محطة تجمع منتظرين الفيزا الأمريكية

الاحد الماضي كان موعدي في الرياض قالوا اوراقك واوراق المرافقين كاملة
وانت مخطط تكون سفرتك بعد شهرين ونص،،

قالي القنصل خذ الجوازات واتصل عليك او ارسلك ايميل بعد 3 او 4 اسابيع
وترسلي الجوازات بالفيدكس

وآكد عليّ اني ما ارسل الجوازات الا بعد الاتصال او الرسالة..

اللهم ان كان لنا خير في الدراسة في امريكا انك تسهلها يا رحيم..

لاحول والقوة إلا بالله 11شهر مرررره كثير والله إحنا 10 شهور وخلاص وصلنا مرحلة إلياس والإحباط طيب العجيب العنيد ايش ردهم لك في كل ايميل

الله يبارك فيك وعقبالك إن شاء الله ..

خلصت من الفيزا ألحين وأبغ أغير المعهد كيف أغيره ورقم السيفس تبع المعهد هو إلي موجود بالفيزا ؟

راسلت المعهد القديم يقولو لازم تقدم ع فيزا جديده !!

إلي عنده خبره لا يبخل علي مو عارف وش أسوي

ياعزيزي 11 شهر كثيرة جدا , يعني انت بتكمل سنة تنتظر الفيزا !!

نصيحة لا تقعد رح لم السفارة انشب لهم صدقني اقل شي بيتعاطفون معك قل لهم سنة كاملة انتظر الفيزا خير ؟

وأنتي نفس الشي يا أم فهد روحو للسفارة اللي يقولكم ما ينفع ومدري وشو ما عليكم منه انشبو لهم لين يخلونكم تكلمون احد يبين حالتكم مب معقول اللي قاعد يصير والله !

وهيج أولا ألف مبروك صدور فيزتك وعقبالنا ..

ثانيا بالنسبة لتغيير المعهد اللي اعرفه ومتأكد منه انه تحتاج اصدار فيزا جديدة خصوصا انه خلاص انت صدرت فيزتك لبرقم سيفس وآي تويني المعهد لو ما صدرت كان يمديك تغير في لحظة الانتظار , لكن في طريقة التحويل من معهد لمعهد ثاني وهاذي اذا رحت لامريكا تسويها والله يوفقك ويكتب لك الصالح بالامر

اليوم كملت اربع شهور من تاريخ المقابلة 2 جولاي .. افكر اطلب منهم جوازي لان عندي احساس ان طلب الجواز قد يحرك شي بالمسألة ومتردد

الانتظار متعب جدا , لكن الحمد لله على كل حال لعل بالامر خيرة والأمل بالله كبير ..

غريبة السفارة مداومين الجمعة، لكن على العموم اذا عند اخوك او اي احد حساب في سامبا ممكن يدفع الرسوم اونلاين

بالتوفيق

الله يعينك ياعبيد
بالنسبة لي انا سحبت الجواز الاسبوع الماضي ولي لحد اليوم ثلاثة اشهر تقريباً، جبت لي قبول لغة من كندا وقلت حدي الأسبوع الجاي يا تجي الفيزا يا ابدأ اجراءات التحويل لكندا

حاول تخلي عندك بديل لأمريكا لأن الانتظار سيء ومحبط

بالتوفيق

أسعد الله أوقاتكم بكل خير حبايبنا من المملكة الحبيبة , نحن بالكويت كذلك نعاني مما تعانون منه من طول فترة انتظار الفيزا الامريكية بغرض الدراسة ، كانت مقابلة ولدي عبدالله بالسفارة الامريكية بالكويت بتاريخ 12 سبتمبر 2012 ولا نزال بالانتظار للأجراءات الإدارية طبعا تم ارسال اكثر من ايميل ولازالت الردود بالانتظار نسأل الله لكم التوفيق جميعا ... اخوكم بوعبدالله

آمين يارب وياك .. هل طريقة سحب الجواز منهم سهلة ؟ ولا يماطلون فيك لين يرجعونه ؟ .. الشي الثاني بالنسبة للبديل حاط ببالي استراليا لكن بنتظر إلى يناير اذا ما طلعت فيزتي بسحب جوازي .. الله كريم عندي احساس انه قبل يناير بيطلعون جوازات كثير