الأعضاء الإشتراك و التسجيل

الملتقيات
ADs

تقرير تجربتي في التحضير للرحلة .. جدة واشنطن ... والخطوات بعد الوصول

تقرير تجربتي في التحضير للرحلة .. جدة واشنطن ... والخطوات بعد الوصول


NOTICE

تنبيه: هذا الموضوع قديم. تم طرحه قبل 1376 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية kesraa
    kesraa

    مبتعث جديد New Member

    kesraa الولايات المتحدة الأمريكية

    kesraa , ذكر. مبتعث جديد New Member. من السعودية , مبتعث فى الولايات المتحدة الأمريكية , تخصصى في الطريق بإذن الله , بجامعة UNi
    • UNi
    • في الطريق بإذن الله
    • ذكر
    • DL, DL
    • السعودية
    • Nov 2013
    المزيدl

    March 14th, 2014, 06:55 AM

    السلام عليكم ورحمة الله وبركاته ..
    كيفكم جميعا ان شاء الله طيبين ..

    بسم الله ابدأ شرح مبسط وان شاء الله تستفيدون من تجربتي ..
    لو ان الموضوع متكرر بكثرة .. لكن من باب التذكير

    في البداية انا مرافق لزوجتي .. ومعايا طفل عمره 11 شهر ..

    وكانت رحلتنا على متن الخطوط السعودية جدة-واشنطن .. ومن واشنطن لـ نيوارك ديلاوير يوم 21 فبراير كانت الرحلة الساعة 8 ونص صباحا
    والدراسة بالمعهد تبدأ يوم 6 مارس

    تحضيرات ما قبل السفر ..

    من اهم الاشياء اللي تسويها قبل ما تسافر ..
    مبلغ ما يقل عن 10الاف للعزابي
    و 18 الف للمتزوج ..
    وتجزأها كاش تقريبا تحتاج 1500-2000 و تحط الباقي منها في الفيزا

    شراء ساعة الفجر .. للتنبيه بأوقات الصلاوت .. قيمتها 165 ريال << تملي عليك جو البيت بصوت الأذان

    عمل مسح ضوئي لجميع المستندات المهمة .. ( الجواز - الفيزا - اي توني - بطاقة العائلة - الاحوال -قبول المعهد-قرار الابتعاث-الشهادات الاكاديمية وسجل الدرجات-برنت من الاحوال للمرافق او خطاب من العمل )
    مهمة جدا جدا جدا عمل نسخة منها
    تجهيز السكن قبل الوصول ..
    تواصلت مع منسق قبول السكن من جامعة ديلاوير
    اسمه باتريك ..
    بحيث انه كنت ابغى استلم السكن او ما اوصل .. في ((ستديو قرين )) لأنه الفندق كان قيمة اليوم 52 دولار الليلة ..
    والسكن ما يسلمونه لك إلا يوم 5 مارس ..
    يعني 12 يوم تطلع عليا بـ 600 دولار وعليها ..
    والحمد لله وافقوا انهم يعطوني الـ 12 يوم الاولى بـ 200 دولار يعني وفرت 430دولار
    ..
    بس يبغالكم تحاولون مع منسق القبول لين ما يوافق يعطيكم السكن اول ما توصلون لأنه في البداية رفض

    الآن في ترتيب الشنط .. كان مسموح لي عدد 5 شنط
    وبحكم انه عندي طفل .. حبيت اقضي له اغراض ثلاث اسابيع قبل من السعودية
    من (حليب- سيريلاك- بسكوت الاطفال-ادوية الزكام-والكحة )
    وعبيت له شنطة كاملة اغراضة
    ومن الصيدلية .. جميع الاغراض اللي احتاجها من ادوية و مستلزمات
    ..
    شنطة اخرى فيها جميع ( القهوة - الهيل - الزنجبيل المطحون - معمول - عسل - وسفر بلاستيك ) < وطبعت لها اوراق ولصقتها فيها وكتبت تاريخ انتاج وانتهاء
    والشنط الاخرى ملابس وكتب ..

    وحاجة مهمة .. ( محول افياش الكهرباء من ثلاثي إلى ثنائي ))
    ملف مرفق 31489

    سويت حاجة احسها مرا يحتني وقت الوصول للمطار
    كتبت في الوورد كل شنطة على ايش تحتوي بالانجليزي وطبعتهاا وحطيتها في الشنط ... مثال شنطة المأكولات

    What’s inside the bag?
    Coffee + Cardamom + coffee whitener + black bean + dates + Scott dates + cups of coffee + paper cups + plastic bags + Hand Vacuum Cleaner + Gloves + Heater + Diapers.

    ..
    وهذا كلها قبل السفر باسبوع تقريبا .. وقفلت الشنط قبل السفر بـ ثلاث ايام ..

    ...
    يوم السفر .. رحت للمطار بالشنط الساعة 3 الفجر عشان اشحنها ..
    وتشيل معاك الآي توني + الجوازات + الحجز ..
    وتشحنها عشان تروح للمطار الصباح خفيف ما معاك إلا شنط اليد .. وانصحكم بشنطة الظهر الكبيرة اللي فيها كفرات تكون فيها اغراضكم وكذا

    وطلعنا الطيارة .. وبسم الله ...
    راح يعطونك الورقة الزرقاء .. تكتب فيها بياناتك والاشياء اللي في الشطن معاك .. و المبلغ الكاش اللي معاك

    عند الوصول لمطار واشنطن .. جهز اغراضك المستندات المطلوبة الجوازات والآيتوني ..

