محطة تجمع منتظرين الفيزا الأمريكية

موقع السفارة الامريكية يقول ان الاجراءات الادارية تاخذ 60 يوم وايضا مكتوب ان على المتقدم ان يتواصل مع السفارة في حال ناخر الفيزا لاكثر من 90 يوم

للان فيزة آخوي لها 17 يوم

مبروك للي آٍستلمو آلفيز

بسآلكم آللحين لو استلمتها قبل الدراسه باسبوعين مثلا يمديني ارتب اموري ؟ ولا آسوي تاجيل

لاني انا متقضيه وخالصه يعني ودراستي تبدا بعد شهر ونص بالضبط

^
^

يمديك قبل اسبوعين يمديك .. هي مجرد حجز طيران ,, بالذات اذا كانت لغه يمديك ان شاء الله لو قبل الموعد بيوم

بالتوفيق ان شاء الله

مرحبا انا فيزتي الحمدلله مااخذت الاثلاث ايام وهي طالعه بس فيزة الوالد لي للحين شهر وماطلعت ومرة ضايق صدري .. ودي ابدا اجراءات ادور السكن وغيره! السياحيه كم تاخذ؟ لانو اذا ماطلعت حقته بتتعطل اموري من جد! مع العلم مالزقوا لاورقة خضرا ولاصفرا ولاشي .. ارسلت لهم ايميل اليوم ومابعد يجيني رد! وش رايكم!

مافي فترة محددة لان ملفه ارسل للاجراءت الادارية

انا مليت وانغثيت والله يقلعهم ويقلع ديرتهم مابيهم لابوهم لابو السفر كله
اليوم اتصلت عليهم ويرد علي الزول ابو نفس شينة وجلد مروح واقول له ابي استفسر يقول لي ارسل ايميل
قلت له لي اسبوع ارسل ولا يجيني رد
قال لي ارسل ايميل
قلت له لي اسبوع وانا ارسل ولا يجيني رد
قال لي ارسل ايميل
قلت له طيب مافيه طريقة ثانية؟
قال لي ارسل ايميل
قلت له طيب الايميل ماينفع ابي غيره
قال لي ارسل ايميل
قلت له شكلك معلق يا أخ
قال لي ارسل ايميل
وانا اسكرها بوجهه
وكني اسمعه من ورا السماعة يقول لي ارسل ايميل

حسبي الله عليهم وعلى ساعتهم انا كنت ابروح لامريكا ازور اختي هناك واشوف الديرة وارجعها معي
لكن الحين خلاص قفلت ولا ابيهم لاهم ولا ديرتهم ذلونا كأننا بندخل الجنة موب امريكا
حتى لو جت الفيزا ماراح اروح لهم يكفينا مذلة منهم وحنا بديرتنا نروح لهم هناك علشان نكملها بعد
فكونا بس
الحين كيف الطريقة اني ارسترجع جوازي منهم؟؟ أرجو ممن لديه طريقة اخباري بها عاجلاً حتى يتم اتخاذ الاجراءات اللازمة
لأني اببدأ اجراءات الفيزا البريطانية والله يعين

ياخوي دام ماوراك لا دراسه ولا شئ اصبر مصيرها تجيك

وش نقول حنا اللي تعطلت امورنا ولا ندري نحضر لسفرتنا ولا لا

Dear Applicant,

Your visa is still undergoing administrative processing, which is a necessary and unpredictable part of every visa application therefore you may send an email after 2-3 weeks to follow-up on your case.


Thank you,
Consular Section
Embassy of the United States of America
Riyadh, Saudi Arabia
fsf




رد سقيم جداً جداً جداً !

حسبنا الله ، إنّا إلى ربنا راغبون
حسبنا الله ، إنّا إلى ربنا راغبون
حسبنا الله ، إنّا إلى ربنا راغبون

هههههههههههههه معليش يا أخ انا سائح أسمحلي اضحك شويه

خخخخخخخخخخخ والله الزول هذا ضحكني ........... شكلها ماسكه معاه غلط على كلمة ارسل إيميل ........واللي ضحكتني أكثر انك حتى بعد ماقفلت السماعه كمان تسمعه يقول ارسل إيميل
ههههههههه

يمين الله أطرف رد قريته من يوم ما تكيت في المحطه هذي وانا منتظره فيزة المرافق اللي لها فوق الشهرين مو راضيه تطلع ........ انت ايش اللي قاهرك خلاص طنشهم وامسحها بوجهي المره هذي وانت مو خسران شي
خلي الجواز ووقت ماتطلع تطلع .......ايش تقول عليه وانا متوقفه دراستي ومستقبلي حتى الوظيفه احتمال اخسرها بسبب فيزة المرافق وقاعده اضحك كمان

اتفل الشيطان ولا تاخد الجواز ولا شي ...... ووقت ماتجي تجي

ولا وصلت هناك سلملي معاك على أمريكا وعلى جامعة كاليفورنيا اللي شكلي ماحوصلها


الله يفتحها بوجه الجميع .......والله يتعبهم زي ماتعبونا .......


تقبلوا تحياتي ...

صحيح ماوراي دراسة ولا شي بس برضو وراي تجهيز وحجوزات واذا جت الفيزا على قدوم رمضان وش الفايدة منها ماراح اروح برمضان
وانتم فعلاً وضعكم أصعب لأنكم مرتبطين بجامعات ودراسات الله يعينكم ويوفقكم
موفقين يارب