مقابلتي مع السفأرهـ الامريكية 10/12/12 .. تفائلوا *-*

السلام عليكم ورحمة الله وبركاته ,
حبيت اقول لكم وش صار معي امس بالسفاره ..
موعدي كان 8:30 جاي 6 من الحماس :o المهم ..
يدخلونك عادي لو بدري انا دخلوني مع الي موعدهم 7:30 المهم تكون حاجز ..
المهم فيه موظفه برا تشييك على الاوراق المهم تطلع لها ورقة الموعد والجواز وصوره لك
قالت رح للشباك الي جنبي .. رحت كان هندي قال : جوال , مفتاح , ريموت , فلاش قلت ابد ولا حاقه
دخلت تفتيش نفس المطار ..
^^ كل هذا برا مبنى السفاره طبعا
دخلت المبني فيه امريكي اسود تحس انه قوي < متعوب على الوصف
شييك على رسوم السيفيس < صح كذا الاسم :confused:
المهم دخلت وقال انتظر الى ما يجي رقمك طلع رقمي بكاونتر 7 المهم رحت وبدا الخوف على بالي القنصل طلعت مصريه سألتني ليش طالع وهل عمرك سافرت وهيك
وخذت الاوراق المهمه وحطتها بملف وقالت اذا جاء دورك تعطي هالاوراق القنصل قلت مب انتي القنصل ضخكت قالت لا لا قلت بنفسي وفشيلتاهـ ..
المهم قالوا 24 ومير افز ويطلع لي شاب امريكي تعطيه بأول الثلاثين المهم قال كيف حالك قلت تمام
1-ليش مسافر؟ قلت دراسه 2- كم سنه قلت لغه وبكالوريس قال 5 سنوات يعني قلت يب
2- وش تبي تدرس ؟ قلت هندسه مكانيكيه
قال من يبي يدفع قلت اخوي قال كشف الحساب وعطيته
قال شهادة ثانوي قلت معي شاف النسبه قال حلو حلو <للامانه قال هلو مب حلو :D
قال اي مدينة قلت سان دييقو كاليفورنيا
قال مسافر برا السعوديه قلت ايه
قال تعرف احد هناك قلت لا
قال مسافر قبل لامريكا قلت ابدن
قال استمتع بدراستك بالولايات المتحده الامريكيه فيزتك مقبوله اسبوع وتكون عندك واخذ الجواز قلت شكرا شكرا وانا بقلبي اي وناسه الا كرف
قال عفوا رح سدد فيديكس قلت على نخرتي :p

بالمجمل المقابله مرره سهله كمل اوراقك وخلك واثق ولا تدخل منتديات واجد مثلي واهم شيء الزم الاستغفار والله يبي يوفقك

اي سؤال انا حاضر ودعواتكم ..:hbeat:

الف الف مبروك وعقبال الباقين يارب

اقتباس:

---

المشاركة الأصلية كتبت بواسطة y4zyz

الف الف مبروك وعقبال الباقين يارب

---

الحممدلله اليوم وصلت واستلمتها :)
وعقبالكم يارب ..

الف مبرووك تستاهل الله يوفقك :) انا باقي ما استلمتها :P دعواتكم

الف الف الف مبرووووك

مبرووووووك
حمدلله حتى انا اليوم استلمتها
الله يوفقنا يارب

ألف مبروك وعقبال إصدار القرار ،، موفقين لكل خير

تفآئلوا يآجمآعه =)

انا كانت مقابلتي امس الاربعاء 12-12-2012 >> مميز
انا وزوجتي

في نفس الشباك اللي كنت فيه يا طلال موجود فيه شاب امريكي ليس بكبير جداً
سالني عن عملي
وعن الجامعة التي تخرجت منها
وعن التخصص الذي سادرسه في امريكا
ولم يسال عن المدينة او الولاية
المقابلة كلها لم تتجاوز دقيقة واحدة

واخذ الجوازات وقال لزوجتي كم يوم وتوصل تاشيرتك
وانا قالي تاشيرتك محتاجة اجراءات ادارية اكثر
واعطاني ورقة صفراء

الصراحة قفلت اخلاقي منه

ولكن نسال الله التيسير

الف مبروووك لكل من استلم الفيزا وعقبال الباقي ان شاء الله عن قريب يستلمون

اقتباس:

---

المشاركة الأصلية كتبت بواسطة دكتور المستقبل2012

انا كانت مقابلتي امس الاربعاء 12-12-2012 >> مميز
انا وزوجتي

في نفس الشباك اللي كنت فيه يا طلال موجود فيه شاب امريكي ليس بكبير جداً
سالني عن عملي
وعن الجامعة التي تخرجت منها
وعن التخصص الذي سادرسه في امريكا
ولم يسال عن المدينة او الولاية
المقابلة كلها لم تتجاوز دقيقة واحدة

واخذ الجوازات وقال لزوجتي كم يوم وتوصل تاشيرتك
وانا قالي تاشيرتك محتاجة اجراءات ادارية اكثر
واعطاني ورقة صفراء

الصراحة قفلت اخلاقي منه

ولكن نسال الله التيسير

---

وانا مععك ب نفس التاريخ المميز هع
انا رقمي ككان اذا ماني بالاخير اللي قبل الاخير 148
قلت ي ولد ما بها شكلنا ب نتغدا مع السفير اليوم
الاا شوي وتنط اللبنانية وتقول ي اللي بدوه مئابلتو ب الانقلش هاللا ب دخلوا ع القنصل
قلت هذي فرصتك ي ذيبان خلص واطلع ع المطار :eek:
مير وانا ارفع يدي قلت انا بدي :ymca:
واقابل القنصل اللي بالشباك الاخير
لكن للحين وانا اقلبها ب راسي ي الربع ماا سألني الاا سؤالين . . متى تخرجت من الثانوي ؟ وين كنت اخر سنتين بسسسس ؟
ويوم جاوبته وانا اطالع به تسذاا :rolleyes: انتظره يقولي وش المدينة اللي طاالع لها ابي اسمع له اللي حفظته
بس ل الاسف شكل الموضوع ما هممه :arrowhead:
ويوم خلصصت جلست مع نفسي قلت انا وين انا شايف هالآدمي فيه :confused:
طلع هو اللي جانا ف الملتقى المتين ابو نظارات اللي بس يتبسم وهو ما يدري من وين هي هابه ^_^
الله يوفقنا ي رب ونستلم الفيز ونصدر قراراتنا وتذاكرنا .. بس ي جماعه اوصيكم ونفسي ب الاستغفاااااااااااار