للراغبين بالتقديم على المرحلة العاشرة 10 للإبتعاث (هنا نستقبل إستفساراتكم)

يعطيكم العافيه جدا استفدت من المووضوع

انا ان شاء الله خريجة الفصل الدراسي الثاني اذا ربي كتب لي

وودي ابتعث للماستر ومطابقة جميع الشروط

بس ابي اسأل

انا الجامعه تتأخر بالوثيقه يعني بعد رمضان بكم يوم تقريبا تطلع يعني ببداية شوال

بخصوص التقديم المبدئي يمديني اعرف المعدل و تاريخ التخرج

بس بعدين للمرحله الثانيه اكيد بتكون ب ذو القعده !

وغير كذا ابي اطلب التوصيات من بدري

سمعت سالفة برقراف وجداول

مافهمت يعني ايش اقول للجامعه

وكم توصية اطلب ؟

وايش اللي اجهزه من الجامعه

يعطيكم العافيه مقدما واسفه ع الإطاله

مرحبمبك. بما انو محد رد خليني اتفلسف بالي اعرفو
الي تطلبيه من الجامعة تروحي اهم شي تتأكدي قبل ما تطلع الوثيقة انها نفس الاسبيلنق الي في جواز سفرك هذا شي مهم
بالنسبة للتوصيات , تروحي تشوفي كيف الفورم حق جامعتك فالتوصيات جاي شكلها بارقراف ولا مربعات وجداول ويجي الدكتور يسوي صح ويوقع هذي ماتنفع مايقبلوها لو كانت كذا فهميهم انك بتقدميبها برا وطالبينها على شكل بارقراف واكيد حيسوولك هيا , بس ابدئي استفسري عن دا الموضوع من بدري افضلك وبس الباقي ما افتيلك واخلي الخبراء يجاوبو , والله يوفقك .

الله يعطيك العافية على تواصلك معهم .. ولكن بكل المراحل السابقة البكالوريوس مقتصر على التخصصات الطبية ، مع المرحلة الثامنه والتاسعة فتحوا العلوم الاساسية مع التخصصات الطبية ..

أمرهم غريب بصراحه لأن ما فيه جديد ..

حياك الله ..

ما عندك مشكلة لو تأخرت وثيقتك .. ممكن تطلع وثيقتك قبل التدقيق ولو ما طلعت تكفي افادة التخرج ..

- التوصيات مثل ما ذكر اخوي تكون على شكل قطعة يعني ما تكون على شكل مربعات ويحطون لك صح .. عدد التوصيات من 3 إلى 5 يكفي ..

- تتأكدين أن الوثيقة والسجل باللغة الانجليزية أو انجليزي وعربي ولكن ما يكون عربي فقط .. وأن اسمك متطابق مع الجواز ..

بالتوفيق .

وعليكم السلام ورحمة الله وبركاته ..

العلوم الصحية لها تخخصات والعلوم الطبية لها تخصصات أخرى ، تخصص العلاج الطبيعي تحت العلوم الطبية .. الطب فقط هو اللي يحتاج ايلتس قبل السفر والحصول على درجة لا تقل عن 5 ..

بالتوفيق .

يفترض تكون ألغيت البعثة .. لأن صارت مع بعض الاخوان مشكلة بالترقية ومشكلة بإصدار قرار الابتعاث طالما ما الغوا البعثه السابقه ..

الوظيفة بالقطاع الخاص والاسم بالتأمينات ما يأثر على الابتعاث ..

الله يجزاك خير على دعواتك الطيبة لك بالمثل وأكثر .. الله يسعدك ويوفقك ..

أشكرك يا حرف .. بس وضح لي اكثر تقصد بالطب يعني الطب البشري وطب الأسنان فقط هي اللي يحتاج ايلتس قبل السفر والحصول على درجة لا تقل عن 5 ..



( توكلت على الحي الذي لا يموت )

( توكلت على الحي الذي لا يموت )

حياك الله ،

بالضبط الطب فقط ..

طيب هل اقدر اقدم على تخصص العلاج الطبيعي بعد الثانوية ( مرحلة البكالوريوس)
لآني مو عارف كيف خطة التدريس لهذا التخصص
( اعذرني على كثرة الاستفسارات بس ابي استغل وجودك هههه)


( توكلت على الحي الذي لا يموت )