الأعضاء الإشتراك و التسجيل

الملتقيات
ADs

تجــربتي مع > السسفــآرة < !

تجــربتي مع > السسفــآرة < !


NOTICE

تنبيه: هذا الموضوع قديم. تم طرحه قبل 1865 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية MrMosta7el
    MrMosta7el

    مبتعث مستجد Freshman Member

    MrMosta7el الولايات المتحدة الأمريكية

    MrMosta7el , ذكر. مبتعث مستجد Freshman Member. من السعودية , مبتعث فى الولايات المتحدة الأمريكية , تخصصى Special , بجامعة Somewhere
    • Somewhere
    • Special
    • ذكر
    • Where my Dream lives, My mood state
    • السعودية
    • May 2012
    المزيدl

    December 13th, 2012, 08:09 PM

    السلآم عليكم ورحمة الله وبركآته ..
    كيف حآلكم مع أمور الابتعاث أن شاء الله كويسين
    ..

    االمهم مآلكم بالطويلة
    .. الكثير منكم مقبل على مقابلة السفارة ..
    او بيسويها بعدين ، ف أبي أذكر لكم تجربتي لعل وعسى أن تستفيدوا منها ولو القليل
    ..
    طبعا بحكم إني شخص مميز
    .. جت مقآبلتي بيوم مميز 12-12-2012
    وطبعا قبل موعدي بيومين وانا أشحن نفسي بالثقه
    ، ،
    لدرجة آني يوم قمت الصبآح للموعد بغيت أروح ببجآمة النوم
    !
    بس تعوذت من إبليس وقلت لآ يآرجل مو لهآلدرجة
    ، مآتسوآ عليك ألحين ترجع مطرود :$
    الوكآد لبسث آلثوب وطلعت للسفارة
    ، وصلت السفارة متأخر .. وبعد انتظار طويل بالصف ،،
    اتفاجأ بالرد ذآ
    : معك صورة ؟ قلت : لآ .. قالت : ارجع صور وتعآل .. ~_~" <-- يآبدآية قششرآ ..
    رحت صورت وجيت
    ،، وعطيتهآ الاوراق اللي طلبتهآ : ( الجواز + وصل سآمبا + صفحة تأكيد الموعد + صفحة تأكيد ds-160 )
    ودخلت مع أبواب السفارة
    .. بعد مآتم التفتيش وكذآ .. وايداع الأمانات : ( الجوال + المفاتيح )
    أخذنـآ رقم وجلسنآ ننتظر
    .. بعد انتظار نصف سآعه ، جآء دوري .. عند شخص لبنآني ..
    وطبعا اللبنآني بيطلب الأوراق اللي رتبوهآ لك عند البوآبة
    .. اللي هي اللي فوق ..
    جلس يطقطق ع الكمبيوتر شوي
    ، وقآل لي : عطني الضمآن المآلي ..
    عطيته الضمآن المآلي ولكن أنصدمت بالرد
    : هذآ موب ضمآن مآلي !! هذا مجرد ترشيح ..
    قلت كيف يعني
    ؟ قآل يعني هذا ترشيح للإبتعاث ، وماهوب بضمآن مآلي !
    طبعا هنآ بغيت اتفلت شوي ع الموظف
    ، ونسيت آني بسفارة أصلا .. قلت: يآحبيبي هذا من الوزارة واسمه ضمآن مآلي ،
    قال لآ هذا مجرد ترشيح
    ، قلت أجل منين أجيب ضمآن مآلي ؟ قآل من الوزآرة ، قلت هذا من الوزأرة طيب !!
    ويلف الورقة ويقراها علي ، ويقول مكتوب فيها انها مجرد ترشيح
    ! طبعا هنآ معد أدري ش أٌقول فقلت له : خير ان شاء الله ..
    ورجع يطقطق ع الكمبيوتر مرة ثانية
    ، وقال لي عطني ايميلك : واعطيه ايميلي قآل فلآن إيش يقرب لك ؟ قلت ولد عمي ..
    قال مواليد كم
    ؟ قلت والله مآدري عنه .. قال كم عمره ؟ قلت والله مدري بس حول العشرين .. قال اوك .. ويسجل ع الكمبيوتر ..
    ويعطيني الاوراق وقال لي انتظر المقابلة الثانية
    .. انتظرت شوي طبعا وانا متحطم وبرآسي انهم بيعطوني ورقة النواقص ..
    عشان اجيب لهم الضمآن المآلي من الوزارة
    ، لأني مالي خلق مرمطة وابي اخلص قبل يتكدس معهدي ~_~"
    المهم
    .. جاء رقمي بالمقابلة الثانية .. وتقآبلني أمريكية حليوة <- بأخلاقهآ طبعا :$ ..
    قالت
    : هلبلينتكىمنشطةوبركيش ؟ <- قلت : هآه !
    مافهمت شيء طبعا من اللي قالته
    ! ههههههههههههههههههههههه
    قالت مرة ثانية
    : هل لديك اقارب في أمريكا ؟ قلت : Yes
    قالت في انديانا
    ؟ قلت : يب .. قال مين ؟ قلت : My cousin يعني ولد عمي ..
    قالت
    : هل سبق السفر الى امريكا ؟ قلت : Yup <- طبعا ابيهآ تسولف انجليزي بس مآتفهم ~_~"
    لأنها بالعربي مآدري وش تقول
    ، ويبيلي أركز دبل عشان أفهم وش تبي ~~
    قالت
    : الى اي ولاية تريد الذهاب ؟ قلت : illinois state
    قالت اذهب لتسديد رسوم الفيدكس
    ، تأشيرتك مقبولة ، ( آلحمد لله )
    طبعا المقابلة كآنت سريعه جدا لدرجة آني سددت فيدكس وانا ماشي اشوف اللي قبلي توه خلص مقابلة
    ..
    والبنت اللي سوت معي المقابلة كآنت مرة كويسة
    ، بس لو انها تسولف زين ~~
    طبعا رحت لفيديكس
    .. وعبيت الورقة تبعهم .. وقال لي : أقرب فرع .. وعلمته ،
    قال
    : أوكي اول مآيجي جوآزك بنكلمك جوال ... قلت مآعندك أي مشكلة ، دق متى مآبغيت !
    وكذآ آنتهت قصتي آللي مدري وش تبي
    ..