    وتوكل على الله .. الإجراءات ابسط مما تتخيل الحمدلله وتستلم شنطك وتمشي ..

    ربي يسرلي ولد اخويا الحمد لله استقبلني في المطار .. واتوجهنا للسكن في مدينة نيوارك ..

    طبعاً الايام الأولى صعبة .. وعليكم بالصبر والتوكل على الله ... وبإذن الله ربي يفرجها .

    .. ثاني يوم من وصولك للمدينة اللي انتا فيها .. لازم تشوف اقرب مركز تسويق .. وتاخذ للبيت ما تحتاج له .
    كثروا من التست والجبن الشرايح .. والحليب لأنه بيكون طعامكم الاول لين ما تتأقلمون مع المنطقة اللي انتم فيها

    بعد ما تتعرفون على المدينة .. لازم تفتحون حساب في البنك .. عادة البنك يطلب .. الاي توني + الجواز + قبول المعهد .. عشان يفتحون لك حساب طالب (( وتطلب منهم دفتر شيكات ))
    + كشف حساب موجه لـ الملحقية .. عشان تقدر تضيف بيانات الحساب البنكي في حسابك بالملحقية


    .. وفتح الملف بالملحقية حاولوا تستعجلون عليه قد ما تقدرون ..
    وتقدمون على طلب تعويض في حال نقصتكم فلوس .. طلب تعويض رسوم الفيزا والسيفس .. تسد شوية من الأزمة الأولى
    على حسب علمي تآخذ 4 ايام وتنزل لكم .. في حال الموافقة

    إضافة هذه جميع الأشياء اللي كانت داخل شنط السفر للي حاب يستفيد .. وبالتوفيق
    https://www.dropbox.com/s/eey2yn4kaf5y0qu/2222.docx

    وهذه ستيكرات طبعتها على الشنط فيها معلومات صاحب الشنطة
    https://www.dropbox.com/s/sgmwgkllw6...ة%20السفر.docx


    .. وتقريبا هذه اهم الأشياء اللي واجهتني ..
    واتمنالكم التوفيق جميعا بإذن الله ..
    وأي اسألة انا متواجد بإذن الله وفي الخدمة



    ..
  2. المشاركة الأصلية كتبت بواسطة عبير الوادي
    أولاً مشكور على التقرير جداً رائع
    حابه استفسر عن الاوراق األي لصقتها على المواد الغدائية ملصقات وإلا ورق عادي وإذا ملصقات من وين تجيبها؟؟؟
    حياك الله اختي عبير ..
    الملصقات هذه عبارة اوراق A4 ستيكر .. تلقينها في المكتبة ..
    وتطبيعنها في البيت وتقصينها على الحجم اللي تبغينه ..

    وهذا نموذج لها إذا حابة تستخدمينه .. حملته هنا عن طريق أحد الاخوان .. ونستأذنه في ادراجه للموضوع

    https://www.dropbox.com/s/cq77f0psfh8qff8/No.22.doc
    وبالتوفيق

    المشاركة الأصلية كتبت بواسطة سعودي ذوق
    تقرير رائع والحمدلله على السلامة

    وعقبالنااا الله يسهل علينا

    يعطيك العافية
    يللا شد حيلك ولا تنسى التوكل على الله .. في جميع امورك .. وبالتوفيق
    7 "
  3. جزاك الله كل خير ..التجارب وإن كانت متكررة إلا أن كل تجربة تحمل قيمة ذات فائدة نستفيد منها جميعا
    ويستفيد منها أيضا الطلبة المقبلين على الإبتعاث في السنوات القادمة.
    ووفقكم الله في رحلة ابتعاثكم وأعادكم سالمين بأرفع الدرجات.
    7 "
  4. السلام عليكم ورحمة الله وبركاته
    اشكرك على التقرير الممتاز لكن عندي استفسار ... الورقة اللي فيها محتويات الشنطة سواء مواد غذائية او ملابس الورقة كانت ملصقة على الشنطة او داخلها ؟
    وكذلك معلوماتك وعن ولايتك داخل الشنطة او ملصقة عليها ؟
    وشاكر لك
    7 "
  5. الله يسعدك أختي هداية .. واسأل الله الأجر للجميع


    المشاركة الأصلية كتبت بواسطة abo mansour
    السلام عليكم ورحمة الله وبركاته
    اشكرك على التقرير الممتاز لكن عندي استفسار ... الورقة اللي فيها محتويات الشنطة سواء مواد غذائية او ملابس الورقة كانت ملصقة على الشنطة او داخلها ؟
    وكذلك معلوماتك وعن ولايتك داخل الشنطة او ملصقة عليها ؟
    وشاكر لك
    وعليكم السلام ورحمة الله وبركاته ... حياك الله اخي ابو منصور
    الورقة اللي فيها محتويات الشنطة كانت داخل الشنطة بحيث اول ما تفتح الشنطة تكون في الواجهة

    والمعلومات الخاصة بي كانت خارج الشنطة ملصقة على الشنطة يفضل على اليد او مكان بلاستيك في الشنطة عشان تمسك كويس

    وبالتوفيق اخي الكريم


    ( تمت المشاركة باستخدام تطبيق مبتعث )
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.