محطة تجمع منتظرين الفيزا الأمريكية

انا قلقانه لانو سفرتي بعد اسبوعين وابغى اتجهز

شوفي أختي الكريمة .. والله لو القلق نفع كان نفعني أنا وبقية المنتظرين .. لكن ما شفنا منه الا التعب ..
لذا حاولي انك ترتبي أغراضك اللي هنا ولا مانع من التنسيق للي بأمريكا .. وأحب افرحك وأقول لك أن أمريكا أمرها سهل بمجرد انتهاء فيزتك أطرحي استفسارك عن مكان دراستك او اللي بتروحين له بأمريكا وراح تلقين اللي يساعدك هناك بأمريكا .. الأخوة والأخوات فيهم الخير والبركة وصدقيني انهم يفرحون بمساعدة أي واحد .. وأنا أبي أخفف عليك من التوتر والقلق ..
ووكلي أمرك لله وكل شيء بتدبير من الخالق ..
واسأله أن يسهل أمرك وأمري وأمر كل منتظر وأن يفرجها علينا عاجلا غير آجل

اخواني و اخواتي ما رأيكم ننشئ قروب بالفيس بوك لحصر المنتظرين ومنها للفت انتباه السفارة الامريكية ، هل تأيدون وجهة نظري ؟
بصراحة تعاملهم استحقار لنا و عدم احترامهم لوقتنا و ظروفنا ، كاتبين في موقعهم من شهر لثلاث شهور اقصى مدة انتظار ، و الأغلب هنا تجاوز ٩٠ يوم

بانتظار اقتراحاتكم ووجهة نظركم

يااخوي لاتتعب نفسك قروبات فيسبوك لا تقدم ولا تأخر وكما ذكرت اكثر من مرة ان السفارة تؤدي وظيفتها على اكمل وجه وتصدر في الفيز في اسرع وقت ممكن ولكن المشكلة تقع في دائرة الهجرة والجنسية الامريكية وهذه المشكلة تؤثر على جميع المقدميين للفيزا من جميع انحاء العالم وليسا فقط المقدميين من السعودية بعني المشكلة في ادارتهم الداخلية والضغط الشديد في المعاملات سواء فيز او غيرها

واعتقد ان اغلب الفيز تصدر في فترة معقولة و الذين تتأخر فيزهم فاعتقد انهم اقلية

حراسلهم اليوم الله يتعبهم . وحشوفهم إيش حيكتبوا من رد آلي جديد .

كيف نحل موضوع الفيزا ياجماعه دراستي بعد رمضان وابي احجز سكن هالفتره ... واخاف ماتطلع .....

هذي الاجراءات الادارية الداخل فيها مفقود والخارج منها مولود ...قمة الاحتقار والتفاهه الواحد يبقى معلق ويقولو ماندري اجل مين يدري
طيب انا صرت اوسوس بس بسألكم اللي يدخل هذي الاجراءات الغبية او في احد دخل هالاجراءات وجاه رفض بعد انتظار شهور؟؟

مرحبا عبدالعزيز بو .. كل شيء وارد مع الفيزة الأمريكية .. سبق وان قرأت بالنت بأن واحد أخذوا جوازه وقالوا له فيزتك مقبولة .. وبعد فترة شهرين او ثلاثة جته رسالة من الفيدكس وراح شاف الجواز بدون الفيزة راسلهم قالوا فيزتك رفضت . . طب والسبب ؟؟ لا يوجد إجابة طبعا .. لكن الرجل ما شاء الله عليه ما سكت .. طبعا هو مسوي المقابلة بجدة .. قام جمع قشة وجاء للرياض وعمل مقابلة وبحدود أقل من شهر طلعت فيزته وخمس سنوات .. لذا الفيزة مجهولة الأسباب والنتجة للي يبي يعرف نهايتها (فاي) بلغة الرياضيات .. فلا توسوس وانا اخوك لكن ضع كل الاحتمالات وربك يختار اللي فيه الصالح للجميع

كمان سجلوا واحد انتظار بالحراق

حقيقة أنا عفت الدراسة في أمريكا , ولو باليد حيلة كان غيرت دولة الابتعاث، طلبت من الجامعة تغيير دولة الابتعاث إلى بريطانيا أو كندا، ولكن تم رفض طلبي من قبل مدير الجامعة .

يعني أنا كنت متحمس، بس القنصلية طفَّت هذا الحماس بهذا التأخير.

ياليت يقولون لي أن الفيزا يتم اصدارها بعد سنتين ، بس لا يعلقونا بهذي الطريقة المملة

الله يعنيا ويعينكم على مرارة الانتظار (: