محطة تجمع منتظرين الفيزا الأمريكية

ألف مبروووووووك ياللهلوب وعقبال الباقين ، لكن بسألك متى كان تاريخ مقابلتك ؟ وهل طلبو الآي تويني الجديد منك ولا انت ارسلته لهم مرفق ؟

السلام عليكم ورحمة الله وبركاته ..
فكرت بس انا اللي متأخرة فيزته أثار معي جماعة ..
يعني ننتظر ..
والله يعين ..
أنا صار لي اربع شهور وعليها من 19 مايو ..
سويت المقابلة في الرياض ..
وأخذوا الجواز وأعطوني ورقة صفراء فاقع لونها
وأشروا على الاجراءات الادارية وانها راح تأخذ من اسبوعين الى اربع اسابيع
بعد اربع اسابيع ارسلت لهم ردوا علي
أنها تحت الاجراءات الادارية ..
بعدها بكم يوم ارسلوا لي رسالة غريبة
يقولون
أعطنا قائمة بالمنظمات الغير حكومية والدينية التي انت عضو فيها
قلت لهم ما انا عضو ولم يسبق لي الانضمام
بعد تقريبا شهر ارسلت لهم
ردوا
اجراءات ادارية .. ولا ندري متى تخلص .. ويفضل انك تعدل بيانات سفرك ..
قبل الدراسة بأسبوعين ارسلت لهم
ردوا
تحت الاجراءات الادارية ..
راح علي موعد الدراسة .. اللي هو 4 سبتمبر وأجلت إلى يناير ..
ورجعت اداوم في الجامعة ..
المشكلة لما تسألهم ما يعطونك علم أكيد ..
يقولون اجراءات ادارية .. واحيان نفس الرسالة ..
قلت يمكن الاسم له دور تعرفون زهراني وكذا ..
وهم يحبونا وااااااااجد .. لكن فيه شباب من نفس القبيلة ما جلست معهم الا ثلاث او اربع ايام وهي طالعه ..
المشكلة الحين ..
وكيل الجامعة يقول لي اسحب عليهم وروح كندا أو استراليا ..
لا تنتظرهم ..
والجامعة بأمريكا صراحة ما تتفوت ..
فما ادري أنتظرهم .. والا ادور غيرهم ..
والله الوضع محير جدا ..

الله يساعدك احتمال في تشابه بالاسماء او شاكين في شي الله يعينك واذا في فرصه في مكان ثاني ازين لك ترى يطولون اسألني عنهم 7 شهور

شباب عبودي ,الوهيج ,الاخضر باقر, صالح ,,,,,, مادري بعد في احد فوق 6 شهور غيرنا ,,,شباب ابغى اعرف في عامل مشترك بينا كلنا اخذنا ورقه وردية ؟؟ في احد يشك انه عنده غلط في الابلكيشن ؟؟احد تلخبط في المقابله ؟؟ مين اللي ماستلمو جوزه فينا ؟؟ اماكن المقابلة الرياض وله الظهران احد طلبو منه شي مره باايميل وله كله اجراءات وصبر ؟؟؟

والله ياعبدالعزيز كل ماسبق .......ماعدا اني متاكد من الابلكيشن ...اعطوني ورقة صفراء بالرياض وماخذو الجواز انا قلتلهم خذوة لكن استرجعته قبل اسبوعين لاني طفشت الصراحة ماطلبو اي شي كله اجراءات وصبر ياليتهم يطلبون اي شي لان الطلب علامة الرضا وليس السكوت ....واعتقد في مجموعه طيبة لهم ٧ شهور لكن بموضوع ثاني غير هذا مادري وش صار عليهم ....على العموم ان شاء الله نبشر بعض قريبا ......ياااااااارب

