محطة تجمع منتظرين الفيزا الأمريكية

القصة انه انا من اهل جدة ووسويت المقابلة في الرياض لان جدة مافيها مواعيد وكنت مستعجل لان دراستي تبدأ 7 ماي
يوم المقابلة كان يوم 2 ابريل
توكلت على الله وسافرت يوم 1 وكان المفروض ان اقعد عند خالي هو دكتور في التخصصي المهم
خالي مارد علي وما كان يعرف اني في الرياض فكلمت واحد صاحبي وجلسنا نتمشى قلت لين ما يتصل خالي
المهم ما اتصل وانا منهك ابغا انام فخلاص قلت اشوف لي فندق وبكرة بعد السفارة اسلم عليه
شوي يتصل بي واحد من خواياني يطلبني طلبه . قلت هاه اش تبغى
قال ابيك تشتري لي غرض واحسابك لما تجي
خير يبو الشباب قال اهم شي احلفك ما تردني
يا ابني قول وخلصنا
احلف
المهم هو صراحة عزيز علي وقلت ما ارده
هاه والله ما اردك
قالي ابيك تشتري لي كلب صغير في واحد من اهل الرياض هذا رقمه خذ قابله واشتري لي هالجرو
#%&*# *_*
خييييير ؟
يبن الحلال انا قلت ايباد شي من مول كلللب مرة وحدة
قالي صغير مرة رحمة المهم ما ادري الا وانا بالفندق ومعاي هالكلب
لا خلاني انام وجاب العيد في الهوتيل الحمدلله اني اخذت غرفة وصالة سبت له الغرفة وجالس بالصالة
وبعد هالليلة الكئيبة
يتصل خالي عالفجر يعتذر وانه كان مشغول جدا في المستشفى وما انتبه الا الفجر امي راسلتله رساله
قلت له عادي
قالي وين ساكن انا بوديك للسفارة
قلت له طيب اوراقي كاملة بس ابغا اصور جوازي
مر علي ورحنا المستشفى وصور جوازي ومشينا للسفارة الساعة الان 7:45
وموعدي 8:00 كل شي تمام
المهم جلست اتاكد من اوراقي وانا معاه
فجاة الجواز ما هو موجود ؟؟؟
الجواز؟ وين الجواز ؟
اتريه نسيناه في مكينة التصوير بمكتب خالي بالمستشفى
يا اللــــــــــــــه
خالي يقول هدي انت انا اروح واجيبه لك انت امسك سرى 10 دقايق واكون عندك
شوي 10 دقايق يتصل خالي يقول تعال خذ مفتاح المكتب انا سويت حادث شف انا في المكان الفلاني
وجلس يوصف لي المكان وانا خلاص اعصابي انشدت عل الاخر
رحت لقيت خالي سامح الرجال والسيارة تمشي مع بعض الاصوات المهم اخذت الجواز وركبت تاكسي وعالسفارة
الساعة الان 8:40
وصلت السفارة ومسكت سرى وصلت للباب 9:00
ودخلت وسويت مقابلتي مع شباك 7 وكلمته انجليزي وقالي مبروك بورقة صفراء
خرجت ابارك لخالي وتغدينا وحاول يجيبني للبيت طبعا انا قلت له لازم امشي رحلتي وما رحلتي كله عشان الكلب لا يفضحني مع اهلي
رحت للفندق مسكين قطع قلبي هالجرو اكنه يبكي يقولي وينك وش صار لك اهم شي انك بخير
الحاصل رجعت لجدة ورميه في وجه خويي في المطار
ايوة صح
خالي لما وصلني للفندق نسيت مفتاح غرفة الهوتيل عنده فقلت له ارجع لي
ورجع لي وهو رايح شوي كذا يتصل بي
يقول بنشر علي الكفر ويضحك
وفي نفسه يقولي**** وجهك يا نحس

ههههههههههههههه والله ياهي قصة , لكن الحمدلله تهون مادامها طلعت الفيزا والله يوفقك ان شاء الله.
شباك سبعة شكله نحس هو اللي عمل المقابلة معنا, المشكلة زوجي كان يتكلم انجليزي وهو يسأل بالعرب, كان حبوب صراحة ولا طول بالاسئلة , فقط سأل عن لماذا سوف نسافر الى امريكا والى اين فقط. ولا سأل عن اي شيء ثاني, لكن فيزة زوجي الى يومك ماطلعت,

