LinkBack URL
About LinkBacks قواك الله ,, معلومات مفيدة مرررة
7 " 
تقرير الجواز الأمريكي - كل ما يتعلق به -
تقرير الجواز الأمريكي - كل ما يتعلق به -
تنبيه: هذا الموضوع قديم. تم طرحه قبل 5171 يوم مضى, قد يكون هناك ردود جديدة هي من سببت رفع الموضوع!
قائمة الأعضاء الموسومين في هذا الموضوع
-
- الله يعطيك العافية7 "
انا اخوي معي جواز امريكي
واستفدت منه كثير في كندا
اتذكر اول ما وصلت
وقفت طابور مع الاجانب
جاني واحد قالي ممكن اشوف جوازك
عطيته
قال انت مكانك مو هنا
تفضل هنا
الا طابور فاضي ما فيه الا 2
وجيت وبـ سرعة خلصوا اموري
وجلست انتظر اللي معي يخلصون
الجواز له فايدة عظيمة
الحمدلله اني ولدت هناك
بس استفسار
لو جيت امريكا ادرس على حسابي
هل هناك مساعدة من الدولة لـ الطلاب ؟؟
كيف احصل عليها لو كان هناك ؟؟
شاكر ومقدر ,, - اناحامل بعد شهرين ونشالله يجي المولود والادة حتكون بامريكه لان زوجي مبتعث من عارفه اخرجله الجواز الامريكه اشي الفائد من الجواز الامريكي7 "
- السلام عليكم اخوي مرافق انا طال عمرك ربحت في القرين كارد وجاني اتصال منهم وطلبو مني مبلغ ادفع لهم علشان يدزون لي البطاقه المهم انا سئلت واحد من الشباب وقال كل هذا نصب بنصب هل تتوقع كلامهم صدق وعلى فكره اتصلت علي وحده في الحكومه الامريكيه وباركت لي بحصول على القرين كارد بس ما عندي اي معلومه يعني ايش اسوي ادفع واكتب رقم الماستر كارد في الموقع او مستحل اني اخذ البطاقه .7 "
ياريت انك ترد لي واكون شاكر لك..
تحياتي - اوكي انا امريكية7 "
وش الأمور اللا على زوجي يسويها
و لبنتي كمان - يعني لازم في عقد الزواج و شهادة ميلاد بنتي مكتوب اني امريكية؟؟7 "
- واو7 "
سامحوني كل اللي سألو و ما رديت عليهم
انا رحت امريكا و نسيت اني مشترك بالمنتدى اصلا
سامحوني و اللي عنده سؤال يتفضل يسأل - 7 "بسم الله الرحمن الرحيم
جاتني اكتر من رسالة على الخاص حبيت اضعها هنا ليستفيد منها اكبر عدد ممكن .
طبعا بعد اذن اصحاب الرسايل بدون ذكر اسمائهم .
- 7 "بسم الله الرحمن الرحيمحبيت استفسر هل اقدر اعدل حرف من اسمي في الجواز الامريكي وايش الاجراءات؟؟ لاني ان شالله ناويه اطلع بعثه على امريكا فكيف مع الوزاره لان من شروطها للبعثه الجنسيه السعوديه والوزاره تطلب القبول من الجامعه والـ(i-20) لتصدر قرار الابتعاث وامر الاركاب ؟؟
وهل من الممكن ان زوجي يستفيد من جوازي الامريكي في تسهيل استخراج فيزه له؟
خليني اقسم رسالتك لاكتر من قسم
1- بالنسبة لتعديل حرف في اسمك .
هل الحرف المطلوب تعديله ما يضر في الاسم يعني مثلا شخص اسمه احمد
في الجواز السعودي مكتوب Ahmad
في الجواز الامريكي مكتوب Ahmed
هل دا المثال ينطبق عليكي ؟؟
حرف متغير لكن ما يضر بالنطق ؟؟
اذا كان دا المثال ينطبق فما في اي مشاكل لا في السفر و لا في دخول امريكا و لا في الدراسة و ان كنتي ناوية تتطمني اكتر غيري في الاسم في الجواز السعودي و شهاداتك و خليهم زي الامريكي لانه اسهل .
اما اذا كان الاسم مثلا خالد
في الجواز السعودي مكتوب Khaled
و في الجواز الامريكي مكتوب kald
و الخطأ في الامريكي فديكا الساعة تعبي نموذج DS-5504
وهدي الخطوات موضحة هنا بالتفصيل
http://travel.state.gov/passport/forms/ds5504/ds5504_2663.html
2- بالنسبة للابتعاث .
انتي بالنسبة للسعودية مواطنة سعودية اُجبرت على استخراج الجواز الامريكي . و الكلام دا معروف في الوزارة .
جوازينك الاتنين السعودي و الامريكي يكونو معاكي في السفارة
الجواز السعودي تخلصي فيه اجرائاتك و الجواز الامريكي يحل محل الفيزا .
في الوزارة حيقولوك فين الفيزا تقومي تطلعي الجواز الامريكي .
و بالنسبة للقبول عادي يجيكي قبول من غير I20 .
و انتي بالنسبة لأمريكا مواطنة امريكية و تتمتعي بكامل حقوقك كمواطنة امريكية و امريكا ما تمنع ازدواج الجنسية بس نصيحة مني كمجرب . اول ما تروحي امريكا حطي الجواز السعودي على جنب و لا تستعمليه في اي شي .
لمن توصلي امريكا ارجع اقولك ايش تسوي بالضبط .
3- بالنسبة لزوجك شي اكيد انك بتسهليله اموره بعد الله سبحانه و تعالى .
