محطة تجمع منتظرين الفيزا الأمريكية

والله مثلك ارسلت الى ان تعبت للظهران ولا احد يرد علي لو ارسل لجدار كان نطق ، الى ان ارسلت للرياض وماشالله بسرعه ردوا

السلام عليكم

انا انتظرت 24 يوم من المقابلة ولا زالت الحالة No Status منذ انشاء الطلب

تم تجديد اي تونتي وارسلت لقنصلية الظهران ايميل قبل 4 أيام ولم يردوا علي واليوم ارسلت ايميل آخر
فجائني هذا الرد الالكتروني واللي يوضح ان القنصلية قسم التأشيرات بتقفل الاربعاء وتعيد الافتتاح يوم الاحد القادم
وطلبوا ارسال ايميل واحد فقط . الهيئة ان الايميلات تكب عليهم بالهبل
والله يوفق الجميع

Please be informed that CONSULAR SECTION - VISAS will be closed
Wednesday 24th - Thursday 25th due to administrative work, we will
re-open on Sunday 28th - July.

We are doing our best to answer your inquiries but we might reply a
little bit late due to Ramadan and a high volume of emails. Therefore,
PLEASE send only ONE e-mail and we will make sure to reply you with a
sufficient answer, sending many e-mails will cause us extra work and
will cost you more time to receive an answer.

استفساري : هل ارسل ايتونتي لايميل السفارة بالرياض وإلا اكتفي بارساله للقنصلية بالظهران

ولكم الشكر

بقولك اللي صار معي وان شالله ينفعك

انا مثلك وصار لي انتظر 63 يوم ولي 5 ايام ارسل ولايردون وكان ردهم الألي مختلف عن اللي طلع لك اليوم بأمانه انا ما ارسلت شيء اليوم لهم واعتقد ان الرد الألي هذا من اليوم صاروا يرسلونه

والسبب كثره الأيميلات اللي ترسل للرياض عن الظهران وانهم مايردون اذا بتكلم عني انا ارسلت للرياض واخوي من ايميله ارسل للرياض وكذا احد ارسل للرياض واعتقد أن صار في لفت نظر من الرياض للظهران وتغير الرد الألي
ارسلت الأيتوني للرياض وردهم ان ارسليه للظهران ورديت عليهم طيب الظهران مايردون ؟ واتوقع بكرا يجيني رد من الرياض على هالموضوع

شكراً لك على المشاركة والتوضيح

وان شاء الله يتم تسريع الإجراءات في هذا الاغلاق

والله يوفقك وجميع المنتظرين وننتهي من هالانتظار الممل

السلام عليكم

أنا جاني تحديث اليوم ولكن مازالت الحالة تحت الاجراء الاداري

أحد يقدر يفيدني مامعنى هذا التحديث ؟

الله يفرج عنا وعنكم

تم الإرسال و وصلني نفس الرد، عسى التكسير معناتها أنهم بدو يحسون ان الوضع زاد عن حده و بيمشون مجموعة من المتأخرين، يا رب تشمل كل المنتظرين في المحطة بحق هذا الشهر الفضيل و أيامه المباركة

بس شدخل رمضان ماخذينه حجة و الناس متعلقة من شهور

- - - مشاركة محدثة - - -

معناه ملفك تحرك، إذا أمورك في السليم، يعني اقل من 3 شهور انتظار، احتمال كبير يصير تحديث بكره بإصدار الفيزا
قل ان شاء الله

لو سمحتوا أبي جواب

اللحين فيزتي أصدرت من يوم المقابله ف يوم 2013 - 18 - may
ومرافقي لحد الآن ما جت
السؤال ...... لو عدا 90 يوم وفيزة أخوي ما جت .. وقتها تلغى فيزتي ؟؟؟؟؟

أو إذا جت بعد 90 يوم بالضبط وش لازم أسوي ؟؟ أقدم ف فيزا من جديد

عندي سؤال تو استوعبه مدري اللي صار صح او غلط وقت ما خلص الأيتوني الأول طلبت من المعهد ايتوني جديد بنفس رقم السيفيس الأول ووصلني الجديد مثل ما طلبت
هل لازم ارسل لادارة الهجره اقولهم ان الأيتوني الجديد فيه نفس رقم السيفيس القديم ؟ لأن بصراحه ماسويت كذا صار لي اكثر من 75 يوم انتظر وتو افطن للموضوع

الحمد لله بعد انتظار 4 شهور جاني اول تحديث على حالة الفيزا
Case Creation Date: 01-Apr-2013
Status Updated Date: 24-Jul-2013

Your visa case is currently undergoing necessary administrative processing. This processing can take several weeks. Please follow any instructions provided by the Consular Officer at the time of your interview. If further information is needed, you will be contacted. If your visa application is approved, it will be processed and mailed/available within two business days.

ما شاء الله تبارك الله، تحديثين اليوم لك و لماستر ستيودنت، اول الغيث قطرة، و الله يسهل على البقية، و ان شاء الله تسكيرتهم فيها شغل جدي

اللي يفرح في موضوعك ان مقابلتك ١ أبريل، يعني بادين من اول أللسته لجماعة أبريل في الظهران، انا مقابلتي ٢٤ أبريل، ان شاء الله يمديه يجينا الدور و يكون شهر أبريل كله في كرتون واحد من فدكس