مشكلة استخراج الجرين كارد من أمريكا أو من السعودية أفضل؟؟

ماشا الله عدد المشاهدات قرب 4000 ^__^

أختي الغالية أم عبد الغني إن شا الله تكوني إنتي الكفيل وترتاحي من حوسة البحث ,
موفقة بإذن الله

الله يسهل أمورنا , يارب مايجي الشهر الجاي إلا ونكون أرسلنا أوراقنا وخلصنا كل الإجراءات المطلوبة ..

المعذرة كنت مشغول جدا بالامتحانات وconference paper deadlines ..

برجع أرد عليكم واحد واحد ان شاء الله.. وللاخوان والأخوات االي أرسلوا لي على الخاص ، تجيني رسائل كثيرة وبحاول أرد في أسرع وقت عليها قدر الامكان وأرجو المعذرة اذا تأخرت في الرد..

الله يوفقك في دراستك أخ فيصل , ماقصرت معانا صح هذا وقت الإختبارات وتسليم البحوث قبل إجازة الكريسميس,
بالنسبة لحالتي إحنا ننتظر السنة المالية الجديدة تبدأ عشان موضوع التاكس ,
ياأخواني وأخواتي شاركونا هنا استفساراتكم عشان كلنا نستفيد
والله ياليت ياأخ فيصل تقول لهم يجوا هنا معانا , والله لو مو الله قدر وجات أم عبد الغني وقالت لنا على نقطة التاكس ماكنت عرفت هذي المشكلة
وكنت أرسلت أوراقي ورفضوها , من جد بنستفيد من التجارب المطروحة هنا ..

السلام عليكم ورحمة الله وبركاته
كيفم جميعا
بالتوفيق اخ فيصل والله يجعل اللي تقدمو في موازين حسناتك
اختي هارد تايم ان شاءالله ربنا يسهلنا
وعندي اخبار جديدة لكن للاسف مهي مفرحة
اليوم كلمت محامي عشان اتاكد انو الموضوع بس على التاكس
واللي فهمتو منو انو دخل الملحقية ما ينفع عشان دخل طالب مهو موظف ولازم الكفيل يكون موظف ومسجل التاكس لمدة 3 سنوات بالراتب ويكون مقيم في الولايات المتحدة
حبيت انبهك عشان تدوري على كفيل من بدري
وادعيلي معاكي انا الى الان مالقيت كفيل
وكنت حاطة في بالي انو المسالة ضرايب و تتسجل وبس لكن طلع من الاساس ما انفع اكون كفيل
يارب فرجها علينا
وبالتوفيق

وعليكم السلام والرحمة
أهلين أم عبدالغني
والله ماأدري بس قريبة الأخ فيصل اللي فهمته من كلامه إنهم مااحتاجوا كفيل وكلهم طلاب هي و زوجها ,
والله أخاف ياغالية تكون حركة اللي يحط العقدة في المنشار , عشان اللي سمعته خصوصاً بالنسبة للرجال اللي يقدموا
بيصعبوها عليهم, نذالة مايبغوهم
زوجي قال لي عن واحد من أصحابه مرافق مع زوجته هنا أعتقد بفيزا سياحة كل ماقدم يرفضوا طلبه
قدم 3 مرات وكل الشروط اللي طلبوها سواها بعدها فهم الموضوع وبطل ,
يمكن عشان المكآفأة حالياً عشان فيها بس راتبك باينة قليلة بالنسبة لهم
يمكن لو جا وسواها من هنا تكون أسهل من وهو في السعودية أو لو كنتِ إنتي معاه في السعودية تكون أسهل عليكم
والله ماأدري كلها إحتمالات
أنا ماأبغى أحبطك والله , إنتي حاولي بكل قوتك لكن أنا أقول يمكن تكون حركة نذالة منهم واللهُ أعلم
أنا للإحتياط راح أقول لزوجي يكلمهم على موضوع الكفيل هل في حالتنا لازم أو لا
بس أول شي ننتظر الأخ فيصل يخلص اختباراته ويجي إن شا الله ونتناقش معاه على هذي النقاط بالتفصيل
عشان إحنا كلمناهم وقالوا لنا كل أموركم تمام بس خلصوا موضوع التاكس والكريدت هيستوري
وأرسلوا أوراقكم ..
الله يسهلها عليكم وعلينا وتطلع الغرين كارد ونفتك من هذي الحوسات يااااااارب
والله نفسي أدرس قبل مايضيع الوقت وتخلص بعثة زوجي
لا وموضوع الـ 6 الشهور هذا جايب لي الهم, ماتكفينا الولاية الغالية اللي إحنا فيها ):
تفكري تروحي السعودية في الكريسميس ؟

