محطة تجمع منتظرين الفيزا الأمريكية

والله النفسيه زفت

و باقي 12 يوم على رحلتي

و الفيزا لاحس ولاخبر

الله يسهل الامور

طيب ياجماعة ليه ماتسووا حركة ذكية فيهم

انا قرات قبل اسبوع موضوع لعضو في ملتقى امريكا انه طلب جوازو بدون مايقولهم اني ابغى الغي

واعطوه فرجع سالهم قالهم هل طلبي للان مستمر قالوا ايوا

المشكلة اني ناسية عنوان الموضوع واسم العضو

بس حاولوا تجربوا طرق ذكية بلكن تلاقوا الفيزا مطبوعة او شي

الله يسهل امرنا وامركم يااارب

حلوووو مرررة
الف مبروووك للي استلم الفيزا

وعقبالنا ياللي ما استلمناها

وعاادي يا شباب الوضع تروووا عادي وايزي

كلها تبطااح وتسداااح بالبيت لا شغل ولا مشغلة

يعني تعلموا الصبر يا ناااس

ولد عمي انتظرها 213 يوم وجاته وطلع
والحين اموره تمام من سنة تقريبا

وانا انتظرها من تاريخ 27 / 12 / 2010
يعني امممممم تقريبا 120 يوووم
<<<< باقي بدري يعني اتوقع باقي لها حدود شهرين وا شهرين ونصف

الله يوفق الجميع وان شاء الله تجي فيزكم بسرعة

مع العلم اني اعرف واحد جات فيزته خلال يومين بس

والله ياخي مو ناقصين نضيع وقت اكثر !

يعني أأجل وقت دراستي بس عشان حضرت الفيزا الزفت

انا لي سنه متخرج يعني ضاعت علي سنه وحده و ماني ناقص اضيع على عمري سنه ثانيه .. !

صادق يا بونعيم انا راحت علي كلية الجبيل الصناعية وهذا انا بتنتهي السنة ولا سار شي وما ابغى اضيع وقتي بصراحة والله ما ادري وش اسوي وخلك من كذا المشكلة لاجات عطلة وتبي تسافرلك يومين مع الشباب ما يمديك تخاف تسحب جوازك ويلطعونا مرة ثانية . استغفر الله العظيم يارب

يبووو نعيم عادي وانا اخوك
ترى الوضع ما يستاهل
والعمر قدامك وانا اخوك
اللي مكتوب لك بيصير لك غصب عني وعنك وعن الامريكان وفيزتهم
ولو كتب لنا الله عمر درسنا وكملنا دراسات عليا وكملنا دكتوراه وعوضنا عما فات

واذا كان همك التاجيل فعااادي وانا اخوك انا اجلت مرتين والحين افكر اطلب التاجيل مرة ثالثة
لان الدراسة قربة باقي عليها حول 20 يووووم


اذكر ربك وربك بيفرجها

والله يوفقنا واياكم ان شاء الله

انا كنت ادرس في جامعة الملك فيصل السنه التحضيريه .. لكن الوالد كان يبيني اسافر ..

و وقفت قيد عشان ارتب اموري .. الحمد لله عدا السمستر الاول وانا موقف قيد .. و سويت موعد للمقابله في السفاره .. و فيه رجال قالي حاول تاخذ الاوراق منها صورة و خذ معك الاصل .. و رحت سويت اخلاء الطرف من الجامعه

وانا الحين جالس بلووشي ..

واحد من جماعتنا مقدم على السفاره في الظهران و طلعت له خلال اسبوعين .. و هو مخبص في المقابله ماعرف وش يقول و شف كيف الله سهل له اموره ..

بس ولله الحمد فيه اخبار توسع الصدر .. الي هي الزعيم في كل مباراه يفوز ولله الحمد ..

صادق .. الي الله كاتبه بـ يصير بس لزم يكون فيه حل لهذه المشكله

يعني الحل ليس بـ التأجيل .. تلقى الموظف مايبي يمشي اوراقك يخليها تخيس عنده ولايمشيها ..

وانت كل شوي تأجل موعد دراستك !!

مرحبا

انا اليوم السفارة ارسلتلي رساله عن تاريخ سفريات المرافق فين سافر وأي سنه ايش معنى سؤالهم يعني قربت الفيزا تطلع ؟؟؟

والله ياخوي .. مقدر اقولك كلام و يطلع كلامي غلط

الشباب ان شاء الله يردون عليك و مايقصرون