اللي استلموا الفيزة الامريكية يدخلون هنا؟؟
السلام عليكم ورحمة الله وبركاته.....
الف مبروك!!!! لكل من استلم الفيزة وعقبال اصدار القرار... لكن عندي سؤال محيرني هل السفارة يطلبون وثيقة التخرج ؟ لان وثيقتي ماراح استلمها قبل 27 يناير 2013 وموعد دراستي يبدأ بعد شهرين من استلام وثيقتي 28 مارس 2013 وأخاف ان فيزتي تطول زي بعض الشباب واتورط!!!!!
أرجو الافادة مع الشكر والامتنان.........
رد: اللي استلموا الفيزة الامريكية يدخلون هنا؟؟
اسمع اخوي
الوثيقه من اللوازم
ولكن انت وحظك
وان شاءالله مايطلبونها
قبل يومين بالرياض مقابلتنا وماطلبوا الا السسفيس والايتوني وايصال سامبا والدي اس 160 والضمان المالي والجوازات
وبالتوفيق اخوي
رد: اللي استلموا الفيزة الامريكية يدخلون هنا؟؟
انا عن نفسي طلبوها
الوثيقه وكشف الدرجات
انا اتوقع افضلك لو تكلم الجامعه يستعجلولك فيها عشان موعد السفاراه
حلو لما تروح واوراقك كامله
والله يوفقك ويسهلها عليك
رد: اللي استلموا الفيزة الامريكية يدخلون هنا؟؟
مشكور على ردك الجميل اخوي...وهذه مشكلة السفارة اللي محيرتنا (الضبابية) مافي وضوح !!! تلقاهم ماطلبوا منك الوثيقة وطلبوها من غيرك؟؟! واحد تطلع فيزته بيومين وواحد بشهرين!!!!!
ماقول الا الله يعين.....
رد: اللي استلموا الفيزة الامريكية يدخلون هنا؟؟
مشكور أختي TAHANI.S على الرد .... وبالنسبة للجامعة رحت لهم وحاولت يستعجلون بطباعة الوثيقة ورفضوا بحجة انو فيه system ماشين علي و process طويل عريض اول شي ادخال بيانات جميع الخريجين وبعدين حساب معدلات جميع الخريجين وحساب المعدل على فكرة يحتاج software وماعندنا بالجامعة الامبرمج واحد يشتغل عليه..!!!!!!
هذا كان عذرهم البايخ !!!!
لكن ماقول عسى الله يفرجها!!!
رد: اللي استلموا الفيزة الامريكية يدخلون هنا؟؟
هم طالبين من الثانويه وفووق مع كشف الدرجات بالتووفيق بس اشوفهم كاتبين هات كشف درجاتك حتى لو ماتخرجت
رد: اللي استلموا الفيزة الامريكية يدخلون هنا؟؟
وعليكم السلام ورحمة الله وبركاته ..
انا ماطلبو مني الوثيقه بس كشف الدرجات ,,
وصدقني راح يمديك شهرين مره كوويس لاتقلق
بالتوفيق
رد: اللي استلموا الفيزة الامريكية يدخلون هنا؟؟
طيب لازم نترجم كل الشهادات ولا يكفي اخر شهاده
رد: اللي استلموا الفيزة الامريكية يدخلون هنا؟؟
أخوي من الضروري تكون الوثيقة معاك لأن القنصل بيطلع على الوثيقة و يتأكد أنك مخلص من (البكالوريوس مثلا) وطالع ماجستير , وكذلك يهتمون بالتخصص يشوف تخصصك بالبكالوريوس و كذلك يسألك وش بتدرس
و هذا اللي صار معي و بالنسبة للفيزة جاتني خلال 4 أيام بس علما إني بالرياض .
أتمنى إني أفدتك ..
رد: اللي استلموا الفيزة الامريكية يدخلون هنا؟؟
اقتباس:
المشاركة الأصلية كتبت بواسطة RSN
طيب لازم نترجم كل الشهادات ولا يكفي اخر شهاده
المطلوب آخر شهادة بس