تجمع المرشحين بشرط ( القبول المشروط ) - المرحلة التاسعة ( 9 )

السلام عليكم

الله يسعدكم عندي استفسار,, بالنسبه للشهاده البنكية وش يكون مكتوب فيها؟ وكيف تعرف الجامعه ان هالشخص يقرب لي؟
يعني يكتبون فيها اسمي واسم صاحب الحساب!!

اهلاً أناهي.

الشهادة البنكية يكون فيها : شهادة من البنك بأن صاحب الحساب لديه المبلغ المذكور < غالب الجامعات تطلب من 30 إلى 40 ألف دووولار أمريكي.
طبعاً لازم تكون بالانجليزي , والجامعات تقول عادي الشهادة تكون باسمك أنتي بحسابك , أو حساب أبوك < ويعرفون انه ابوك من جوازك
وفيه ناس قالوا عادي باسم امك بس مادري كيف يعرفون انها امك!
ولازم تكون مختومة من البنك وموقعة من صاحب الحساب.

شاكر لكل من يردون علينا , وغرييييب أمر الوزارة! تخصصي انجليزي ومعدلي عالي لكن للحين ماقبلوني!
( قدمت اوراقي ع مكتب آيجس وبيبحثون لي عن قبول مشروط بإذن الله , وقدمت أوراقي لولد عمي بأمريكا وبإذن الله بيجيب لي قبول مشروط , وقدمت على شخص بأمريكا يجيب قبولات مشروطة.

#نصيحة للكل , لاتتعبون ولاتستلمون , الوزارة وضعت هالشروط الصعبة عشان تستلمون , وبيقتنعون ويقبلوننا إذا ما استسلمنا , الأهم لا أحد يفقد الأمل.

بسم الله الرحمن الرحيم




بدايةً تذكروا: (وعسى أن تكرهوا شيئاً وهو خير لكم)




إلى الآن نعتبر مرفوضين من الوزارة بشرط واحد وهو: -جلب قبول مشروط-

فلابد أن يكون تركيز الجميع على جلب قبول مشروط.
ولإيجاد قبول مشروط لابد من استخدام أكثر من وسيلة , منها : المكاتب المعروفة < واحذر من المكاتب التي تطلب أموال
قبل جلب القبول ففي الغالب يكونوا كذابين.
أيضاً القبول الشروط يوجد في كل الدول , والأسهل نيوزلندا , لكن الخوف إذا جلبت
قبول من نيوزلندا ورفضته الوازرة لأني مقدم على أمريكا!!

في القبول المشروط هناك مشكلة وهي: ان الوزارة لم توفر لنا الضمان المالي, فاضطرينا لمحاولة جلب شهادة بنكية فيها
مبلغ كبير ممكن يكون صعب على الأغلبية.
في هذا الأسبوع سمعت كثير من الاخوان يقولون : وقع على التعهد وسلمه للوزارة ويعطونك ضمان مالي! < وبإذن الله
تكون هالمعلومة صحيحة.



أخيراً , (الدعاء) جالب لكل خير وباب كل رزق , في كل سجدة ادع الله أن يوفقك
للخير وييسر لك البعثة إن كان فيها خير لك.
واللهم وفق كل مبتعث ويسر البعثة لنا واجعلها باب خير للجميع يارب.

مرحبا يا اخواني انا مرسله التعهد من يومين وماوصلني شي
ايش السالفه
وعن التوصياات سمعت ان فيه توصيات داخليه وخارجيه مافهمتها الصراحه ايش يقصدون
هي توصيه تاخذها الطالبه من دكتوراتها في الجامعه هذا الي اعرفه
الي عنده معلومه او رد لاتبخلون علينا الله يخليكم


( تمت المشاركة باستخدام تطبيق مبتعث )

االقبول من دولة نيوزيلندا .. عن طريق مكتب ايحيك الموظف اسمه راني ..

ارسلت القبول عن طريق الاميل الى الاء العمراني ووصلني التعهد من محمد الحربي يوم الخميس

التعهد كان ع صحة القبوول ..
وارسلت التعهد يوم السبت موقع وجاهز

ووصلني الترشيح يوم الاثنين...

لكن وصلني برسالة .. وماتغيرت حالة الطلب عندي .. رلا ارسلوا لي اعلان الملتقيات .. لا اناا والي ترشحوا معي ..

