مشكلة استخراج الجرين كارد من أمريكا أو من السعودية أفضل؟؟

والله القرين كارد جداً مكلفة , الله يعين حسبت في حل أسهل
المشكلة فيزا السياحة مقيدين حركتي بها ولازم كل 6 شهور وفي وقت محدد أخرج من أمريكا
و زوجي تكون عنده دراسة والملحقية ماتصرف تذاكر غير كل بعد 9 شهور معاناة والله , الله يسهل الأمور
ألف شكر أخي الفاضل ربي يوفقك ..

بالعكس الغرين كارد عن طريق الزواج أرخص وأسهل شي. الغرين كارد عن طريق التوظيف مثلا (Employment based) اللي يسوونه الشركات لموظفينهم يكلف أكثر من 6000 دولار للشخص الواحد وياخذ سنة ونص الى سنتين تقريبا لين يطلع الغرين كارد وبعدين الشخص يحتاج 5 سنوات عشان ياخذ الجنسية!!

ذكرتيني بنقطة مهمة وهي انه اذا قدمتي على I-485 يعني عندِك (Pending I-485) تقدرين تجلسين في أمريكا بشكل نظامي حتى انتهاء المعاملة حتى ولو انتهت صلاحية بطاقة ال I-94. ومن الأفضل انِك ماتسافرين برة أمريكا نهائيا بعد ماتقدمي على الغرين كارد حتى صدوره. السبب أن التأشيرة السياحية تعني أن صاحبها لايحق أن يكون عنده "نيّة الهجرة" وتقديم الشخص على الغرين كارد يعني انتفاء هذه الصفة (يعني صار عنده نيّة الهجرة) وبالتالي يمكن يسوون له مشكلة في المطار وهو جاي من برة. يعني يمكن يقولون له تأشيرة السياحة صارت غير صالحة!

الله يوفقك نبهتني على نقطة مهمة
طيب إذا رجعنا السعودية بشكل نهائي ومعايا القرين كارد متى تنلغي بعد كم سنة ؟
وهل فعلاً بعد سنة من صدور القرين كارد أقدر أقدم على الجنسية؟ ولا لازم بعد سنتين و٩ شهور؟
في وحدة قالت لي بعد سنة مدري عن مدى صحة كلامها!
وبالنسبة للإستمارات كيف نطبعها ونعبيها ونرسلها بالبريد ؟ أو نوديها مكان محدد؟ ولا نعبيها أون لاين ؟
وشكراً لك اخي الكريم

العفو أختي الكريمة،

أول شي ، اذا سألكم أحد (في المطار مثلا) عن سبب السفر الى السعودية لاتقولوين انك راجعة بشكل نهائي ، بيلغون الغرين كارد في نفس اللحظة. أيضا ، اذا سألكم موظف الجوازات وانتم جايين من برة لاتقولين انك كنت "مقيمة/عايشة" في السعودية لأنه بيلغي الغرين كارد في نفس اللحظة حتى لو كانت السفرة لمدة قصيرة. قولي له انك رحتي اجازة تشوفين أهلك الخ.

ثانيا ، تقدرين تجلسين برة أمريكا 6 شهور (180 يوم) من كل سنة بس لازم يكون عندك سبب قوي (مثلا سبب اجتماعي قوي ، كنتي موظفة عند شركة أمريكية وأرسلوكي لفرعهم برة مؤقتا ، الخ). اذا جلستي برة أمريكا لفترة أطول من 6 أشهر خلال سنة الغرين كارد بيضيع الا اذا طلعتي اذن من ادارة الهجرة (Advance Parole I-131) واذا وافقت ادارة الهجرة (طبعا لازم سبب قوي ايضا) تقدرين تجلسين فترة سنة خارج أمريكا.

ثالثا ، اذا زواجكم جديد (له أقل من سنتين) بيعطونك غرين كارد مشروط (Conditional Green Card) مؤقت (صالح لمدة سنتين فقط). وبعد سنتين (سنة و 9 أشهر الى سنتين) بيسوون لكم مقابلة عشان يتأكدون انكم لسة متزوجين وبعدين بيعطونك غرين كارد ثاني صالح لمدة 10 سنوات. اذا زواجكم له سنتين أو أكثر بتاخذين غرين كارد صالح لعشر سنوات.

رابعا ، ماتقدرين تقدمين على الجنسية بعد سنة!! هذا الكلام غير صحيح اطلاقا. لازم تنتظرين 3 سنوات (تقدرين تقدمين على الجنسية قبل انتهاء ال 3 سنوات ب 90 يوم).
هذه روابط تشرح (فترة اقامة الثلاث سنوات الخ) بتفصيل أكثر..

Citizenship through marriage 3 three year rule

Naturalization - requirements - Citizenship - Immigration

Retain green card - Useful tips for permanent residents

بالنسبة للاستمارات بقوللك بالتفصيل في المساء ان شاء الله..

بالتوفيق،

السلام عليكم ورحمة الله وبركاته

أنا معاي الجنسيه الامريكيه ولكن ماعندي سوشل سكيوريتي نمبر
هل استطيع استخراج الجرين كارد لزوجتي من دون ان يكون معي السوشل سكيوريتي نمبر ؟ لأني ماودي أطلع السوشل

لو طلعلته كلمني اطلع معاك

بانتظار رد الاخ فيصل

أخ فيصل والله ماقصرت ربي يوفقك
معلوماتك ماشاء الله جداً مفيدة , استفدت كثير من كل نقطة كتبتها
بالنسبة لي أقل من سنتين يعني راح يعطوني
(Conditional Green Card)
طيب وبعدما تنتهي المدة هل في القرين كارد الجديدة لازم أدفع نفس اللي دفعته في القرين كارد الأولى؟ ولا تعتبر مجرد ترقية لها بدون مقابل مادي!
وننتظر طريقة الإستمارات ..

وعليكم السلام ورحمة الله وبركاته،

المعذرة على التأخر في الرد.

الاجابة المختصرة نعم تقدر تطلع غرين كارد لزوجتك حتى لو ماعندك سوشل نمبر (السوشل نمبر غير اجباري من حيث المبدأ بشكل عام).

بجاوبك بتفصيل أكثر بكرة المسا أو يوم الاثنين بالكثير باذن الله..

الله يوفق الجميع..

الأخت الكريمة،

بعد انتهاء القبول المشروط تتم ترقية الغرين كارد مجانا بعد اتمام المقابلة.. الخطوة هذه فقط للتأكد من أن الزواج كان حقيقيا (Bona fide marriage).

لي عودة مع الاستمارات يوم الأحد مساءا أو يوم الاثنين باذن الله..

بالتوفيق،