محطة تجمع منتظرين الفيزا الأمريكية

موجودين ولكن كالعادة لاجديد

- - - مشاركة محدثة - - -

طيب في احد سألهم في تويتر او الفيس بوك وخذ جواب عن فيزته

تكفى اسألهم عن اللي متاخرين في الاجراءات اشيسون كيف يطلبون تعجيل وله اسدح لنا عنوانهم في تويتر

يعني هقوتك اننا من المغضوب عليهم؟؟
وبعدين ماخليت عنهم شي علشان اقنعهم اني ابرجع لديرتي جبت لهم خطاب من العمل وقلت لهم ان عيالي جالسين هنا ماراح يسافرون معي يعني لازم ارجع لهم ولا ابهاجر واخليهم بعد !! لا وفيه صورة ولدي معي بالجواز بعد وقلت لهم اني انا المسئول عن امي علشان يقتنعون اني لازم ارجع وش يبون اكثر من كذا؟
أنت أسبابك قوية وهي المهمة واللي غالباً تكون موجودة عند الناس ، اللي هي عندك عائلة لآزم ترجع لهم وكذلك عندك دوام ووظيفة مرتبط فيها ..
وأنا كذلك نفس الشيء لكن ما أدري ليش هالتعقيدات منهم ، عموماً أنا أعيد دام تمت الموافقة والقبول بالتأشيرة خلآص الواحد المفروض يتطمن حتى لو تأخرت تأشيرتة يعني فقط مسألة وقت وتوصلة سواءً طالت المدة أم لا .
وانت ماقلت لي ياخوي كم اخذت وقت فيزتك ؟ وكم يوم احتجت علشان يرجعون جوازك لك؟
بخصوص كم يوم ورجع لي الجواز ، ناسي بالضبط لآن هالكلآم بأواخر 2010 لكن أظن كلها من أرسالي الآيميل لهم إلى أن تم خروج الجواز من السفارة أخذت تقريباً يومين إلى خمسة أيام تقريباً هذا ماتجود به الذاكرة ، كذلك أذكر في موقعهم كاتبين لأعادة الجواز بياخذ تقريباً 3 أو 5 أيام عمل < لاتعتمد على عدد الأيام بالضبط لكن هي تقريباً كذا بهالحدود
وهل اذا سحبت الجواز منهم تستمر اجراءات التأشيرة؟ وإذا كانت تستمر هل فيه وقت محدد لازم ارسل لهم الجواز ولا تروح علي؟
إذا أسترجعت الجواز نعم أجرائات تأشيرتك تكون مستمرة والا كان من أول نصحتك ما تسحب الجواز يوم سئلتني عن طريقة سحب الجواز ..
وأصلاً هم مرات يطلبون من المتقدمين ياخذون جوازاتهم بعد المقابلة ويقولون لهم إذا أنتهت التأشيرة بنرسل لك إيميل عشان ترسل لنا جوازك نطبع لك التأشيرة فهي هي يعني الأجرائات تكون ماشية .
أنت إذا سحبت جوازك وخلصت منه بعدين .. أرسله للسفارة وخله عندهم متى ما خلصت التأشيرة بيرسلون لك رسالة فيدكس ..
الزبدة أهم شيء أن طلب التأشيرة يكون مستمر وما يلغى نهائياً مثل السفارة الكندية تلغي الطلب إذا تم سحب الجواز حسب كلآم شخص لي بينما أغلب السفارات لا الحمدلله .
يعني لو مثلاً خلصت الفيزا وانا مسافر ولا راح ارجع إلا بعد شهر ونصف أو أكثر هل ينتظروني ارجع ولا تروح علي الفيزا؟؟
لا ما تروح عليك التأشيرة ،أنا طوووولت ما أرسلت جوازي لهم قلت ينتظرون والا بكيفهم وهذا كان سبب من أسباب تأخير فيزتي لأني ما سلمتهم طلباتهم بسرعة الجواز وورقة خلو السوابق حسبي الله عليهم هم وطلباتهم المعقدة عقدوني
والسؤال الأخير ماتلاحظ اني اسألك وكأنك القنصل الأمريكي هههههههههههههه لالا الاسئلة هذي موجهة لك ولغيرك من اللي يعرفون الاجابات وماقصرت وانا اخوك
وبعدين وش حسابهم بالتويتر والفيسبوك وهل يقبلون الاسئلة بالعربي؟ لأني بالانجليزي اعرف اقرا وافهم بس لكن ماعرف اكتب واخذ واعطي بالانجليزي ..
أشوف بعضهم يكتبون بالعربي وترد عليهم السفارة عادي
تفضل الرابط
https://twitter.com/#!/USEmbassyRiyadh
اخت معيدة انتي للحين تنتظرين؟؟ انا وانا مالي ثلاث اسابيع مليت والله انك معذورة انتي والاخوان اللي ايامهم وصلت إلى ثلاث ارقام الله يعين بس
وروحين بنبض واحد الله يعينك وصلت 135 يوم وانت رايح معك عائلة اجل انا اللي رايح لحالي كم ابنتظر الله يعين بس

ادري بتقولون ياكثر كلامه والله هذا مو من طبعي بس قهروني

مشكور اخوي عبادي ....كنت بكتب له في اسباب معينة للتاخير لاكثر من 3 شهور وله المسألة حظ وصدفة بس غيرت رايي في الاخير ....والقهر يقولون السفر لامريكا اسهل مماتتوقع كنت برررد وبقول لاياشيخ والدليل ان العالم تنتظر بالشهور ماتدري متى يسافرون قالي اسهل قال

- - - مشاركة محدثة - - -

مشكور اخوي عبادي ....كنت بكتب له في اسباب معينة للتاخير لاكثر من 3 شهور وله المسألة حظ وصدفة بس غيرت رايي في الاخير ....والقهر يقولون السفر لامريكا اسهل مماتتوقع كنت برررد وبقول لاياشيخ والدليل ان العالم تنتظر بالشهور ماتدري متى يسافرون قالي اسهل قال