الأعضاء الإشتراك و التسجيل

الملتقيات
ADs

تقرير الجواز الأمريكي - كل ما يتعلق به -

تقرير الجواز الأمريكي - كل ما يتعلق به -


NOTICE

تنبيه: هذا الموضوع قديم. تم طرحه قبل 2888 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. جزاك الله خير أخ مرافق ليش أنا مدري على هالموضوع ..

    و ياليت إذا عندك أي خلفية عن استفسارات الأعضاء التالية .. تفيدنا ..



    المشاركة الأصلية كتبت بواسطة sahar85
    عندي استفسار بسيط
    عندي الجواز الامريكي وزوجتي السعودي اذا وصلنا المطار في امريكا بروح من الممر الخاص بالمواطنين الامريكان السؤال هل اقدر اخذ زوجتي معي؟
    المشاركة الأصلية كتبت بواسطة شاورمر
    شكرا لك على هذا الموضوع المهم والتقرير الوافي

    زوجتي معها الجواز ... بتروح بعثة أمريكا ... بطلع معها مرافق بس بدرس f1 هل الأولاد يكونون مرافقين لي f2 وأنا ما عدي ضمان مالي؟
    أرجو اللي له تجربه أو خبرة يفيدني ... لأنه شكل الجواز ممكن يكون يعقد الوضع ما يسهله
    المشاركة الأصلية كتبت بواسطة maroona
    السلام عليكم
    لو سمحت عندك فكرة اذا كان الأم أمريكية والطفل عمره تقريبا 9 سنوات ما هي الإجراءات المطلوبة لا ستخراج الجنسية للطفل ومن السعودية ولا من أمريكا يتم عملها؟؟ وبالنسبة للأخ هل من الممكن إصدار الجنسية له أو الجرين كارد وكيف الطريقة؟؟ وهل لازم يكون من الرياض؟
    7 "
  2. المشاركة الأصلية كتبت بواسطة م. كيميائية
    جزاك الله خير أخ مرافق ليش أنا مدري على هالموضوع ..

    و ياليت إذا عندك أي خلفية عن استفسارات الأعضاء التالية .. تفيدنا ..
    وياكي ان شاء الله اختي و مشكورة ع مرورك .
    7 "
  3. بالنسبة لاستفسار الأخ sahar85
    عندي استفسار بسيط
    عندي الجواز الامريكي وزوجتي السعودي اذا وصلنا المطار في امريكا بروح من الممر الخاص بالمواطنين الامريكان السؤال هل اقدر اخذ زوجتي معي؟


    بسم الله الرحمن الرحيم

    لا ما تقدر تاخدها معاك الممر الخاص بالأمريكان و انتا مخير بين حاجة من اتنين :
    1- تروح ممر الامريكان و زوجتك ممر الاجانب و تنتظرها عند الكاونتر بعد ما تخلص . انتا حتخلص ختم الدخول و و تروح تجيب الشنط و هيا لسى ما ختمت ختم الدخول . بس انتبه !! في حال انك خرجت من المكان اللي فيه كاونترات الدخول و رحت للشنط ما تقدر ترجع . لكن اختم دخول و انتظر عند الكاونترات .
    2- تروح مع زوجتك في ممر الاجانب .

    واحد من الشباب امريكي و اخته سعودية ما معاها جنسية . راح مع الامريكان و خلى اخته مع الاجانب . خلص و راح جاب الشنط و يبغى يرجع عند الكاونترت ما سمحوله . و قام قلهم اختي هناك ابغى اشوف فينها قالوله كان رحت معاها قالهم هيا في ممر الاجانب و انا امريكي قالوله كان رحت معاها .
    ^
    ^
    ^
    قصة حلوة قلت اقولها لما فيها من العبر
    7 "
  4. بالنسبة لاستفسار الأخ شاورمر :
    زوجتي معها الجواز ... بتروح بعثة أمريكا ... بطلع معها مرافق بس بدرس f1 هل الأولاد يكونون مرافقين لي f2 وأنا ما عدي ضمان مالي؟
    أرجو اللي له تجربه أو خبرة يفيدني ... لأنه شكل الجواز ممكن يكون يعقد الوضع ما يسهله
    و الأخت maroona :
    السلام عليكم
    لو سمحت عندك فكرة اذا كان الأم أمريكية والطفل عمره تقريبا 9 سنوات ما هي الإجراءات المطلوبة لا ستخراج الجنسية للطفل ومن السعودية ولا من أمريكا يتم عملها؟؟ وبالنسبة للأخ هل من الممكن إصدار الجنسية له أو الجرين كارد وكيف الطريقة؟؟ وهل لازم يكون من الرياض؟
    بسم الله الرحمن الرحيم

    الله يهديكم قولو امين ، الموضوع ماهو بهدي السهولة .
    لازم اللي يسأل يكتب معلومات وافية و خصوصا ان كان يسأل عن شي في النظام .
    سؤال1: هل سويت بلاغ ولادة لاطفالك اول ما اتولدو في السفارة الامريكية ؟؟
    سؤال2 : هل الام عاشت 5 سنوات في امريكا مع ملاحظة انه لازم تكون سنتين منها لمن كان عمرها 14 في حال كانو اطفالك مولودين بعد November 14, 1968 ؟؟ او عاشت 10 سنوات في امريكا مع ملاحظة انه لازم تكون خمسة سنين منها لمن كان عمرها 14 في حال كانو اطفالك مولودين قبل November 14, 1968 ؟؟


    أ- ان كانت الاجابة على السؤال الاول و التاني ( نعم ) :
    اطفالك مواطنين امريكان و روحو للسفارة و طلعولهم جوازات سفر .