وهذا كل شي اخ حروف ❤️


( تمت المشاركة باستخدام تطبيق مبتعث )

وَ عليكم آلسلآم وَ رحمـــة آلله وَ بركآتة ..
حيآكـ آلله ..

آلشهآدة آلبنكية لــو تكون " إلى من يهمه آلأمــر " بيكون أفـــضل .. لجل تسفيدي منهآ فــي آلتقديم على أكثر من معهد وَ جآمعة ..
لكن في بنوكـ لآبد من توجيههآ لأحد .. مثل آلبنكـ آلاهــي ..
إذآ طلبوآ منكـ توجهينهآ لأحد ,, أكتبي إسم آلمعهــد أو آلجآمعة في آلشهآدة آلبنكية ..

آلجآمعة أو آلمعهد, بتعرف عن طريق آلأبلكيشن أللي عبيتيه ..
لأن بيجيكـ سؤآل مين رح يكون آلمسؤول عن دفع تكآليف درآستكـ وَ صلة آلقرآبة بينكم وَ فــي هذآ آلخيآر تختآري إسم آلشخص أللي بتكون بإسمه آلشهآدة آلبنكية ..

آلمبلغ أللي يكون موجود .. على حسب آلمعهد إيش يطلب منكـ ..
عآدة بحدود آلـ 30 ألف تزيد وَ تنقص ,, لأنهم دآئمآ يطلبوآ بحدود آلـ 20 ألف دولآر وَ أذكر في معهد زمآن طلبني أضيف مبآلغ مآديه على آلشهآدة آلبنكية ..
لأنهآ أقل من تكآليف آلدرآسة أتوقع كآنت بحدود آلـ 33 ألف ..

بآلتوفيق ..

جزيتم خيرا كثير

المبلغ اللي تتكلمون عنه 30 -40 الف هل هو نفسه تطلبه الجاماعات النيوزيلانديه؟ لاني انا بوسط الطريق وباقيلي ارفع لهم الشهاده البنكية

تووووه وصلني هالايميل!!!!

ستقيم وزارة التعليم العالي ملتقى المبتعثين في كل من الرياض، وجدة. ولأنك ممن تقدم للمرحلة التاسعة من برنامج خادم الحرمين الشريفين للابتعاث الخارجي، وقد طُلب منك إحضار القبول الجامعي لاستكمال إجراءاتك. فإذا كانت لديك الرغبة في حضور الملتقى الذي يُعدّ من متطلبات استكمال الإجراءات أيضاً فيمكنك حضور ملتقى جدة، لمدة ثلاثة أيام ابتداءً من 8/4/1435هـ

!!!!
حتى لو ماجبت قبول لسا احضر؟

خطووة ممتازة لصالحنا من الوزارة .. بدأت ترسل للمتضررين رسايل لحضور الملتقى .. الي جاب قبول والي ناوي يجيب يحضر .. الي كان مختار بالاستمارة جده يحضر بجده وبتجيه الرساله لملتقى جدة .. والي مختارين الرياض بيحضرون بالرياض .. الله يتمم فرحتنا بالترشييح

( تمت المشاركة باستخدام تطبيق مبتعث )

السلام عليكم صباح التفاؤل
جلست الوم الصباح على مسج مبشر باخير ان شاء الله وهذا مضمون المسج
ستقيم وزارة التعليم العالي ملتقى المبتعثين في كل من الرياض وجدة . ولأنك ممن تقدم للمرحلة التاسعة من برنامج خادم الحرمين الشريفين للابتعاث الخارجي ،وقد طُلب منك أحضار القبول الجامعي لاستكمال أجراءاتك .فإذا كانت لديك الرغبة في حضور الملتقى الذي يعد من متطلبات استكمال أجراءتك ايضا فيمكنك حضور ملتقى الرياض الذي سيعقد في فندق ( مداريم كراون - القاعة الكبرى ) لمدة ثلاثة أيام أبتداء من 26/ 3 / 1435ه
علماً أني من سكان الشرقية وفيه ناس تاريخ الملتقيات يختلف عني حيث أنهم في شهر أربعة تقريبا أهل جدة ؟؟

*** طيب ولي ماوصله الضمان المالي ولا جاب قبول مشروط كيف وضعه ؟؟
على الرغم من أنه تم توقيع التعهد وإرفاق صورة الجواز على إيميل الوزارة ولسة ماوصلني الضمان المالي ؟