رد: محطة تجمع منتظرين الفيزا الأمريكية
السلام عليكم ورحمه الله وبركاته ....
انا قدمت في تاريخ 7 ماي وتمت الموافقه
وقال اسبوع وتطلع وماعطاني ولاشي وقلت له تطلع قبل الدراسه قال ايه مع العلم انه الدراسه 29 ماي
الحين 20 يوم لاحس وخبر ....
رسلت لهم رسال بعد اسبوع من المقابله قالو تحت الأجراءات الأداريه :(
وامس رسلت لهم رسال ماحد رد
اتمنى التوفق لكم كلكم يارب ولاتنسون الدعاء ...
رد: محطة تجمع منتظرين الفيزا الأمريكية
الله يعينك .. اصبر ولعلها اليوم او بكرة تجيك .. وبالنسبة للدراسة راسل المعهد لو تأخرت الفيزة وخلهم يأجلون دراستك شهر او شهرين الموضوع عادي وهم عارفين سالفة الفيزة
الله يفرجها عليك وعلينا وعلى الجميع
رد: محطة تجمع منتظرين الفيزا الأمريكية
الله يوفقكم ويعينكم ويسهل اموركم يارب
الله يعجل بفيزكم كلكم إن شاء الله
انا مادري على ايش كل هالتأخير وليه ناس تطلع بيوم ويومين واسبوع وناس بالاشهر مايطلع له شي
انا مقدم على فيزة سائح وتقديمي قريب لكن مادريت ان المسألة تطول مرة وكنت حاجز طيران بتاريخ اليوم الساعة 4 الفجر تقريباً
وكانت مقابلتي بتاريخ 13 مايو وقالت لي إن شاء الله فيزتك بتطلع قبل تاريخ سفرك واخذت الجواز وعطتني الورقة الصفراء ومحددة على آخر خيار وهو يخضع طلبك للإجراءات الإدارية وقد يطلب منك معلومات إضافية في وقت لاحق وقد يستغرق طلبك 2-4 أسابيع أو أكثر لإتمام هه الإجراءات
حتى اليوم ماجاني شي ولا اتصلو ولا قالوا لي شي وموقع فيدكس كل مادخلت عليه يقولون ماجانا شي
الغيت حجزي والله يعين على أقرب حجز احصله لكن مانويت احجز إلا بعد ماتكون التأشيرة بيدي من بعد ماشفت معاناة الاخوان
الله يعين بس
رد: محطة تجمع منتظرين الفيزا الأمريكية
آخوي مثلك ومقابلتنا كانت قبلك بيوم 12-ماي
فيزتي طلعت وهو للان
رد: محطة تجمع منتظرين الفيزا الأمريكية
الله يوفق الجميع بإذن الله
ايه اختي هذي هي طريقتهم النساء والأطفال ماتطول تأشيراتهم تطلع بسرعة وبدون تدقيق
أما الرجل تطول تأشيرته وتاخذ أكثر من اللازم
مانقول إلا الله يسهل للجميع يارب وتطلع فيزة اخوك إن شاء الله وتروحون من غير تعطيل بإذن الله
رد: محطة تجمع منتظرين الفيزا الأمريكية
الحمد الله انا قدمت على الفيزا في تاريخ 25 مارس ووصلتني في تاريخ 15 ماي يعني 50 يوم انتظار تقريباً
وقريت كذا رد في الموضوع اخذت فيزته نفس المده ,, الله يعينكم وان شاء الله توصلكم في اقرب وقت.. بالتوفيق
رد: محطة تجمع منتظرين الفيزا الأمريكية
لا تكفى لاتحطمنا خمسين يوم يعني جا رمضان ولا يمدي على الرحلة
انت كلامك سليم كثير اللي اخذوها بحدود الخمسين يوم لكن برضو كثير اللي اخذوها خلال اسبوعين واسبوع
لاتكسر مجاديفنا الله يرضى عليك ويوفقك بدراستك ياباش مهندس
إن شاء الله الله يسهل كل متعثر ويرفع الظلم عن كل مظلوم ويرزقنا جميع آمين
رد: محطة تجمع منتظرين الفيزا الأمريكية
و ايش رأيكم باللي وصل ١٣٠ يوم D:
فيه مجال تطلع له و إلاّ يسحب على امريكا و أمها ،،
اقول احد ارسل للسفارة قريب و ردوا عليه ؟
شكلهم والله العالم بيسحبوا علينا :(
رد: محطة تجمع منتظرين الفيزا الأمريكية
130 يوم :(
انا ارسلت لهم يوم الاربعاء ولا ردو علي وارسلت لهم من شوي رسالة ثانية وبشوف وش يسوون
ماعتقد يردون انا بديت أقلق لكن أملي بالله كبير
يعين الله
رد: محطة تجمع منتظرين الفيزا الأمريكية
اقتباس:
المشاركة الأصلية كتبت بواسطة أنا سائح
لا تكفى لاتحطمنا خمسين يوم يعني جا رمضان ولا يمدي على الرحلة
اقتباس:
المشاركة الأصلية كتبت بواسطة أنا سائح
انت كلامك سليم كثير اللي اخذوها بحدود الخمسين يوم لكن برضو كثير اللي اخذوها خلال اسبوعين واسبوع
لاتكسر مجاديفنا الله يرضى عليك ويوفقك بدراستك ياباش مهندس
إن شاء الله الله يسهل كل متعثر ويرفع الظلم عن كل مظلوم ويرزقنا جميع آمين
صدقت فيه ناس كثير اخذوها في اسبوعين وثنين من اصدقائي اخذوها في 3 ايام بس ردي كان تحديث للموضوع موب شرط ينطبق على الكل
ماعاش من يحطمك والله ;) وبالعكس تفائل وان شاء الله تجيك في وقت بدري والله يوفقك ان شاء الله