السلام عليكم انا ابي اراىكم للأتي قلق جدا والحمد لله على كل حال انا طالب ثنوي متخرج السنه ذي يعني فرششش بقول لكم قصتي طبعن حجزة موعد ورحت المقابله وكل اموري كامله ولله الحمد من ناحية المستندات المهم سويت المقابله وسألتني اسئله المعتاده ووريتها شهادي وقالت لي شاطر وبوجه بشوش انا ارتحت قلت خلاص بأذن الله تطلع خلال اسبوع والله وراح اسبوع واسبوعين وثلاث اسابيع لي 3 اسابيع وانا انتظر طبعن يوم سويت المقابله بالظهران اخذة الجواز مني وقالت خلاص روح ادفع للفيدكس 125 ريال وفعلن دفعة واعطوني وصلت الي فيه رقم الشحنه وبعدي بأسبوع خويي الي دراستيي معه سواى المقابله وطلعت فيزته بيومين ماشاء الله وانا والله مدري وش اسوي اراسلهم ولا اتصل عليهم ولا الوضع طبيعي مادري والله وش رائكم يا اخواني

موضوع الجواز مافهمته تقصد ماخذوه وبعدين انت اصريت وعطيتهم وتوك ساحبه بعد شهور واللي اعرفه انك رايح امريكا قبل ماعندك مشاكل هناك؟

شباب احب اطمن جميع الناس الي واقفين في الاجرائات الادارية
بنسبة 99.9% التأشيرة مضمونة ان شاء الله لكن المشكلة كلها في الوقت خاصة في الفيزا الدراسة
انا قدمت في القاهرة يوم الاربعاء الماضي و المفروض السفر 20 نوفمبر لكني اطمع ان تنتهي الاجرائات سريعا و الحق كورس اكتوبر الذي سيجبرني علي السفر يوم 19 اكتوبر و ان شاء الله الحق هذا الميعاد
بصراحة انا مش عارف ايه المقياس الي بيختاروا بيه من يدخل الاجرائات الادارية .

فعلا أنا أحب أطمئن الشباب المنتظرين بأن تأشيرتهم راح تجي إن شاء الله في كل الأحوال، لكن المشكلة إن بعض التأشيرات ممكن تتأخر إلى 8 أشهر

الأخ 3body، أنا مقابلتي كانت في بداية أبريل، وتأشيرتي سياحية يعني ما لي علاقة بالآي توني وأوراقي كانت مكتملة,, ومع ذلك أعطوني ورقة صفراء وقالوا تبي تخلص المعاملة بعد شهر، وانلطعت أكثر من 5 شهور. يبدو أن السبب في التأخير هو وجود تشابه أسماء..

- - - مشاركة محدثة - - -

فعلا أنا أحب أطمئن الشباب المنتظرين بأن تأشيرتهم راح تجي إن شاء الله في كل الأحوال، لكن المشكلة إن بعض التأشيرات ممكن تتأخر إلى 8 أشهر

الأخ 3body، أنا مقابلتي كانت في بداية أبريل، وتأشيرتي سياحية يعني ما لي علاقة بالآي توني وأوراقي كانت مكتملة,, ومع ذلك أعطوني ورقة صفراء وقالوا تبي تخلص المعاملة بعد شهر، وانلطعت أكثر من 5 شهور. يبدو أن السبب في التأخير هو وجود تشابه أسماء..

انا لا والله ماتصلت عليهم لكن كنت اعرف انو في رقم للاستفسار
حبيت افيدكم
وبالنسبه للاخ اللي يقول لاتخرشون العالم
ياحبيبي العالم ثلاث اقسام
قسم رفوض
وقسم وافقو على اصدار التأشيرة وطبعت دون ان تتحول الى اجرءات اداريه
وقسم تحولت الى اجرءات ادارية وستطبع بإذن الله
المشكلة ان هالوقت محسوب في حياتنا
واللي نؤمن فيه عساها خيرة
عسى الله كفانا في هالتأخير شر وابعده عنا
قالى تعالى إن بعد العسر يسر
ضاقت فلما استحكمت حلقاتها فرجت ... وكنت اظنها لاتفرجُ