    ب- ان انتفت الاجابة على اي السؤالين وخصوصا السؤال التاني :
    فاطفالكم يستحقو التجنيس لمن يصير عمرهم 18 ، و الان يعاملو معاملة السعوديين .

    و الله يعينك يا شاورمر تخليهم مرافقين لك و تجيب لك ضمان مالي من اي بنك .
    و الله أعلم .

    بالنسبة للشق التاني من سؤال الاخت maroona
    لازم يكون عمرك فوق 21 سنة !!
    لازم يكون اخوكي مضى على وجوده في امريكا سنة او سنتين مش فاكر و بطريقة نظامية !!
    لازم يكون سجله نضيف !!
    انك تكوني قادرة على اثبات قدرتك على التكفل به ماديا !!
    غير رسوم القرين كارد و الاوراق اللي يطلبوها من اخوكي .
    و القرين كارد اللي تقدري تقدميها لاخوكي اسمها Family-Based Green Card .

    أتمنى ان تكون الاجابات واضحة . و آسف ع التأخير !!
    7 "
  5. المشاركة الأصلية كتبت بواسطة مرافق ليش انا مدري
    بالنسبة لاستفسار الأخ sahar85


    بسم الله الرحمن الرحيم

    لا ما تقدر تاخدها معاك الممر الخاص بالأمريكان و انتا مخير بين حاجة من اتنين :
    1- تروح ممر الامريكان و زوجتك ممر الاجانب و تنتظرها عند الكاونتر بعد ما تخلص . انتا حتخلص ختم الدخول و و تروح تجيب الشنط و هيا لسى ما ختمت ختم الدخول . بس انتبه !! في حال انك خرجت من المكان اللي فيه كاونترات الدخول و رحت للشنط ما تقدر ترجع . لكن اختم دخول و انتظر عند الكاونترات .
    2- تروح مع زوجتك في ممر الاجانب .

    واحد من الشباب امريكي و اخته سعودية ما معاها جنسية . راح مع الامريكان و خلى اخته مع الاجانب . خلص و راح جاب الشنط و يبغى يرجع عند الكاونترت ما سمحوله . و قام قلهم اختي هناك ابغى اشوف فينها قالوله كان رحت معاها قالهم هيا في ممر الاجانب و انا امريكي قالوله كان رحت معاها .
    ^
    ^
    ^
    قصة حلوة قلت اقولها لما فيها من العبر

    بعد اذن صاحب الموضوع المتميز

    جواب سؤاله انه نعم تقدر تاخذ زوجتك معاك للممر الأمريكي ولا فيه أي مشاكل

    الجواب من تجربة شخصيه

    تقبل مروري
    7 "
  6. المشاركة الأصلية كتبت بواسطة abuhammad
    بعد اذن صاحب الموضوع المتميز

    جواب سؤاله انه نعم تقدر تاخذ زوجتك معاك للممر الأمريكي ولا فيه أي مشاكل

    الجواب من تجربة شخصيه

    تقبل مروري

    جزاك الله خير اخوي ابو حمد على المعلومة .
    7 "
  7. الله يعطيك العافيه على ردك واهتمامك
    طيب انا عمري 27 سنه يصير اطلع جواز مايشترطو عمر معين؟
    وبالنسبة لشهادة مولود حي من وين اطلبها؟؟؟؟وكيف الطريقه
    الجواز مالو عمر معين

    بس الله يعينك يبغالك صور صور كتيرة جدا

    بالنسبة لشهادة مولود حي تخش ع موقع State.gov

    و تخشي ع قسم الباسبورتات

    و تشوفي طلبات الباسبورت يقولك في حال الشهادة مي معاكي اطلبيها من المستشفى

    يعطيكي رابط تخشي عليه

    في عنوان المستشفى

    و ترسليلهم رسالة بالبريد السريع مع شيك مصدق بقيمة 15 دولار الظاهر

    ترى العملية سهلة

    ان ما عرفتي ارجعي اسأليني و انا اوضحها ليكي من البداية
    7 "
  8. الله يعطيك العافيه على جهودك ومعلوماتك المفيده
    طيب فيه من ضمن الطلبات حاجه مافهمتها الي هي



    - شهادة مولود حي الأصل أو الصورة المصدقة



    ايش المقصود فيها وايضا بالنسبة لصور مراحلي العمريه اذا ماكان عندي بعض المراحل ايش اعمل؟؟وجواز الوالد القديم مو موجوده بس عندي جواز الام


    وشكرا
    الله يعافيكي خيتووو

    شهادة مولود حي هيا شهادة عندهم هناك و الغرض منها واضح من اسمها يعني لمن يتولد مولود بتطلع له شهادة ميلاد لمن يكمل يومين على ما اعتقد و بصحة طيبة و عايش و مافيه شي يقومو يستخرجولو شهادة مولود حي يعني انو مولود حي و ما عنده مشاكل اما اذا مات المولود فور ولادته او طلع ميت بتطلع شهادة ميلاد لكن ما تطلع شهادة مولود حي و هيا اهم شهادة عندهم .

