جوازي ضاااااااااااااااااااااااااااااااااااااااااااااااع. ...

مرحبا أختي الكريمة .. لي موضوع سابق بعبه يفيدك

http://www.mbt3th.us/vb/forum16/thread336695.html

مثلما تفضل أحد الأخوة احضار ما يثبت أن لديك بعثة وقابلة بالسفارة أمر ممتاز وسيدعم موقفك ..
إن كنت تعرفين واسطة بالكثير 10-14 يوم وهو عندك مع ملاحظة أنك ستدفعين غرامة 500 ريال + قيمة الجواز 150 ريال على ما أذكر وطبعا تحقيق مع عسكري من الجوازات بمحضر رسمي(كلام على ورق - مامنه خوف)

بالنسبة للمعهد اللي بأمريكا عادي ممكن تقولين لهم انسرق جوازي وبارسل لكم جوازي الجديد ويا ليت ترسلون لي ايتوني برقم الجواز الجديد وهم بيضبطون وضعك فلا داعي للقلق
وإن كان لديك موعد بالسفارة فأجليه احتياطا

الله يسهل أمرك وتلقين جوازك القديم أو تتسهل امورك بالجوازات ويطلع لك جواز بديل بأسرع وقت

الله يسهل اموركم جميعا ويطمن قلوبكم.....يعني اخوي ماينفع اكمل اجراءاتي بالايتوني القديم.....لانه كثير قالو ان الايتوني ماله علاقة برقم الجواز

ابشركم اخواني لقيت الجواز في مكان دورت فيه اكثر من عشرين مليون مرة وسبحان الله ماكنت اشوفه....لكن احب افيدكم بالدرس اللي استفدته من هالتجربة....
اولا : حنا كنا حاجزين موعد للسفارة وسبحان الله فقدت الجواز والغيت الموعد وكنت على يقين تام ان الجواز ماضاع لكن الله بيصرفنا عن الموعد او عن السفر للرياض ومصروفين عن شر اكيد.
ثانيا: طول الوقت كنت ادعي ربي بدعاء الضالة والاية اللي ذكروها الاخوان بهذا الموضوع الله يجزاهم كل خير وكنت ارددها بايمان كامل واستودعت الله جوازي...
طبعا انا زوجي راح للجوازات في الرياض لانه يعرف واحد هناك وكلموا فرع الجوازات عندنا عشان يرسلون الملف وقالو له مايحتاج يابن الحلال تعال وحنا نخدمك ( على بالهم انه تجديد ) ويوم رجع لهم ودرو انه ضايع قالو ارجع لخويك بالرياض لانه هنا صعبة جدا وفيها غرامات ومنع من السفر وماراح تستلم الجواز الا بعد شهووووووووور...
طبعا كيف لقيته....انا لي ايام ادور بالنت اي معلومة انه مافيه علاقة بين رقم الجواز والايتوني وعندي قبول من معهد ثاني فقلت ليش ما اشوف هل القبول فيه رقم للجواز والا لا....واول ماطلعت الاوراق الا والجواز قدامي....وعلى طول كلمت زوجي لانه كان بيروح للرياض بعد بكرى....وطبعا جتني كم تهزيئة....بس معليش....وعلى طول سجود شكر لله الذي حمانا من شر ماكنا نعلم عنه....
عند اي ضيقة رددو لا حول ولا قوة الا بالله....وحسبي الله ونعم الوكيل..والله انها شفاء لسبعين داء ابسطها الهم...

ألف مبروك

وبالتوفيق لباقي الإجراءات.