لان السفارة الامريكية لمن بتصدر الفيزا تبغى تتأكد انو الاجانب ما ياخذو الفيزا و يعيشو في امريكا على طول . لكن انتي بتسهليلهم النقطة دي . لانك تعتبري مواطنة امريكية و مضمونة بالنسبة لهم .
و لمن توصلو امريكا بالسلامة قدميله على القرين كارد .
4- في اشياء حابب اوضحها .
دحين لمن يكون في سعودي عاش في المانيا 30 سنة . و بعد كدا حب انه يرجع السعودية . ايش يسوي ؟؟
هل يستخرج فيزا ؟؟ ويجيب كفيل ؟؟ و لا يجيب عقد عمل عشان يرجع بلده ؟؟
طبعا لا . يركب اقرب طيارة و على السعودية . صح ؟؟
الكلام دا ينطبق عليكي بالضبط .
انتي مواطنة امريكية و حاب تروحي بلدك مافي اي شي يمنعك .
الـ I20 عبارة عن حاجة تثبت انك رايحة امريكا للدراسة و دا شي مطلوب من كل الاجانب بس مو للامريكان . اتمنى تكوني فهمتي المثال دا .
و بالنسبة للوزارة تعطيهم القبول بس اللي بتجيبيه لانك لمن تسوي القبول بيسألوكي ايش جنسيتك ؟؟ تكتبي امريكية . هل تحتاجي I20 ؟؟ تكتبي لا .
و ان سألوكي الوزارة عن الـ I20 وريهم جوازك الامريكي .
و انتهى
- 7 "السلام عليكم
انا ياطويل العمر خطيبي (زوجي قريبا) عنده جواز سفر امريكي (جنسيه امريكيه) بحكم ان امه امريكيه. انا مقدمه على البعثه المرحله السادسه على امريكيا ان شاء الله. دحين لما اجي اطلع فيزا اطلع فيزا طالب ولا ايه؟؟ ولا تنصحني اطلع جواز امريكي واريح مخي من الفيزا. ولو بطلع فيزا مو تجيني بسرعه عشان زوجي امريكي؟؟؟
في احد الاخوان قالي لو يدرو الملحقيه ان عندي القرين كارد ولا جواز امريكي يلغو بعثتي
صح الكلام دا؟؟؟؟
وزوجي يبغى يلتحق بالبعثه معايا. اش تنصحو يستخدم في التقديم وغيرو جوازو الامريكي ولا السعودي؟؟ اخاف لو استخدم الامريكي يقولو غير سعودي وماتشملو البعثه
ولا اذا دريو اني تزوجت امريكي يقولو مخالفه للشروووط ههههههه
بسم الله الرحمن الرحيم
و عليكم السلام و رحمة الله و بركاته
اول شي الله يتتم علينا و عليكي بالخير ان شاء الله
تاني حاجة حاقسم رسالتك لعدة نقاط
1- بالنسبة للفيزا
نصيحتي لكي انك تطلعي فيزا عادي زيك زي المسلمين . و فهميهم في السفارة ان سألوكي ، انك تقدري امريكا و تحبيها . بس مافي امل انك تطلعي قرين كارد امريكي او جواز امريكي . و نوع الفيزا طالب F1 . لأنو اجرائات القرين كارد ليكي حتطول مرة من السعودية . و احتمال ما يطلعلك القرين كارد او الفيزا . لانهم يقولو دي طمعانة في امريكا و تبغى تستقر هناك و كدا .
2- بالنسبة للابتعاث .
انتي سعودية يا اختي . يعني لا يلغولك بعثتك و لا شي .
و في حال انك طلعتي القرين كارد او الجواز تعتبري مواطنة سعودية اجبرت على الجواز او القرين كارد عشان تخش امريكا .
3- بالنسبة لزوجك شي اكيد انو بيسهلك امورك بعد الله سبحانه و تعالى .
لان السفارة الامريكية لمن بتصدر الفيزا تبغى تتأكد انو الاجانب ما ياخذو الفيزا و يعيشو في امريكا على طول . لكن جنسية زوجك الامريكية بتسهلهم النقطة دي . لانو يعتبر مواطن امريكية و مضمون بالنسبة لهم .
و لمن توصلو امريكا بالسلامة خليه يقدملك على القرين كارد .
و بالنسبة له يقدم على اوراقه في السعودية بالجواز السعودي و في امريكا بالجواز الامريكي .
وزوجك سعودي في السعودية و امريكي في امريكا . يعني لا يلغو لك بعثتك و لا انتي محالف للشروط و انتي متزوجة سعودي في اي شي يخص السعودية . و متزوجة امريكي في كل شي يخص امريكا
4- في اشياء حابب اوضحها . (لزوجك و ليكي بعد القرين كارد)
انتي في السعودية او في السفارة السعودية في امريكا او في الملحقية السعودية في امريكا ، تطلعي جوازك السعودي و تنسي الامريكي الا في حالة سألوكي عن الفيزا ديكا الساعة تطلعي جواز السفر الامريكي . غير كدا خليه في جيبك لا يطلع . و اي ابليكيشن تعبيه في الاماكن دي تحطي الجنسية سعودي .
انتي في امريكا او في السفارة الامريكية في السعودية او في معهد اللغة في امريكا او في الجامعة في امريكا او في البقالة في امريكا خرجي الجواز الامريكي و نهائيا اصحك تطلعي السعودي . نهائيا !! و اي ابلكيشن تعبيه في الاماكن دي تحطي الجنسية امريكي .
اتمنى انك تكوني استفدتي و جاوبت على استفساراتك . و آسف على التأخير .