    بالنسبة لصورة لمراحلك العمرية و لاحظت اغلب الناس فهمت غلط المقصود بصورة لمراحلك العمرية يعني مثلا لمن كان عمرك شهر و لما كان عمرك 8 شهور و لما كان عمرك سنة و سنتين و تلاتة و اربعة و خمسة و ستة ..... و هكذا حاولي انك توفري اكبر قدر من الصور لمراحلك العمرية و لاحظي معاي يا اختي الفاضلة ان الصور مو لازم تكون شخصية يعني صورة فوتوقراف او اي حاجة

    يعني انا جبت صوري لمن كان عمري شهر في الكافولة و لمن عمري تلاتة شهور منسدح في الصالة و لمن عمري 8 شهور على بحيرة تلج و لمن عمري سنة و انا جالس اكل سيريلاك و انا عمري سنتين باتحمم و انا عمري تلاتة سنين و انا في الملاهي و انا عمري اربعة سنين و انا مع اخويا لابسين كاوبوي و انا خمسة سنين و انا في الفصل في الروضة و انا ستة سنين و انا نايم و انا سبعة سنين في العيد

    زي كدا


    اتمنى الفكرة تكون واضحة .
    عفوا نسيت نقطة جواز الوالد بالنسبة لجواز الوالد بالإمكان يروح للجوازات و يطلب برنت اوت لآخر 20 او 30 او شوفي كم المدة اللي تحتاجيها عشان تكون فترة ميلادك متضمنة يعني لو كان عمرك 18 اطلبي برنت 20 سنة لو عمرك 22 اطلبي برنت 30 سنة اهم شي يبان في البرنت فيزا ابوكي اللي دخل فيها امريكا



    7 "
  9. السلام عليكم معليش اخوي
    حابه استفسر ادا ممكن عن زوجي

    هو عنده جواز امريكي ممكن اعرف هل يحتاج له تاشيره وi 20
    لأنه حيروح معايا مرافق
    وكيف يخرج من السعوديةبجواز امريكي او سعودي بليييز
    وانا اقدر اخد الجنسيه وكيف الطريقه

    زوجك و لا يراجع في السفارة معاكي نهائيا طالما انه معاه جواز سفر


    و لا يحتاج له تأشيرة و لا i20 و لا اي شي

    هل عمرك شفتي سعودي يكون عايش برى السعودية يبغاله تأشيرة عشان يرجع بلده ؟؟

    لا طبعا

    نفس الحالة زوجك امريكي و يحق له يرجع بلده وقت ما يحب

    و طبعا لازم تذكري في نماذج السفارة الـ Ds-116 و الـ Ds-118 <<< اعتقد كدا ارقامها

    في واحد من النموذجين حيسألك ازا في أحد من أقاربك مواطن او مقيم في امريكا فحتذكري انو زوجك أمريكي

    دا بالنسبة للشق الاول من سؤالك


    بالنسبة للشق التاني

    يطلع من السعودية بالسعودي و يدخلها بالسعودي


    و يدخل أمريكا بالأمريكي و يخرج منها بالامريكي

    في السعودية ينتبه لا يوري موظفي الجوازات جوازه الأمريكي

    لأن في بعض الحالات يسحبووه

    و هو يحاول يبين لهم ان كانو بيسحبووه انه مولود هناك و ما يعطوله تأشيرة و انهم يعطوله جواز و انه مجبور عليه و لا يبغاه << نقطة مهمة .

    نرجع و نقول يخرج من السعودية بالسعودي و يدخل أمريكا بالأمريكي و يخرج من أمريكا بالأمريكي و يدخل السعودية بالسعودي و دا نص القانون الدولي بعد الترجمه :

    بالنسبة لأصحاب الجنسيات المزدوجة ، فتفضل كل دولة أن يستعمل مواطنها جواز بلدها في الدخول و الخروج من هذه الدولة .

    ا.هـ.

    و عادي ترى ياما رحنا و جينا و لا سارت اي مشكلة بس أنا اعطيتك صورة واضحة

    بالنسبة للشق التالت من سؤالك ، بعد ما توصلو هناك راجعو أقرب مكتب دائرة هجرة و حتلقو الطلبات موجودة هناك بالنسبة ليكي عشان تحصلي على الجنسية الأمريكية و تراها سهلة جدا جدا جدا


    7 "
5 من 32 صفحة 5 من 32 ... 45610 ...
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.