لكن اخوي متى تاريخ السفر اللي حددت في الطلب. وكم المدة اللي قالك المقابل لاصدار الفيزة, وهل كتب في الورقة الصفراء, كم سوف تستغرق

والله يسهل امورك ويوفقك في الدنيا والاخرى

اااامين والله يبارك فيكي ويسهل امر فيزة زوجك وتطلع لكم باقرب فرصة يارب
انا كان سفري 7 ماي لكن بسببهم اظطريت ااجل لفال سمستر اللي هو بالنسبة لي 25 اغسطس
واللي يوافق 7 شوال يعني جات خيرة اني الحق لي حبتين سمبوسة
والورقة الصفراء ما قريتها بس كان فيها انه الدراسة في الخارج ومعاها سي دي قوانين وانظمة
وبالنسبة للرجال اللي بشباك 7 والله انا اشوفه محترم واسئلته قليلة
وكان يمدح في درجاتي وتخصصي
وحتى المدينه قالي nice plase فقلت له city of champions
فضحك
كانت المقابلة بالنسبة لي ولا اروع
حتى بالاخير بعد ما بصمت قالي بالعربي اوكي عمر كل شي كويس
الحمدلله
عقبال زوجك يارب ويتسهل امركم وامر كل سامع
انه على كل شي قدير

ياليت تشرفوني يامنتظرين الفيزا الأمريكيه وتردوا على موضوعي وكلماتي بخصوص انتظار الفيزا ......


http://www.mbt3th.us/vb/forum8/threa...post1061891161

فيزة زوجتي طلعت من يناير ٢٠١٢ يعني كملت ٤ شهور وما قد طلعنا هل تلغى الفيزا ؟؟؟؟
ارسلت زوجتي لهم مسج بالايميل و هذا نصه :


Dear Sir ,



My F1 visa is issued in Jan 2012 , and I planned to study in 7 May 2012

but now, I plan to study in 4th of Sept 2012 ..



Am I need to renew my visa or no ?

( I order new I-20 with the same SEVIS number )



thanks,






وهذا ردهم بس ما فهمنا هل نحتاج نجدد فيزتها و تسوي مقابلة جديدة او لا :

1. You have new valid I-20 and activated SEVIS.
2. You didn’t stay outside the US for 5 months or more. This one concerns you, if you stay in the with the visa, you have to reapply with new I-20 and sevi.

مرحبا يا الحبيب .. اللي أعرفه أن اللي كان بأمريكا ثم رجع للسعودية لأي سبب وجلس أكثر من 5 أشهر وهو خارج أمريكا يجب عليه اصدار فيزة جديدة .. لكن اللي فهمته من وضعكم أنكم مارحتوا بعد ومن ردهم يبدو لي أن المطلوب أنكم تطلبون من المعهد اللي انتم بتدرسون فيه يفعلون لكم السيفس قبل سفركم حتى يُسمح لكم الامقريشن بالمطار من الدخول بلا مشاكل .. وهي بسيطة كلها ضغطة زر من مسئول الطلاب الدوليين لكن لازم انتم تراسلونهم قبل سفركم أقل شئ اسبوعين أو 10يام .. وربنا يسهل علينا وعليكم

لا اله الا الله .. محمدا رسول الله


سبحان الله وبحمده


سبحان الله العظيم

السلام عليكم ,

((( مالكم حس ))). شكل اليأس بدأ يطغى


اكاد اجزم بأن الجميع في تلهف لرؤية ردود جديده تحمل بصيص امل .


شيكوا ع موقع فيديكس وبشرونا . ترى اليوم بداية اصدار فيز لهذا الاسبوع وغد ا بداية الاستلام لهذا الاسبوع .


اللهم يسر وسهل واجعلنا ومن يشاركنا همومنا هنا في المنتدى ممن ترزقهم الفيز هذا الاسبوع وتكتب لهم طريق موفق يا حي يا قيوم .

اللهم امين


انا عملت مقابلتي يوم 18 ابريل

وقالو مبرووك

واليوم 19 / 5
وما وصل شي

سجل واحد منتظر 32 يوم

ياارب يسرها

في كلا الحالتين ، فالردود صداها إيجابيه :

ان كان الرد يشير الى اصدار الفيزا قد يعطي الاخرين أملا بقرب صدور فيزهم .

وان كان الرد غير ذلك ( انتظار ) فذلك يواسي البعض ممن هم على قائمة الانتظار .


اللهم لا تحرم من يشاركنا همومنا ... التوفيق والنجاح أينما تكون وجهته .