الأعضاء الإشتراك و التسجيل

الملتقيات
ADs

تجربتي مع القنصلية الأمريكية في جدة + صدور الفيزا ^^

تجربتي مع القنصلية الأمريكية في جدة + صدور الفيزا ^^


NOTICE

تنبيه: هذا الموضوع قديم. تم طرحه قبل 1826 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية Bakry Baso
    Bakry Baso

    مبتعث مستجد Freshman Member

    Bakry Baso الولايات المتحدة الأمريكية

    Bakry Baso , ذكر. مبتعث مستجد Freshman Member. من السعودية , مبتعث فى الولايات المتحدة الأمريكية , تخصصى Computer Since , بجامعة Lewis Clark State College
    • Lewis Clark State College
    • Computer Since
    • ذكر
    • Lewiston, IDAHO
    • السعودية
    • Nov 2012
    المزيدl

    December 19th, 2012, 03:11 AM

    السلام عليكم

    يوم 16 ديسمبر كان عندي موعد في القنصلية الأمريكية بجدة الساعة 8:30 صباحا , رحت القنصلية الساعه 7:00 << متحمس أول ما رحت وقفت طابور داخل سور القنصلية بس خارج المبنى لين ما وصلت عند رجال سوداني الجنسية الساعة 7:15 قلي جوازك اعطيته الجواز قلي متى موعدك قلت 8:30 أعطاني الجواز و قلي ارجع بداية الطابور رجعت البداية و صار كل ما احد يجي ورايا أخليه يقدم لين ما وصلت عنده مرة ثانية الساعة 7:45 قلتلو انا اللي اول رجعتني ورا ^^ قلي مممم لسه يبالك تنتظر شوية ارجع ثاني -.- رجعت و وصلت عنده ثاالث مرة الساعه 8:00 قلي شكلك مو غريب عليا (( ينكت )) هههههه سوا صح قدامي اسمي في الورقة اللي معاه و أعطاني الجواز و معاه كيس أحط فيه جوالي و المفاتيح .. الخ << عاد لا يفوتكم شكل الناس و هما يطالعو فيا لمن قلي ارجع بداية الطابور مرعوبين ههههههههه ,, المهم بعد ما اعطاني الجواز قدمت شوية و تنتظر قدامك كم واحد تقريبا 4 اشخاص و في باب على اليسار ينادينا واحد واحد ,,

    بعد ما نادا اسمي دخلت و في جهاز تفتيش زي حق المطار و تنزل كل شي في جيبك و يفتشك و تدخل في الجهاز و في زي المكتب صغير فيه حرمة تاخذ منك الملفات و تفتشها و تاخذ الكيس اللي فيه الجوال ... الخ و تعطيك رقم عشان لمن تخلص تاخد الجوال بعد التفتيش تخرج من باب و في عسكري واقف عند الباب يقلي امشي على الخط الأصفر , يعني مسافة مررة قريب ابو دقيقة كدا توصل عند باب تدخل تلاقي جهاز تفتيش ثاني على اليمين مكتب تعطيه اوراقك و تدخل الجهاز يفتش الاوراق و في بنت لبنانية تقلك صباح الخير و انت طالب و لا سياحه اقلها طالب تقلك اوكي جهز الاوراق دي و دي و دي ... الخ عشان لمن يجي دورك تكون جاهزه و تعطيك رقم لدورك .

    تدخل غرفة انتظار فيها كراسي كثير و قدامك 7 شبابيك 4 فوقها ارقام تتقلب و 3 مافي فوقها شي المهم جا رقمي رحت الشباك عند واحد شكله سعودي أعطيته كل أوراقي و سالني اول مرة تسافر امريكا قلت ايوة و خلاني ابصم و رجعلي بعض الأوراق و خلا كم ورقة عندو قلي استريح شوية لين ما ينادوك بالاسم جلست بعد 10 دقايق تقريبا زهمتني حرمة اعطيتها اوراقي قالتلي صباح الخير انت اول مرة تسافر امريكا قلت ايوة قالتلي بصم بعدين قالتلي وين سافرت خارج المملكة قبل كذا قلت اندونيسيا قالت وين بتروج في امريكا قلت ولاية إيداهو قالت بتدرس بكالوريس قلت اول شي لغة بعدين بكالوريس قالت مين بيتكفل بمصاريفك قلت أبويا قالت ممكن كشف الحساب اعطيتها هو قالت وين يشتغل ابوك قلت في الخطوط السعودية جالسة تقلب في كشف الحساب و قالت ممتاز و اعطتني الاوراق و معاها ورقة حق فيديكس قالتلي فيزتك مقبولة روح سدد رسوم فيديكس و لمن تجي الفيزا راح يبلغوك , قلت كم تاخذ وقت تقريبا ^^ قالت مممم من 3 لـ 4 ايام ان شاء الله المهم رحت دفعت رسوم فيديكس 65 ريال و اخترت الفرع القريب من بيتي و خلاني اوقع على الورقة و اكتب رقمي و اعطاني هيا خرجت و رجعت المكان اللي فيه جوالي أخذت اشياء و خرجت من السفارة

    و أمس تاريخ 18 ديسمبر جاتني رساله من فيديكس انو تعال خذ أشيائك يعني الفيزا أخذت يومين بس ^^

    معليش على التفصيل الممل بس للتوضيح للي يبو يعرفو ايش يسوو ^^

    و اي استفسار انا حاضر ^^
  2. المشاركة الأصلية كتبت بواسطة a7sas1
    وعليكم السلام ..


    مماشاء الله تبارك الله


    تستاهل كل خير .. والف مبروك


    طيب اخوي متى وصلت الرسالة من فيدكس ... الصبح
    الله يبارك فيك
    الرسالة وصلتني الساعة 3:53pm العصر يعني ^^
    7 "
  3. المشاركة الأصلية كتبت بواسطة a7sas1
    بعدك سوويتها تاريخ 17

    وقالولي يا طويل العمر فيزتك مقبولة بالكثير 5 اايام
    أنا قالولي من 3 لـ 4 أيام و طلعت في يومين يعني انت في 3 أيام ان شاء الله يعني ما حتتأخر عن 5 أيام إن شاء الله ، أتوقع انك تنام و تصحى تلاقي رسالة منهم ، بس انت لمن تشوف في رسالة في جوالك قبل لا تشوف من مين قول يا رب من فيديكس هههههههههه زي ما سويت أنا ^^“ ،،، انت مين سؤالك المقابلة ؟
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.