محطة تجمع منتظرين الفيزا الأمريكية

ايش النظام الجديد انا مرافقي له 5 شهور وكنت معزمه بعد العيد احول على كندا بس ايش النظام الجديد ؟؟؟

السلام عليكم ورحمة الله وبركاته
الموضوع باختصار قدمت على فيزا دراسية قبل ثلاث شهور والمقابلة كانت ممتازة وكانت الموظفة مبتسمة معاي واسألتي كم سوال وقالت لي فيزتك مقبولة ورح تاخذ من 3-8 واستغربت انها رجعت لي الجواز سالتها ليش قالت بنتواصل معاك وبنقولك تجيبه عن طريف الفيدكس والحين مر على المقابلة اكثر من شهرين يعني اكثر من 8 اسابيع ولا حس ولا خبر وما بقا على موعد دراستي شي تقريبا اقل من 25 يوم وحجزت طيران وكل شي قبل على اساس انها ما بتطول كل هذي المدة والحين انا متوتر وخايف انه التذكرة وموعد الدراسة يطوف وانا ما عندي الفيزا فأيش الحل الحين وهل احد صار له اوو لاحد يعرفه مثل هالتأخير ووش سوا ؟؟

87 يوم بدون اي تحديث لو بس تحديث .. حسبي الله ونعم الوكيل

افكر اغير الدولة ..او اني اسحب جوازي واقدم مقابلة للمره الثالثة واكلمهم عن اسباب التأخير ي يعطوني فيزا والا بلاش م وقفت عليهم


افكر بكندا كثييييييييييييييييييييييييييييييييييير


الله يعين

^^^
والله انا مثلك حاليا افكر بكندا بقوة...
فرضا لو طلعت على كندا فترة الانجلش وقدمت على الفيزا الامريكية من هناك تتوقعون يفرق الوضع او لا ؟

ماتوقع يفرق لانك اصلا انت تحت الاجراءات الادارية ..

الحل ي تكمل بكندا وبلاش زقاقة الامريكان او تدرس اللغة بكندا ومتى م طلعت الفيزا حول ع امريكا

السلام عليكم اخواني اعضااء المحطة
انا الحمد لله بعد انتظار 170 يوم عطوني الفيزا طبعا مع الاهل
اول شي لاحد يياس وثق ثقه تامه ان التاخير في خير لك انا لعلمكم كنت ادرس لغه بامريكا وانتهى عندي الايتوني وانا بامريكا وجلست 10 ايام بعد الشهرين لاحد يلوم على لاني ماكنت اعرف النظام والمعهد مابلغني وبالاخير قال مسوليتك طبعا المعهد كان مسجلني على الكشوف بعد الانتهاء وكان ياخذ الفلوس من الملحقية وساكت عني يوم جيت ابي احول قالوا انت مخالف للنظام عموما اخذت نصيبي وتاخرت حوالي 6 شهور لاحد يلوم لانها كلها من ربي وتكنسلت الفيزا علشان الايتوني وقالوا لي طلع فيزا جديدة وغيره وحجزت اول مارجعت وبديت الاجراءات بشهر يناير
المهم يوم المقابله عطيتهم اللي يثبت اني مداوم وغيرها ضحك القنصل وقال اجراءات وفيزتك بعد اسبوعين بجيبك او بمخباتك ويوم وشهر ولاحس ولا خبر ولاتحديث ومثل منتم عارفين احداث بوسطن وغيرها اتوقع هي السبب في تاخير معظم فيزنا
اللي ابي اقوله انا كلمت عدة مكاتب واحد منهم قالي اذا تاخرت عليك الفيزا بالغالب معناها رفض وانا الان اقول اذا تاخرت معناها قبول لاحد ياخذ بكلام المكاتب اللي يبي العلم الاكيد اخر كلام القنصل وهو ياخذ جوازك هو الاكيد ولو طال الوقت وتاكدوا من التحديثات ترا اذا جت معناها فيزتك بالطريق

والله ييسر فيزكم جميعا وعليكم بالدعاء وان شاء الله اموركم بتزين
ملاحظة لاحد يطفش ويسحب جوازه واللي يبي يسحب جوازه يخليه تحت الاجراءات ويكتب لهم انه يبي يقدم على دراسه بكندا او استراليا لعل وعسى يحسون وتراها ماتاثر على وضعك بالاجراءات بل ممكن تسرع العملية وخلك صريح معاهم انك مليت من اجراءاتهم انا كذا مره احسسهم اني متضايق وعادي مشت الامور والحمد لله

كلامك عين العقل اتوقع والله اعلم

الف الف مبروووووووووك اخوي على صدور الفيزا وعقبال البقية ..

وكلامك في محله واوفقك الرأي .. رجع لي التفاؤل من جديد .. وتفاؤل بالخير تجدوهه

ولكن ي اخي انا مقدم من 3 شهور والجواز عندهم بالسفارة لكن تحولت للاجراءات الاداربة بناءً على كلام الموظف انه تحتاج وقت ..

ومازلت ولله الحمد متفائل انه قريب راح تصدر .. خصوصاً انه حصل تحديثات كثيره للمنتظرين ولله الحمد وهذي بادرة خير باذن الله

وممكن زي ماقولت السفارة ناوية تمشي المعلقين علشان النظام الجديد واتمنى يكون صحبح ومايجي الاسبوع القادم الا وفيزالمنتظرين بين ايديهم

ولكن عندي سؤال لو تكرمت ؟
هل تتوقع كثرة الايميلات تتحسسهم بالملل
انا ياكثر م ارسلهم ولكن اخاطبهم بلطف .. وبالاخير اجراءات ادارية

ولكن طفح الكيل ي رجل وماعاد الحين في اسلوب لطيف .. معاهم اسبوعين او 3 وبعدها يبدا الاسلوب الجاف ولعل وعسى ينفع معاهم كذا


بالتوفيق ويارب تفرج همنا ..

الف شكر لك اخي العزيز ..

كثرة الايميلات ما تفرق ابدا لان كل يوم يجيهم الف ايميل ولا اتوقع يركزون من اللي ارسل او يحفظونه و فيه موظفين وظيفتهم الايميل يعني لا تتوقع كلامك بيسوي شيء الا بحالة وحدة بس انك تكتب كلام قوي و يأثر حق الايميل و وقتها يرسل هالكلام لواشنطن هذا اللي صار معي بالتحديث الاول كتبت كلام طويل و قوي و بعدها بكم يوم جاني تحديث ثم بعد اسبوعين تحديث ثاني و اليوم ما صار شيء طبعا هالكلام قبل ثلاث شهور

يارب فرجك لكل المنتظرين
يارب ياكريم