    المهم نقطة أخيرة للتوضيح
    : اطبعوا الضمآن المآلي المعدل ، ممكن فيه اختلاف ..
    لأني انا طابع الضمان الأول
    ، ومآقريته لآ هو ولا اللي معدل ، بس يمكن انهم معدلينهآ ..

    وللتذكير مرة ثآنية الاوراق اللي تآخذهآ معك للسفارة
    ..

    1- جواز السفر وصورة منه والجوازات القديمة وصور منها كذلك ..
    2- اخر شهادة حصلت عليها .. ( صورة ) .
    3- الآي تونتي .
    4- وصل تسديد سامبا .
    5- صفحة تأكيد النموذج ds-160 .
    6- الضمان المالي .
    7- صورة 5*5 خلفية بيضاء ..
    8- صورة من تسديد رسوم السيفيس ..


    وان شاء الله أمورك في السليم اذا اخذت هالأوراق كاملة معاك

    أتمنى أني أفدت ولو القليل ..
    ولآتنسوني من دعآئكم
    ،


    عوآفي
    ..


  2. ههههههههههههه
    مبروووك حمدلله يارب
    يا رجل انا نسيت فلوس فيديكس ورحت رجعت السيارة ورجعت مرة ثانية ^_^ و احراج طنشت الطابور ورحت ع طول للتفتيش وخفت انه يرفضون فيزتي لما يشوفوني بالكاميرات انه مطنش الطابور ههههه
    المهم
    سددت ومشيت ذا الكلام الاثنين الاربعاء بالصباح اخذتها الحمدلله
    وفعلا الضمان المالي المعدل اللي وريته لهم
    عسى ربي يوفقنا ان شاء الله
    7 "
  3. المشاركة الأصلية كتبت بواسطة مهندس مكانيكي
    مبروك على الفيزا
    بس في نقطة صغيرة ( جوازات السفر القديمة ) انا طلعت جواز سفر اول ومارحت محل وقبل الملتقيات جدتتة لانة باقيلة 6 اشهر بس هل في مشكلة في القنصلية ولا ؟
    لآ عآدي أمورك في السليم ان شاء الله
    ..
    انا بالمقابلة ذي
    ، مآطلبوه مني .. ولكن في المرة المآضية طلبوه ..
    وأعتقد انو اخر جواز سفر فقط
    ، لأنهم بيشيكون على آخر 5 سنوات ..
    واذا ماسافرت أخر
    5 سنوآت .. ماراح تفرق معهم : )
    بس ممكن يطلبوه للتأكيد
    ، فالأفضل خذ جواز الجديد والقديم ، حتى لو مآسافرت فيه ..

    بالتوفيق
    .
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.