تجمع المرشحين بشرط ( القبول المشروط ) - المرحلة التاسعة ( 9 )

الحمدلله تو وصل قبولي
تخصصي لغة انجليزية و جبت قبول بالمحاسبة
بعد يومين بروح أوديه للوكالة
شفت اليوم بالهاشتاق ان اللي تخصصهم لغة لازم يجيبون قبول مشروط و يسمح لهم بــ ستة أشهر دراسة عشان الجيمات و اللي يقول قبول نهائي و بعضهم يقول لازم يختبرون توفل و كثر الكلام
قبل أسافر و اتعب
هالكلام صدق ؟؟
قولو لي الله يخليكم

انا بعيد مررررره عن الرياض



( تمت المشاركة باستخدام تطبيق مبتعث )

حسب ماسمعت اليوم من الدكاترة ، قبول نهائي أو قبول مشروط بالجيمات فقط بدون لغة !

السلام عليكم ورحمة الله وبركاته
بيوصلني قبول المعهد قبل الجامعة اخلص اجراءات الفيزة ولا انتظر وصول القبول الجامعي ؟
وشكرا

السلام عليكم ورحمة الله وبركاته..
اليوم رحت لملتقى جده وانا تخصصي انجليزي
يا شباب ويا بنات الانجليزي.. واعتقد عددكم كثير..
كلمت الدكتور مستشار الوزاره شخصيا وقلتله يا دكتور الكلام النظري والرسمي دايما تقولوه ان ما فيه تحويل
ولكن دايما الناس يحولون في الدفعات السابقة.. قالي انتوا الدفعه التاسعه جاتنا اوامر انكم ابدا ما راح تحولون تخصصاتكم وارسلنا اسمائكم للملحقيات في الخارج.. واكدوا في المحاظرات على هذا الموضوع كثير.. والمخاطرة ما تنفع
قلتله شكراا وبطلنا بعثه.. اسال الله العظيم رب العرش العظيم ان يوفقني واياكم لما يحب ويرضى ويفتح علينا ابواب التوفيق والرزق..
والسلام عليكم ورحمة الله وبركاته

شكرا لك

يعني ماشاء الله تغيير التخصص في بلد الابتعاث للمرحلة التاسعة غير مسموح !!

والمراحل السابقة مسموح !!

ايش هذا المنطق !

طيب حتى المراحل السابقة ما ابتعثوهم الا على تخصصات البرنامج .

ليش يسمحو لهم بتغيير التخصص واحنا لا !!

مو كلنا مبتعثين !!

طلاب الانقليزي :

كثيييير مبتعثين قالوها لي: تغيير التخصص الوزارة مالها دخل فيه , الملحقية هي المسؤولة.
الملحقية عندها شرط: تحول من تخصص ضعيف لتخصص أقوى = مقبول .. تخصص قوي لتخصص ضعيف = مرفوض.

فـ تخصصات الترجمة واللغويات والأدب والتيسول كلها بديهياَ أقوى من التسويق!
لاتزعجوا أنفسكم بالتحويل وقته للحين ماجاء! خلونا نفكر الحين بالقبول المشروط وتعقيدهم له , إذا جبناه وضمنّا بعثتنا خلونا نفكر بالخطوات القادمة.


يارب يسرها لنا يارب يارب

وين ليدر اللغة الانجليزية .. وش فيكم ساكتين كأنكم راضين بشرطهم الجديد .. بعدين أبغى اعرف اللي قال الشرط من و من اللي فرض هالشرط لــ اجل لمن نتكلم مع الوزير نذكر اسمه ..


( تمت المشاركة باستخدام تطبيق مبتعث )

ياليت أحد ينورني ..
أخذت الضمان المالي ولازم أجيب قبول مشروط للدكتوراة ..
السؤال هل أرسل خطاب للجامعات أو أعبي الأبلكيشن ؟

تراسلين المسؤلين في القسم الي بتقدمين عليه + المسؤولين بالدراسات العليا عن قبول الطلاب الدولين بنفس الجامعة

تعرفين بنفسك ومؤهلاتك ومعدلك ، وتوضحين لهم انه ماعندك لغة لسا

وتسألينهم إذا ممكن يعطون قبول مشروط بعد التقديم عليهم.

إذا قالو لك ممكن يعطون أو قدمي ونشوف ..عبي الابلكيشن وقدمي عليهم .

صباح الخير

انا حضرت ملتقى الرياض وقبل شوي حطيت رقم السجل المدني بالصفحة هذي
https://kasp8.imamu.edu.sa/reg

و لا راضي يدخلني لاني ابي اطبع افادة الحضور

وش الحل ؟؟