الأعضاء الإشتراك و التسجيل

الملتقيات
ADs

بعد مارفضتني السفارة مرتين اخيرا استلمت الفيزا

بعد مارفضتني السفارة مرتين اخيرا استلمت الفيزا


NOTICE

تنبيه: هذا الموضوع قديم. تم طرحه قبل 1859 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية حلمي ادرس برى
    حلمي ادرس برى

    مبتعث مستجد Freshman Member

    حلمي ادرس برى السعودية

    حلمي ادرس برى , أنثى. مبتعث مستجد Freshman Member. من السعودية , مبتعث فى السعودية , تخصصى علوم , بجامعة كلية
    • كلية
    • علوم
    • أنثى
    • حفر الباطن, الشرقية
    • السعودية
    • Jul 2010
    المزيدl

    December 19th, 2012, 11:00 PM

    البداية كانت بتاريخ 21 نوفمبر
    حجزت في سفارة الرياض بدل قنصلية الظهران
    لان مواعيدهم متاحه عكس القنصلية يالله نحصل موعد
    كان شعور غريب ان حلمي الي انتظره سنوات طويلة تحقق
    ماكان عندي شعور بالقلق
    كانت مشاعري متبلده وقتها
    دخلنا السفارة والي رتبت اوراقنا مصرية في شباك رقم 7
    بعد ماعطوني رقم وجلسنا انا وزوجي ننتظر المقابلة مع القنصل
    نادت لبنانية لابسه بلوزة ورديه ومتحجبة
    الي راحوا سفارة الرياض بيتذكرونها
    القنصل كانت امريكية نحيفه وشقره
    تسئل وين سافرتوا
    اي ولاية بتروحون
    شنو بتدرسون
    فجاة تطالع الايتوني ورجعته لي
    قالت اسفه مدام فيزتك مرفوضة !!
    اكبر كابوس ان نسمع هالرفض
    قالت المعهد كنسل رقم السيفيس
    قالت لزوجي مبروك فيزتك مقبولة بعد اسبوع تستلمها
    ا
    بعد مارجعنا الشرقية
    رسلنا للمعهد قال غلطة موظف وبنرسل لك جديد
    ارسلوه بالبريد السريع اربعه ايام ووصل
    طيب وين اصرفها حسبي الله عليكم
    كنت خايفة مرره ان هالرفض يعرقل الفيزا وياخروني والدراسة قريبة
    ليلتها كنت متضايقة بشكل كبييير


    بعد اسبوع وشوي
    في 3ديسمبر حجزت موعد من جديد
    بعد ماسددت الرسوم وعبيت الابلكيشين من جديد
    رحت الرياض مع ابوي
    وصلت القنصل
    قالت اسفة السفيس ملغي
    قلت شيكي من جديد
    وشيكت قالت مااقدر اعطيك الفيزا وعطتني ورقه اني مرفوضه
    وقتها جاني ابشع شعور بالخيبة
    طلعت واشوف ناس يسددون رسوم فيديكس واسمع كلمه فيزتك مقبوله
    وانا طالعه من السفارة برفضين

    قلت برجع لو يرفضوني الف مره
    بعد اسبوع وشوي حجزت بعد ماسددت وعبيت الابلكيشين
    اارسلت المعهد قالوا تفعل السفيس ومايحتاج نرسل لك واحد جديد
    الموعد في 11 ديسمبر
    رحت الرياض ثالث مره
    يشرحون لهم شنو الاوراق المطلوبه في الطابور
    وانا جايه وعارفة كل شي
    جيت بتهور وبقول تبغيني اساعدك

    صرت عارفه الاجراءت والاسئلة ووين اروح
    في اقل من شهر 3 مرات روحه للسفارة
    كنت خايفه ومتوترة ان يرفضون يعطوني الفيزا او ياخروني ويضطر زوجي ياجل الدراسة بسببي
    سئلني الموظف رايحه مع مين
    قلت زوجي قال طيب عطيني اثبات انه زوجك صورة جواز او صورة فيزته
    قلت ماعندي
    قام يتكلم مع وظيفه
    خفت مرره ان ارجع مرة رابعه
    طلع ظرف شفاف وحط اوراقي

    جات مقابلتي مع القنصل كانت وحده نحيفه وشقره مثل خويتها
    سئلتني وين بتسافرين
    شنو بتدرسين
    كنت خايفه ان المعهد ينكبوني والسفيس يكون ملغي
    منو معه بتسافرين قلت زوجي قالت اصدرنا له الفيزا؟ قلت ايه
    سافرتي امريكا قلت ايه
    قالت فيزتك مقبوله بعد اسبوع استلميها
    هالكلمه الي من زمان انتظر اسمعها
    طلعت من السفارة مع قبول بدل رفض مرتين

    في يومين استلمتها

    من كثر مااروح وارجع السفارة
    شعوري مثل الطالب الي رسب ويعيد الاختبار



  2. الله يبارك فيكم
    جاني احباط وحزن مب طبيعي
    بس قلت ياانا يالفيزا كان زوجي يقول خلاص انتظرك مايحتاج تروحين الرياض

    وقت المقابلة الاخيرة
    سمعت رجال صوته مثل ابوي جاي مع بنته ويقول الحمد لله قبلوا فيزتك
    وقت سمعت صوته خنقتني العبرة <<< قلبتها دراما
    واتخيلت ابوي مكانه الله لايحرمني منه
    7 "
  3. ماشاء الله تبارك الله ..

    الف مبروك اختي

    سبحان الله ما تضيق الا وتفرج .. لطف الله بعبادة

    الله يوووفقك ويسسهل آمرك وين ما تروحين ويجعل لك من كل سد فرج يا رب

    تسستاهلين كل خير

    موفقه في حياتك العلمية والعملية
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.