محطة تجمع منتظرين الفيزا الأمريكية

أمين يارب وبشرينا انشالله اذا خلصت فيزتكم


( تمت المشاركة باستخدام تطبيق مبتعث )

هل تكفي الفيزه ل امريكا ولا احتاج ل اقامه هنا والشي الثاني لو طلعت ورجعت وش احتاج القبول كل مره نفس القبول ولا اجيب اشياء ثانيه

Sent from my GT-I9300 using مبتعث mobile app

رابط تتبع او متابعة تأشيرتك وماذا تم بشأنها. :
الخيار الاول : تختار nonimmigrant
الخيار الثاني : تختار saudiarabia
الخيار الثالث : تضع فيه رقم الابلكيشن حقك اللي يبدأ بحروف AA
وهذا رابط الدخول للتتبع :
https://ceac.state.gov/CEACStatTracker/Status.aspx
.................................................. ..
رابط تتبع الجواز
http://cdn.ustraveldocs.com/sa_ar/sa...k.asp#section4
ادخل رقم جوازك وشف وش صار ع جوازك

للأسف خبر سيئ ياشباب !!

توي كلمت أرامكس بشأن الطلب اللي رفعته بتغيير مسار جوازي من الرياض إلى حائل ، لكن الموظفة تقول إستحالة !! من ضمن شروط السفارة الأمريكية إنه الجواز مايحول إلا للفروع الرئيسية وليس الفرعية !! مافيه حل ألا نروح هناك ونستلمه !! الله لايسامح الظالم بس ، ليش التعقيد هذا ؟!!

فيه نقطة قالت لي عنها وهي إنه أقدر أطبع تفويض من السفارة الأمريكية لشخص بأنه يستلم الجواز عني ! وتقول موجود في موقع السفارة الكلام هذا ! الآن أبي أحاول وأشوف ..

( تمت المشاركة باستخدام تطبيق مبتعث )

لقيت شروط التفويض على موقع السفارة الأمريكية ، على هذا الرابط : http://www.ustraveldocs.com/kw_ar/kw...sporttrack.asp

وهذي صورة



المشكلة الآن مالقيت مكان منه أطبع نموذج التفويض !! هل يكون أنا أكتبه وأوقع عليه فقط ؟

( تمت المشاركة باستخدام تطبيق مبتعث )

تحديث ١ :

توه وصلتني رسالة من أرامكس يعتذرون بعدم قدرتهم على إرسال الجواز لأي فرع آخر !

والمشكلة خطاب التفويض إلا الآن عجزت ألقاه في موقع السفارة !! الحل يا من واجه نفس المشكلة ؟

( تمت المشاركة باستخدام تطبيق مبتعث )

انا من شهر ابريل وصدرت ولله الحمد قبل أسبوع

يابعد حيي
وشلونك عساك طيب

اذا تعرف احد بالرياض
ارسله صورة البطاقة وتفويض من عملك مختوم
ويستلمه ويرسله لك


اول السفارة تتعامل مع فيدكس وتحدد اي مدينة بالمملكة
اما ارامكس فتبا لها

^
^

هلا يالغالي

بخير الله يعافيك ...
تسلم والله

لكن المشكلة ياخوي أنا طالع على حسابي الخاص ! ماهو عن طريق عملي *-* وبالنسبة للتفويض دورت لين تعبت بموقع السفارة الأمريكية مالقيت نموذج للتفويض !! فشكلي أبي أكتب نموذج من عندي وأوقع عليه وأرسله لواحد من الشباب هناك لعل الله ييسرها على يده

( تمت المشاركة باستخدام تطبيق مبتعث )

في اختراع اسمه طيارة وسياره يعني من كلامك تحس موقفه الدنياء

Sent from my GT-I9300 using مبتعث mobile app