طريقة الحجز عن طريق مكتب الطيار بالايميل

السلام عليكم ورحمة الله وبركاته
اخواني واخواتي يمكن الاغلب الان بصدد حجز تذاكر الطيران
ففي طريقه انك تحجز بمكتب الطيار من دون الحاجه إلى الذهاب للفرع
وهذي الطريقه شرحتها لاحد الاخوات التي كانت تسال عن طريقة الحجز من دون الذهاب إلى الفرع
للتذكير ياخوان انه مرات الطيار يرفض الحجز على شركات معينه زي الاماراتيه او القطريه
ف عاد انت تواصل معهم بالايميل وتاكد منهم بالضبط
وهذي المشاركه الي جاوبت فيها على استفسار الاخت

تقدرين تحجزين من دون مايروح احد للمكتب
اتصلي على رقم الطيار المجاني
وسويي حجز لك ولمرافقك
عطيهم الاسماء كامله وتاكدي ان يكون السبيلنق صحيح
وعطيهم تفاصيل الرحله الي تبينها
ولا تقولين انا مبتعثه مدري ايش
خلي الوضع عادي جدا
كنك مسافره سياحه
تاكدي ان الحجز يكون على الدرجه السياحيه
ويكون قابل للتغيير والاسترجاع
بعد كذا الموظف حق الطيار
بيعطيك رقم الحجز
واطلبي منه يرسلك معلومات الحجز على ايميلك
هذي الخطوه الاولى الي هي الحصول على رقم حجز
بعد كذا
ترسلين ايميل لموظف الطيار الي بالوزاره
ترسلين قرار ابتعاثك وجوازك وجواز مرافقك
وتعطينه رقم الحجز
بعد كذا الموظف بيرسلك انه تم تاكيد الحجز
وتطلبينه منه يرسلك التذكره
او تدخلين على موقع الشركه
وتطبعين الحجز منها
وسلامتك
المهم لما تتصلي على الهاتف المجاني
عطي الموظف الرحله الي تبينها
نوع الشركه
ومتى الاقلاع والوصول
وكذا
افضلك تحجزي على السعوديه
لان الطيار مرات يرفضون الاماراتيه والقطريه

هذا رقم مكتب الطيار المجاني
920012333
وايميل موظف الطيار بالوزاره
Mohe.students@altayyargroup.com

المصدر: http://www.mbt3th.us/vb/forum172/thr...#ixzz2t88v3frj

للمساعده ياخوان هذه مواقع تساعدك على تحديد الرحله
ك مدة المرحله وموعد الاقلاع والوصول ورقم الرحله وطبعا تواريخ الرحله
Flights: Find Cheap Flights & Airfares | Priceline
Hotels: Find Cheap Hotel Deals, Discounts, & Reservations | Expedia

للتنبيه ياخوان ان الحجز له مده معينه وينلغي
تختلف من شركة طيران لاخرى
لكن بالعاده
3 ايام يكون الحجز ساري مفعوله
ف مانصح احد يحجز الا بعد مايصدر قرار ابتعاثه
وزي ماقلت لكم مرات الطيار يرفضون شركات معينه بس لو ضغطت عليهم يمكن يوافقون
انا لما كنت بحجز العام الماضي على الاماراتيه
رفض الموظف انه يصدر لي التذكره
وطلبت رقم جوال مدير فرعهم الي بالوزاره
وكلمته
وأصريت عليه
بالعربي نششبت لهم
لين وافقوا وعطوني على الاماراتيه
لكن فيه ناس اعرفهم رفضوهم
واجبروهم على السعوديه

شكرا لك سعودي ماجيك إن شاء الله ربنا يبلغنا هذه الخطوة على خير
وبالتوفيق لجميع المرشحين الذين يستعدون للسفر.

الله يعطيك العافية سعودي ماجيك

انا الحمدلله مابقى لي الا اصدار التذكرة وموضوعك افادني كثير

بالتوفيق للجميع يارب

اقتباس:

---

المشاركة الأصلية كتبت بواسطة طالب مايكرو

الله يعطيك العافية سعودي ماجيك

انا الحمدلله مابقى لي الا اصدار التذكرة وموضوعك افادني كثير

بالتوفيق للجميع يارب

---

ابداء بتنسيق رحلتك.. شف وش الانسب لك وتوكل ع الله..


( تمت المشاركة باستخدام تطبيق مبتعث )

طريقة ممتازه اخوي سعودي ،،
بالتوفيق للجميع !


( تمت المشاركة باستخدام تطبيق مبتعث )

شكرا عالموضوع جا في وقته
طيب انا ودي بالاماراتية وسويت بحث بالموقع اللي نزلته مالقيت لها ولا رحلة!

اقتباس:

---

المشاركة الأصلية كتبت بواسطة أم عمر30

شكرا عالموضوع جا في وقته
طيب انا ودي بالاماراتية وسويت بحث بالموقع اللي نزلته مالقيت لها ولا رحلة!

---

بالاول انتي وين مسافره
اذا شرق او غرب امريكا
اعتقد راح يجبرونك على السعوديه

اقتباس:

---

المشاركة الأصلية كتبت بواسطة saudi_magic

بالاول انتي وين مسافره
اذا شرق او غرب امريكا
اعتقد راح يجبرونك على السعوديه

---

وجهتي نيوارك بديلاور واقرب مطار دولي لها فيلادلفيا
من الموقع اللي نزلته لقيت حاطين الخطوط بس استخدم الخطوط الامريكية في النهاية ! صعبه
الخطوط القطرية لقيت من الدوحة دايركت فيلادلفيا بس انتظار في المطار خمس ساعات!!

اقتباس:

---

المشاركة الأصلية كتبت بواسطة أم عمر30

وجهتي نيوارك بديلاور واقرب مطار دولي لها فيلادلفيا
من الموقع اللي نزلته لقيت حاطين الخطوط بس استخدم الخطوط الامريكية في النهاية ! صعبه
الخطوط القطرية لقيت من الدوحة دايركت فيلادلفيا بس انتظار في المطار خمس ساعات!!

---

اتوقع بيعطونك على السعوديه
تطلعين من جده دايركت على واشطن
ومنها على مدينتك