محطة تجمع منتظرين الفيزا الأمريكية

السلام عليكم .. عيدكم مباركم اولا
ثانيا ياليت تردون علي لان من جد ماني عارفه ايش اسوي
الموضوع كله ان موعدي كان 18 جولاي ورحت ماسويت المقابله !!!!!!!!!!!
خلصت شغل مع الكاونتر الاول حق تسليم الاوراق وسالني كم سؤال وفكرتها المقابلة وطلعت !!
بعدها باسبوعين اتصلو علي .. عشان يعطوني موعد جديد للمقابلة وكان 4 اوقست الاحد الماضي
ورحت و تقفلت القنصلية على حظي !!!!!!!!!

جوازي و الاي تويني ووصل سامبا بقنصلية الظهران وللحين ماسويت المقابلة وموعد دراستي 18 اوقست

اييي اقتتراح منكمم يقدر يفيدني !!

روحي القنصلية واشرحي لهم الموضوع
وخذي معك صورة من جوازك و الاي توني

مقفلين
مافي الا السيكورتي اللي عند الباب حتى مايمديك تدخل لداخل السفاره وتوقف السياره !!
دايركت يرجعك ..
الاحد قال تعالي الاثنين و الاثنين رحت و هم بعد قال مقفلين واتصلي ولما اتصلت قالي انو مافي اي ادمي بالسفاره يقدر يسوي مقابلات لان قسم الفيزا مقفل وادخل ع موقعهم اشيك !
ارسل ايميل يقولو "بالرد الالي" اللي موعد مقابلته 4 و 5 و 6 اوقست يشيك ع الموقع !
ادخل الموقع يكتبو آللي موعد دراسته قبل 25 يرسل لنا

ف رسلت لهم اكثر عن مره ان موعدي 4 اوقست و دراستي تبدا 18 اوقست !! ~_~

ايوالله باقي وعساها لاطلعت

اذا كذا بدايتها وشلون نهايتها

انا غيرت لـ ايرلندا وبأذن الله ربي يكتب لي اللي فيه الخير

واحد خلصت فيزته قبل دراسته بكم شهر

جا يبي يجدد رفضو وراح تعب دراسته كله

ليه نحط انفسنا بوضع محرج من بدري

بس الله ييسر امورنا وييسر اللي فيه الخير للجميع

واقول للي نفسياتهم تعبت

اول شي تعوذو من ابليس

والواحد ضيق ع نفسه او تعب ماراح يستفيد شي ولايقدم ولا يأخر

بس انت عيش اللحظه وانبسط وافرح وتوكل على الله واعرف ان المكتوب لك بيصير

بيجيك لين حدك بعد

ولاتبقى الفيزا شغلك الشاغل انشغل بأي شي ثاني لين تنفرج من ربك

والله يا اخوان حالكم لا يسر صديق ولا عدو
انا بقولكم قصتي كنت نفسكم 24 ساعه في ها الموضوع عسى ان اشوف شخص طلعت فيزته عشان يرجع لي الامل
لاكن الفيزا اخذت 11 شهر ونفس الشئ اجراءات اداريه بعدها سحبت الجواز بس ما كنسلت الطلب وحولت على كندا بعد ما استسلمت والفيزا كانت سهله جدا المهم هذا الكلام 2011 وللحين الفيزا معلقه مدري هم عرفو اني ما ابي الفيزا خلاص وحولت على كندا او يفكروني لسه انتظر. انا عندي اهل في امريكا قلت دام اني في كندا خليني ازورهم وفعلا قدمت على فيزا سياحيه من اوتاوا ( العاصمه ) قبل 9 شهور وسالني القنصل عن الفيزا المعلقه اللي قدمت عليها من الرياض قلت له لانها طولت سحبت جوازي ( طبعا هو سالني عن الفيزا مو عشان يعرف اذا لسى انتظرها او لا هو سالني لانه في خاطره يقول كيف هذا ما استسلم اكيد في نيته يروح يفجر في امريكا ) لا تستغربون هذا تفكيرهم
والحين الفيزا السياحيه معلقه من 9 شهور مدري باخذها او لا. انا قريت كثيير عن الاجراءات الاداريه وعرفت انها مطبقه اكثر شئ على المقدمين من الهند، باكستان، افغانستان، المكسيك ودول الشرق الاوسط وبا الاخص دول الخليج.
طبعا هذي الاجراءات تختلف من شخص لشخص فيه البعض ياخذا الفيزا في اقل من 90 وفيه البعض اكثر من سته شهور. اللي ابي اتكلم عنه هو اكثر من سته شهور. اذا كان القنصل مو مقتنع انه يعطيك الفيزا في وقت المقابله ما راح يقولك مرفوضه لان ما فيه سبب مقنع عشان يرفض لاكن فيه حل بسيط انه يعلق الفيزا وهذا نوع من انواع الرفض . ما ابي اكثر كلام انا اللي يقهرني فيزا الطالب ليش تعلق اكثر من 8 شهور والطالب المسكين كل يوم انتظار وهم حاطين المعامله في الدرج وشغالين في فيز غير. السياحيه نقدر ما نروح بلادهم الله يلعنهم هم وبلادهم طبعا انا با النسبه لي خلاص نسيت الفيزا السياحيه بس خساره فيهم دفعت رسوم الفيزا.
انا ما ابي احطمكم بس هذا الواقع والمشكله ان هذا النظام غير مطبق على السعوديين بس يعني المشكله ما راح تنحل حتى لو تدخل الملك.
انا بصراحه من بحثي با النت حصلت ناس معلقه فيزهم اكثر من ثلاث سنين. فيه دول كثير غير امريكا والاقرب كندا فيزتهم ما تاخذ غير اسبوع وهي عندك.

فقدت الامل

وماعاد افكر في امريكاااااااااااااااااا

كان حلمي االوحيد الدراسة في امريكا .. لكن ما الله كتب .. واشوفها كل شوي تتعقد الامور لاحول ولا قوة الا بالله .. انتظار 102يوم .. والجواز محجوز عند السفارة ولافكروا يصدرون الفيزا ..


مرسلهم ايتوني قبل اسبوع بتاريخ دراسة 26 اوقست ولانفع معاهم !!

وش اسوي .. تتوقعون لو اروح للسفارة بالرياض واطلب موعد جديد واقولهم ابغى اعرف سبب تعليق فيزتي يوافقون ؟؟

تدري وين الغبنه ؟ لو يقولون لك انت دراستك في 26 والأعلان قلنا 25 ليه ترسل لا غيرنا الأعلان كلمنا
ماتقدر تسوي لو ممكن كان سويت مثلك بس لازم يصدر قرار بالفيزا المعلقه حتى تقدر تسوي غيرها

السلام عليكم ..
في رابط كنت ادخل عليه اشيك ع حالة الفيزا
الحين يوم ادخل عليه مايفتح ؟!
ماني عارفه ايش المشكله

ارسلت لجدة امس واليوم
ونفس الرد الآلي ما تغير

اليوم كملت 118 يوم انتظار حوالي 4 أشهر

يردون على ايميلاتك ؟