت البطانيات مو قادره اتحرك ولا اسوي شي يقال اني بردانه
طيب حتى داخل البيوت برد
صراحه يحتاج لنا موضوع عشان نفهم السالفه اكثر

مسألة البروده في أمريكا تكون صعبه علينا كوننا متعودين على اجواء السعودية ..
لكن مع الوقت خلاص الجسم يتكيف مع البيئة الجديدة ..

مثلها مثل مسألة الحر .. يعني هنا الامريكان في الصيف تقلب وجييهم وتصير كانها صلصة السعوديه !
وذابحهم الحر .. اما الشعب السعودي تلاقينه مكيف على الأجواء ومروق ويقول براد وش زينه !
لانهم ماذاقوا الحر اللي عندنا بالسعودية ..

نفس المسألة في البرد .. تلاقينهم في البرد مصيفين شورتات وملابس صيفيه .. في بداية الشتاء وقبل نزول الثلوج ..
وحنا تلاقينا لابسين عشرين قطعه ندور الدفا !

فلذلك هم متكيفين مع اجوائهم ..
وحنا نتكيف معها بعد مانتعود عليها وناخذ على الاجواء الجديدة ..
اللي يكمل السنه الثانيه بامريكا .. خلاص تلاقينه ممكن يطلع بملابس خفيفه وسط البرد .. او حتى جاكيت يدفيه !
بعكس اللي يكون ماكمل الا سنه وحده !

فهذا الامر طبيعي ..
لكن الامر الاصعب هو الناس اللي البرد يأثر على صحتها ..
وهذا الشيء اللي بعض الناس ماتتحمله ..
لذلك تلاقينهم في المناطق الشبهه دافئه واللي اجوائها مقاربه للاجواء السعودية مثل الولايات الوسطى !

وبعدين ترا كل هذا برى البيت .. لان البيوت فيها نظام تدفئه أما عن طريق الكهرب او الغاز ..
والامور طيبه ان شاء الله ..

فما يحتاج كل هالخوف .. هي المسأله فقط تضبيط أوضاع .. والامور ان شاء الله بخير ..

أجـــل لو تدرين بس ..!!
فيــــه طلآب يدرســوآ بولآية آلأسكــــآ .. ومبسوطين !

الله يهونها
انا خفت من كلمة الحياه مشلوله بالبرد
وسالفة الشباك
بس دام الامور داخل البيت ماشيه ان شاء الله نقول ان الحياه نصف مشلوله يعني مو بالكامل مشلوله
ويتبقى علينا نعرف بس كيف اوقات الدوام يعني اذا خرجت للمعهد من البيت او الحضانه اتوقع هنا تكمن الصعوبه
انا عن نفسي ما اتحمل البرد ودايما اظافري تقلب ازرق والجو مو مره بارد
وحتى الارجل عندي لازم امشي بخفه لوضربت رجلي ف الارض احس كاني طايحه عليهامن مكان عالي����

السلام عليكم ورحمة الله وبركاته

حبيت أسأل عن الدورة الالكترونية متى تبدء ؟؟

أرجو الإفادة لمن لدية معلومة عنها.

شاكر و مقدر