اخ فيصل والاخوان الكرام
كيف حالكم اتمني انكم بصحه وعافيه
استفسار بسيط الله يخليكم انا من مواليد امريكا واحمل الجنسيه الامريكيه وارغب بآن استخرج قرين كازد لزوجتي
هل يحتاج لمحامي او الامر لا يستدعي
شاكرا ومقدرا لكم

أهلين أخي الكريم
لا مايحتاج محامي المهم تكون لغتك الإنجليزية تمام , الموضوع سهل بإذن الله بس طبق كل الخطوات اللي في موضوعنا
إن شا الله تتسهل وتطلعوا الغرين كارد بدونه ..

موضوع مهم ومفيد
استفدت منه الكثير
فالشكر الجزيل للاخ فيصل وكذلك لصاحب الموضوع ولجميع الاعضاء الذين تفاعلوا وافادوا

اسمحوا لي ببعض الاستفسارات :


وسأكتب لكم الموضوع و المعطيات قبل الدخول بالاستفسارات:


الموضوع:
ارغب في استخراج فيزه هجره لعائلتي ( ابنائي - زوجتي ) من القنصليه الامريكيه بجده.


المعطيات:
1- احمل الجواز الامريكي عن طريق الولاده
2- اسكن بمدينه جده حاليا وارغب السفر لامريكا لغرض دراسه الانجليزي على حسابي الخاص. ( اي لا اتبع الملحقيه )
3- متزوج ولدي طفلين ( 7 سنوات - 3 سنوات )
4- موظف من 12 سنه بمدينه جده ، وايضا زوجتي موظفه بقطاع خاص.
5- لم ادفع الضرايب ولم اعبي اي استمارات عنها ( لا علم لي بها )
6- لدي رقم سوشل سكيورتي نمبر ( استخرجته قريبا )



الاستفسارات:

(1) هل استطيع ان اتقدم بطلب فيزه هجره لعائلتي من القنصليه الامريكيه بجده ... فقد فتحت موقعهم ولم افهم ما المقصود بالضبط. ( كانني فهمت انه لا يمكن التقديم ) >> فهل فهمي صحيح؟
هذا موقعهم
Immigrant Visas | Consulate General of the United States Jeddah, Saudi Arabia

وان كان فعلا لا يمكن التقديم من القنصليه بجده ... فماهي الطريقه واين يتم التقديم ...


(2) بحكم اني موظف ،، ماذا عن الضرايب ،، حسب ما فهمت انني معفي من الضرايب كوني اعمل خارج امريكا ... لكن لابد من تعبئه نموذج بذلك حتى وان تم اعفائي ... اين اجد هذا النموذج ولمن اقدمه وكيف ؟


(3) ولانني لست طالب تابع للملحقيه ( البعثه ) : فماهو وضع المقدره الماليه وكشف الحساب والكفيل .. فهل يشترط كفيل في حالتي .. او كشف حساب يكفي وكم المبلغ المطلوب .. وهل احضر خطاب من العمل موضح به راتبي الشهري.


وهذا وعذرا على ازعاجكم وجزاكم الله كل خير ولكم مني فائق التحيه والاحترام والسلام عليكم
محبكم ابو نايف

السلام عليكم
سؤالي لي أخت حاصلة على الجنسية الاميريكية و لكن دخلت لجوء سياسي هل بإمكانها تقديم طلب لمنح الهجرة لاخيها و بالنسبة لموضوع الكفيل هي تعيش من مساعدات الدولة الاميريكية فما يجب عليها فعله لتقديم كفالة مالية لي و شكرا

وعليكم السلام

نعم ممكن, لكن المشكلة ليس مشكلة المساعدة المالية من الحكومة , المشكلة الاكبر هي على افتراض انك اكبر من 21 سنة اجراءات الهجرة للاخوة البالغيين تستغرق مابين 10-15 سنة