الأعضاء الإشتراك و التسجيل

الملتقيات
ADs

هل يوجد حل لتجديد موعد السفارة ؟؟؟

هل يوجد حل لتجديد موعد السفارة ؟؟؟


NOTICE

تنبيه: هذا الموضوع قديم. تم طرحه قبل 1246 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية jamal ali
    jamal ali

    مبتعث جديد New Member

    jamal ali الولايات المتحدة الأمريكية

    jamal ali , ذكر. مبتعث جديد New Member. من السعودية , مبتعث فى الولايات المتحدة الأمريكية , تخصصى كيمياء , بجامعة the unyversity san antinio
    • the unyversity san antinio
    • كيمياء
    • ذكر
    • san antinio, tixas
    • السعودية
    • Jul 2014
    المزيدl

    July 22nd, 2014, 02:44 AM

    السلام عليكم و رحمة الله و بركاته

    اخواني ادخل بالموضوع على طول
    يا اخوان انا عملت كل المطلوب في التقديم للسفارة و سددت رسوم التأشيرات
    و تفعل السداد و دخلت للموقع و عملت موعد و لكن الموعد بعيد في 11/08/2014 و انا يا اخوان المعهد طالب مني احظر في 13/08
    فعشان كذا انا الغيت الموعد و رحت على السفارة بالرياض يقولون اسرع و لكن انصدم نفس المواعيد الموجوده بالظهران اهي نفسها بالرياض و اسحب من الرياض كمان و اروح على جدة و لكن قلت مشوار يبي لها سفر من الشرقية لجده ... و سحبت على جده

    و رجعت اعمل موعد جديد في الظهران ... لكن انصدم ان تفعيل السداد انلغى !!!!!!!!! و ما ادري وش الحل النفسيه دماااار شامل و الوضع ما يطمن
    ابي حل يا اخوان هل في طريقة اجدد للموعد ... او اني اروح من جديد اسدد رسوم التأشيرات
    و المشكلة ان عددنا 4 اشخاص زوجتي و طفلين يعني المبلغ 2432 ريال مهب بسيط يروح هباء منثور

    قرأة انا لكن بمواضيع قديمه ان اقدر اجدد الموعد بتسديد 45 ريال هل موجوده هذي للأن
    ياليت يا اخوان احد يفيدني للظروره القصوى ابي اسافر قبل ما يروح علي موعد الدراسة و ادخل في دوامه من جديد

    لقافه فيني مدري وش ابي مستعجل بكل شي
  2. السلام عليكم و رحمة الله و بركاته
    يوم كامل ولا يوجد حل من قبل الاعضاء و ذوي الخبره في هذا المجال اكثر من ثلاثين مشاهده حتى كلمة الله يكون بالعون ما شفناها

    المهم اخواني موضوعي انحل بفضل لقافتي و الحوسه الزايده

    اتصلت على رقم السافره لخدمة المهاجرين و اي معلومات ثانية و هذا رقمهم 00966920025855
    الاتصال خلال فترات العمل من الساعه 7 صباحا على الساعه 7 مساءً

    طبعا بيكلمك الرد الآلي ... و بيعطيك خيارات كثيره تختار ما يناسبك من الخدمات و في خدمة العملاء او المراجعين
    وسيعين صدر بيستمعون لك بكل رحابة صدر .. و بهدوء المشكلة الى عندك و بيطلب منك رقم الجواز ان اتحتاج من شان يبدأ معاك خطوه خطوة و بيحل معاك المشكلة و ان كان الحل مهب عنده بيقول لك ارسل ايميل و بيقول لك بالحرف شنو تكتب و شنو تسوي و ما عليك الا ارسال الايميل
    ارسلت الايميل الساعه 10 صباحا جاني الرد الساعه 4 ونص مساءً
    و انحلت المشكلة بكل سهوله و حجزت موعد من غير ما ادفع رسوم تجديد موعد و طبعا هذي نظام قديم و انتهى و من غير ما ادفع رسوم جديده

    ملاحظة طبعا الي ساعدني في الموضوع ... ان انا حجزت موعد واحد فقط مؤكد و الغيته لكن ما تم حجز موعد آخر سواء بالرياض او جدة ... و عشان كذا يعتبر نقظة ضعف في سوء النظام للسفارة انك بمجرد ما تدخل على مواعيد قنصلية او سفارة من الثلاث المتواجدين بالسعوديه يحتسب لك بمثابة حجز موعد
    حتى لو ما حجزت

    فأتمنى من الاخوه يستفيدون و الي مر بمثل حالتي يتصل بالرقم اعلاه و ان شاء الله يفيدونه

    حبيت افيد الاخوه ممكن في احد مر بحالتي و استلم و سدد رسوم جديده ...و نصيحه لا تستعجل الا لما تسمع و تتأكد بنفسك من قبل جهه مسؤوله

    هذا قصتي معاهم اتنمى ما يمر احدكم بمثل هذا موقف لانه يرفع الضغط

    تحياتي لكم ... جمال علي
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.