محطة تجمع منتظرين الفيزا الأمريكية

طيب واللي يااخوان مبتعث في دوله عربيه وبيقدم ع فيزا بامريكا تطول ولا

شهر مبارك وكل عام وانتم بخير
انتظار 4 شهور ولاحياة لمن تنادي
الحمدلله على كل حال

شباب اللي ينتظرون من اسبوعين الى شهر
اذا بتفكرو في الفيزا كثييير
الله يكون بعونكم
اسبوعين الى شهرين هذا طبيعي

السلام عليكم ورحمة الله وبركاته ..وكل عام وأنتم بخير
الله يفرج هم المهمومين المنتظرين للفيزا الإمريكيه
أنا صار لي 15 يوم ومقابلتي كانت في الرياض شباك 9 عند الشقراء الله يكفينها شرها ويرد كيدها في نحرها
ياأخوان ياليت كل منتظر للفيزا وخصوصاً في الرياض يقول لنا على أي شباك كانت مقابلته عشان نحصر الموظفين اللي معقدين إصدار الفيز للمتقدمين ...وسلامتكم

والله موضوع الفيزا صار كابوس لبعض الطلاب والله يبي لنا حل والله يكون في عوننا جميعاً

وانا بتكلم عن تجربتنا في السفارة الامريكية في الرياض حي السفارات ثلاثة احنا انا وولد عمي واخوي

والتجربة كانت انا عند شباك 11 وولد عمي عند شباك 11 خلصنا خلال اقل من اسبوع

انا بيومين و ولد عمي خلص بعدي بثلاث ايام باقي اخوي الحين طول له شهر وكانت مقابلته

عند الرجال الي في شباك رقم 10 يعني وانا في وقت مقابلتي كانت كنت اسمع الاسئلة واجابت اخوي

بس هم معقدين واكتشفت انه شيء طبيعي يطولون شهر شهرين عادي الغير عادي صار

انهم يخلصون شخص خلال يومين والله نظامهم رفعت ضغط وقلت حيا لكن وكلامنا ما ينفع للأسف هنا..!!

جاررري الانتظار لاجدددديد

القروب اللي كان معاي كلهم راحو وخلوووني ^^ صرت مخضرمة ويا هالسفارة

دعوووووووووووواتكم *-* لأن بديت افقد الأمل واتحطم ولو زوجي مو هناك كان كملت في اوروبا وحقررتهم هم وفيزتهم

^^

ربي يكون في عونك ابارق يارب والله

انا شهرين صار لي ومررة قافلة وفي غيري اكثر واكثر

ربي يعين والله متى تنفرج علينا كلنا يارب

اسبوعين ويومين حتى اللآن ومازلت في الانتظار

يآآآآرب استجب دعائنا يآآرب
يآآرب يسر وسهل امور فيزتي وفيز اخواني واخواتي يآآآرب العالمين

بكمل المية يوم ولسه منتظرين
يارب يسر ولا تعسر

وآلله هآلسفآره جآلس تحـطم فينآ .. آبي آعرف وش هآلأجرآءآت دوله عُظمـه تآخد آجرآءآتهآ بهآلمُده ..

وآكثر آلي مقدمين مآعندهم سوآبق ولآ سفرآت يعني جوآزه نظيف وغير مشكوك فيه ..

مدري وش يسون بآلضبط تعبونآ وآلعُمـر يمشي .. آلكل رآسم مستقبله وهآلسفآره جآلسه تحـطم

آلله يفرجهآ علينآ ..