الأعضاء الإشتراك و التسجيل

الملتقيات
ADs

تجربـــتي بعد الوصول لمقر بعثتي

تجربـــتي بعد الوصول لمقر بعثتي


NOTICE

تنبيه: هذا الموضوع قديم. تم طرحه قبل 1432 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية أفنونة
    أفنونة

    عضو شرف ومشرفة سابقة

    أفنونة الولايات المتحدة الأمريكية

    أفنونة , أنثى. عضو شرف ومشرفة سابقة. من السعودية , مبتعث فى الولايات المتحدة الأمريكية , تخصصى نظم المعلومات computer information system , بجامعة قريب ان شاء الله
    • قريب ان شاء الله
    • نظم المعلومات computer information system
    • أنثى
    • Seattle / Riyadh, WA
    • السعودية
    • Dec 2012
    المزيدl

    February 19th, 2014, 09:52 AM

    بــسم الله الرحمن الرحيم
    السلام عليكم والرحمة
    يسعدلي صبــاحكم / مســاكم
    وحشني الملتقى كثيـــر كثـير وعذرا على الغيبة اخواني واخواتي المشرفين 
    بناء على رغبة الكثير من الاعضاء بشارك رحلتي معاكم لحظة بلحظة بعد وصولي لمقر البعثــة
    بداية كان لي موضوع قبل يشرح كافة الخطوات قبل الوصول لمقر البعثة واكيد الملتقى مليان مواضيع غيرة
    تجربتي باستخراج القبول ,الفيزا واصدار القرار (محدث) - المرحلة التاسعة ( 9 )


    الحمدلله انا بكرا بتوقيتي بكمل شهرين من وصولي لمقر البعثة
    طبعا انا في امريكا تحديدا مدينة سياتل في ولاية واشنطن , غرب امريكا. بدات دراستي قبل شهر ونصف لغة طبعا واطمح للماستر ان شاء الله.
    رحلتي كانت فجر 19 ديسمبر/2013 من الرياض لفرانكورت ومن فرانكفورت لسياتل على طول على الخطوط الالمانية كويسة الخطوط بس عيبها الوحيد الكراسي جدا مو مريحة وتفتيشهم كان شوية مكثف في المطار وانا السبب – لاني نسيت جهازين في شنطتي ما طلعتها وخافوا صاروا يفتشوفني بقلب – وهم سالوني اذا معي اجهزة غير الابتوب والجوال بس نسسسسيت الباقي من التعب وقل النوم وقلت لا ما معي ( في غرف لتفتيش المحجبات ).
    وصلت مدينتي الظهر بتوقيت سياتل _ كاني عشت اليوم مرتين _ وكنت قبلها متفقة مع النادي السعودي وساعدوني للوصول للفندق واستفدت من خصم النادي في احد الفنادق .
    والحمدلله الامور تسهلـت ..


    قبل السفر:


    - معظم المدن لها نادي سعودي في جامعة معينة مثلا مدينتي لها نادي في جامعة واشنطن وجدا جدا متعاونين , فابحثوا عنهم في مدنكم وبعض النوادي توفر لكم مواصلات من المطار وخصم في فنادق معينة واحيانا يكون في متطوعين ينقلونكم من المطار للسكن لوجه الله  . والبعض عاملين كتيبات بالاماكن المناسبة للسكن بالنسبة للسعوديين واماكن المساجد في المدينة ...الخ
    - من الافضل انك تتعرف على المعهد اكثر واكثر والمدينة كمان ,كيفية استخراج بطاقات الباص ,كيفية الحصول على رخصة , اي دي, افضل المستشفيات , افضل الاماكن للسكن , اماكن الترفيه , المكتبات , الاماكن الخطرة لتجنبها , افضل المولات , امااكن تجمع الطلاب السعوديين , موقع المساجد , افضل سوبرماركت ,مدراس للاطفال وحضانات , افضل شركة للاتصالات وعروضها في مدينتك واقرب فرع لمقر فندقك , وافضل بنك واكثر الصرافات انتشارفي مدينتك - لان لو احتجتوا كاش وسحبتوا من غير البنك رح يصير عليكم زيادة تقريبا 3 او 4 دولار مو متاكدة بس الكاش مو متداول بكثرة .
    - وياليت ياليت تكونون محددين كذا مجمع سكني او كذا بيت قبل الوصول ومحددين مساركم للمعهد او للجامعة والوقت والطريقة ...الخ , بحيث انكم اول ما توصلون لمقر البعثة تشيكون على المجمعات وتقارنون .
    - شيكوا على مواقع التواصل الاجتماعي لتجمع طلاب مدينتكم ممكن في احد يتنازل على الشقة وتكون مؤثثة او احد يبيع اثاث ...الخ
    - خذوا معاكم كاش بس مو كثير احتياطا والباقي في الحساب 
    - للبنات خصوصا وللشباب برضو ممكن لا تكثروا اغراض و ملابس ...الخ . بس يكفيكم من اسبوعين ل 3 لان الجودة هنا افضل والسعر اقل . بنات لا تنسوا تكثروا الحجابات لاني ما لقيت كويس هنا 



