محطة تجمع منتظرين الفيزا الأمريكية

يارب فرجها علينا
وفرحنا بالفيزا

سلام عليكم

الاخ ابو ارقام كان ان يودع بعثته ويودعكم
قبل 4 ايام ركبت مع واحد من الشباب وجلس يفحط بي
الا واصفق العامود بالسيارة <<<< نهاية طيبة كخخخ

المهم الرجال بالعناية فيه 7 كسور
وانا الحمد لله مجرد رضوض << بس فخذي يحرقني كخخخخخ
<<< تخبر قطو بسبع ارواح ما يضررره شيء الا ما كتب عليه الله

المهم انه توهم اليوم طارديني من المستشفى يقولون وش مجلسك ولا فيك شيء

بس الحمد لله جت سليمه هالمرة والسيارة وش دخلني مهب سيارتي ههههههه
يستاهل انا قلت له يفحط وانا اصيح اقوووله تكفى نزلني يا........ الخ

...............................
الا على طاري ارقام دولية
وش صار على الفيز
تروني مضيع ورقة الفيدكس مدري وينها p

يالله الله يعين بس ويوفق الجميع

وترى الفيزة الامريكية عبارة عن ملصق
يطبع في القنصلية هنا في السعودية

ليش انتوا ما قد سمعتوا انه فيه ناس اخذوا فيزهم في اقول من 48 ساعة

يعني بالله يصير يبحثون ويدققون وراهم ثم يطبعونها ويرسلونها للسفارة ثم يلصقونها بالجواز ثم يرسلونها فيدكس ثم يستملها صاحبها في هالمدة القصيرة

ما يمديها

الطباعة واصدار التاشيرة كلها تتم عن طريق وزارة الخارجية والسفارة فقط
ويتم كتابة عليها بخط صغير
الفيزة لا تخول حاملها الدخول الى الولايات المتحدة الامريكية

والسبب هو الاميقريشن ( دار الهجرة الامريكية ) وهذي اللي تقرر دخولك الاراضي الامريكية ولا لالا

يعني لا احد يستانس يا شباب انو خلاص اخذ فيزا انه خلاص بيدرس في امريكا واموره تمام

لانه لو لا سمح الله ورفضوا دخولك الى امريكا لاي سبب من الاسباب راح يتم رفضك مباشرة لمدة 5 سنوات
ومنها يسفرونك بلدك على اقرب طائرة مباشرة

ومدة الانتظار فيها تتراوح من 5 دقائق الى 7 ساعات تقريبا

كفانا الله واياكم شرها ووفقنا واياكم للدخول الى الاراضي الامريكية والدراسة والحصول على درجات التفوق

<<<<< اهم شيء نطلع بدري يقولون فيه مكرمة ملكية قريب للمبتعثين <<< نبي نلحق عليها

والله يوفق الجميع بخرووج فيزهم في اسرع وقت

<<<< مدة الانتظار (170 يوم)<< هانت باقي شهر وتخلص 200 يوم كخخخخ

برب نوووم تايم <<< توهـ مخلص صلاة الفجر ويدعي لكم ولنفسه

سلامات والله وماتشوف شر يارب
والله يقوم خويك بالسلامة
عاد الله يهديه ويهديك والا تفحيط مرة وحدة
اشوا ماطلعت معاك بالجمس لما جيت هنا والا كاني الحين بمستشفى الشقيق العام خخخخخخخخ امزح

الله يقومه بالسلامة وقدامه العافية يارب وانت الف الحمد لله علا سلامتك
وماتشوفون شر كلكم يارب

الشر مايجيك يغالي والله يسلمك من كل شر ومكرووه

لا ابشرك الجمس ما جاه شررر

السيارة مهب سيارتي سيارته هو كورلا من الشكل الجديد <<< ما يعرف لها كخخخ

بعدين ترى ماني افحط ولا احب التفحيط
كلها منه هو السبب منه لله الله يقومه بالسلامة مسيكين العمود ضارب في جهته

على العمووووم الحديد بداله حديد بس الرجال ما فيهم عوض وانا اخوك

زين انه ما جاني شر يوم اني مسكين وعلى نياتي واقوله يووقف
والله خذ عقلي بغيت ابكي اووول مررررة احد يفحط وانا معاه
قسم ما عرفت افرق الشرق من الغرب ههههههههههههههههههه



على العموووم جت سلالامات والامور طيبة واحنا بخير
<<< توهـ راجع يبي يررقد كان يفرفر

عسى الله يوفق الجميع بس
تحياتي لكم
<<< مدري وش يحس فيه

يا شباب هو صدق الخبر

سمعت ريحة خبر <<< مدري كيف جت هذي


<<<< بعدين تروني فرحان توني اوصل 100 مشاركة كخخخخخخخخخخ


المهم يقولون فيه مكرمة ملكية للمبتعثين قرررريبا ترقبونا <<< وش تحس فيها


تاكدوا لنا من الخبر يا شباب هو هو حقيقة ام مجرد اشاعات

احنا اول نسافر بعدين نتابع اخبار المكرمه من الملك
الله اكبر عليهم من سفاره
ياربي نصيبي ان حولت على امريكا
اللهم لا اعتراض

السلام عليكم جميعا
الحقيقة انا قدمت على فيزة مرافق مع زوجتي لكن للاسف الان ابكمل شهرين ولا حس ولا خبر
الغريب ان اللي قابلنا قالي انا اول ماتطلع فيزتك ابرسلك ايميل عشان ترسل لنا جوازك وخلاني اخذ الجواز
الحقيقة كنت مامل ان الايميل بيجيني خلال اسبوعين او ثلاثة بس ما توقعت ان المسآلة بتطول وتوصل شهرين!!
الحمدلله التفائل موجود لكن قريت بعض ردود الاخوان والاخوات وفي بعضهم صار لهم ٤ شهور و٦ شهور وفي الموقع قايلين حد اقصى ١٢٠ يوم؟
اعتقد ان الخوف بدا يدخلني والله يستر !!

لا وزيد على الشهر ...انا لي شهور ...ياهو بتمل وتتحطم وبيطير منك النوم بس الله كريم وانشاءالله يسهلها وتطلع فيزنا بكره..

مآتشوف شر آبو آرقآم دوليـه هههههههههههههههههههههههههه


شر البليـه مآيضحك . . امأ شمعتو بمآصورـه


الحمد لله ع السلأأمه

يآرجآل ومآجآك شي . .آهب هههههههههههههه


امزح معك . مآتشوف شر . .وعقبآل مآتفرح بالفيزآ


................................................


علومك آنإ الى كندآ . .


شخبآرك . . والله اظآهر آخرتهإ بنروح لكندآ صدز



الاسبوـع ذأ مآطلع شي . . ؟؟ بديت آحس بكئآبـه

للحين طولوها 34 يوم

استغفر الله واتوب اليه