    في مقر البعثة :



    - فتح حساب بنكي + استخراج شريحة جوال (تحتاجون الايتوني + الجواز + كاش للايداع ) .ممكن يقولون لك عن حساب الادخار وان فلوسكم تزيد بنسبة بسيطة و و بس ترى ما يجوز ربا - هي قالت لي بنفسها اتوقع انه حرام عندكم بس بعض السعوديين رفضوا وبعضهم للاسف وافقوا وحبوا الفكرة – وشرايح الجوال احيانا يكون عليها عروض اذا كذا شريحة.

    - يفضل تكون حصلت سكن عشان الملف . بالنسبة للاثاث شيكوا ع مواقع التواصل ممكن تحصلوا اثاث مستعمل من سعوديين وكويسة مثلا تلفزيون , طاولات...الخ ارخص وكمان تساعدوا الطلاب بالشراء (بالنسبة للتلفزيون انا ما اشتركت في كيبل لاني ما اتابع كثير وكمان مو مرة ع الاخبار بس استفدت من ابل تي في وخدمة نت فلكس رح تفهموها لما تجون هنا لاني اتوقع انها مو شغالة في السعودية بس كثير مفيدة لتطوير اللغة اذا استخدمت صح )


    - طلب فتح ملف مبتعث (ممكن تسوون نصف هالخطوة من السعودية وتعملوا حفظ مو تسليم ) ط·ظ„ط¨ ظپطھط* ظ…ظ„ظپ ظ…ط¨طھط¹ط«
    وهذا تقرير كثير ساعدني فتح ملف المبتعث والمرافق .. جميع الخطوات وبدون الحاجة إلى الذهاب للملحقية +الروابط

    بعد كذا رح يوصلك رقمك في الملحقية وبدها تكمل بياناتك من هنا https://safeer.mohe.gov.sa/_layouts/...gin/login.aspx

    وبعدها توصلك الموافقة ع طلبك اذا اوراقك وامورك تمام وحيكون عندك بوابة وع طول حيوصلك الضمان ترسله للمعهد وكمان حيطلع لك تنبيه بايقاف الصرف بعد سنة بالضبط – لانتهاء مرحلة اللغة – يبقى اضافة المرافق ولما تتم الموافقة عليه ممكن يرفع طلب مرافق دارس اذا كان بيدرس - وهذه اخذت وقت معاي للاسف  - وبعدها بيوصل الضمان المالي دايركت لايميل المرافق و لازم يرسل للمعهد.

    - لطلب التعويضات وصرف الفروقات:
    الفروقات : الايام اللي قضيتها قبل صرف الرواتب لازم ترفعون طلب من البوابة ويومين ل 3 ايام تنزل في حسابكم 
    التعويضات : من حساب المبتعث الاساسي كل التعويضات لان المرافق حيرفضوا التعويض من بوابتة , الملحقية تعوض عن السيفس , الفيزا تقريبا 727 دولار . ولازم تكون الفواتير كاملة وتحددوا من البوابة مثلا " رسوم السيفس (400) + رسوم الفيزا (1216 ريال = 324 دولار ) " << لمبتعثة ومرافق .

    - التامين :
    بعد فترة من فتح الملف حيوصلكم ايميل بخصوص التامين تتبعوا الخطوات من الاتصال على الشركة وتاخذوا الاي دي تبعكم اللي يبدا ب W وتدخلوا ع موقع الشركة اون لاين وتسجلوا بياناتكم من عناوين ورقم الجوال وترفعوا صورة شخصية وبس .. تنتظروا من 7 ل 10 ايام عمل وتوصلكم على البريد
    ************************************************** ************************************************** *********************
    ان شاء اكون افدتكم ولو بشئ بسيط , واي شي مو واضح في اللي شرحته انا مستعدة اجاوب عليه او نقطة نسيتها يا ليت تذكروني


  2. المشاركة الأصلية كتبت بواسطة فزاااع
    الله يعطيك العافية كفيتي ووفيتي ..

    بستفسر بخصوص رسوم السيفيس والفيزا اذا سددتهم عن طريق مكتب عادي يعوضوني عنها ؟
    يعني الايصال بيكون عن طريق المكتب مو عن طريق حسابي الشخصي
    يعافيك اخوي

    والله ما عندي فكرة بخصوص المكتب
    بس اكيد انت دافع لهم مو من جيبهم فإن شاءالله يعوضونك اذا الفواتير كاملة وتثبت الدفع

    Sent from my GT-N7100 using مبتعث mobile app
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.